{"id":92680,"date":"2026-11-01T21:06:54","date_gmt":"2026-11-01T19:06:54","guid":{"rendered":"https:\/\/edublog.educastur.es\/ixuxu\/?p=92680"},"modified":"2026-11-01T21:11:00","modified_gmt":"2026-11-01T19:11:00","slug":"vivir-solo-ya-ye-la-opcion-mayoritaria-en-68-de-los-78-conceyos-dasturies","status":"publish","type":"post","link":"https:\/\/edublog.educastur.es\/ixuxu\/2026\/11\/vivir-solo-ya-ye-la-opcion-mayoritaria-en-68-de-los-78-conceyos-dasturies\/","title":{"rendered":"Vivir solo y\u00e1 ye la opci\u00f3n mayoritaria en 68 de los 78 conceyos d&#8217;Asturies"},"content":{"rendered":"<p><a href=\"https:\/\/www.lavozdeasturias.es\/amp\/noticia\/asturias\/2026\/10\/28\/vivir-solo-opcion-mayoritaria-68-78-concejos-asturias\/00031793201434728133913.htm?utm_campaign=amp\">Vivir solo y\u00e1 ye la opci\u00f3n mayoritaria en 68 de los 78 conceyos d&#8217;Asturies<\/a>.<\/p>\n<p style=\"text-align: center\"><a href=\"https:\/\/cflvdg.avoz.es\/sc\/WJIeLS4IYYWfl6Vuop1rcYNhAaE=\/768x\/2026\/10\/28\/00121793202891505313745\/Foto\/pla1.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/cflvdg.avoz.es\/sc\/WJIeLS4IYYWfl6Vuop1rcYNhAaE=\/768x\/2026\/10\/28\/00121793202891505313745\/Foto\/pla1.jpg\" width=\"768\" height=\"442\" \/><\/a><\/p>\n<p>Nueve de cada diez llares de la comunid\u00e1 son de nacionalid\u00e1 espa\u00f1ola, concentr\u00e1ndose la mayor tasa de residentes estranxeros en Cabranes.<\/p>\n<p><!--more--><\/p>\n<p><strong>Los llares formaos por una sola persona son una realid\u00e1 cada vez m\u00e1s com\u00fan n&#8217;Asturies.<\/strong> Y am\u00e1s esti\u00e9ndese de forma xeneralizada tanto peles principales \u00e1rees urbanes de la comunid\u00e1 como pelos conceyos de monte. Tr\u00e1tase tami\u00e9n d&#8217;un fen\u00f3menu marc\u00e1u pol avieyamientu: a partir de determinada ed\u00e1, concretamente <strong>al superar los 65 a\u00f1os, la inmensa mayor\u00eda d&#8217;estes viviendes unipersonales correspuenden a muyeres que viven soles.<\/strong><\/p>\n<p>Asina lu revelen los \u00faltimos datos del informe Llares 2025, public\u00e1u pola Socied\u00e1 Asturiana d&#8217;Estudios Econ\u00f3micos y Industriales (SADEI) a partir de la base de la Poblaci\u00f3n Residente de Referencia. Acordies con esti an\u00e1lisis,<strong> les viviendes habitaes por un \u00fanicu individuu son y\u00e1&#8217;l modelu residencial m\u00e1s frecuente d&#8217;Asturies, y suponen y\u00e1&#8217;l 34% del conxuntu de llares asturianos.<\/strong><\/p>\n<p>Los llares unipersonales son los m\u00e1s comunes en 68 de los 78 conceyos asturianos, superando a cualquier otra estructura familiar. Nos otros diez conceyos, los llares de dos miembros son llixeramente cimeros. La composici\u00f3n interna d&#8217;estos llares varia de manera notable en funci\u00f3n de la ed\u00e1 y del sexu de les sos ocupantes.<\/p>\n<p><strong> Nel tramu d&#8217;ed\u00e1 entend\u00edu ente los 0 y los 64 a\u00f1os, la presencia masculina ye mayoritaria<\/strong>, contabiliz\u00e1ndose 44.717 homes frente a 36.275 muyeres.<\/p>\n<p>Sicas\u00ed, <strong>a partir de los 65 a\u00f1os l&#8217;encl\u00edn invi\u00e9rtese con contundencia deb\u00edu a una mayor llonxevid\u00e1 femenina<\/strong>: rex\u00edstrense 50.650 muyeres vivendo soles frente a 22.038 homes, una cifra que m\u00e1s que dobla a la masculina y que nos dos conceyos m\u00e1s populosos, Xix\u00f3n y Uvi\u00e9u, llega pr\u00e1cticamente a triplicala.<\/p>\n<p>La escepci\u00f3n a esti patr\u00f3n xeneral alcu\u00e9ntrase en 15 conceyos de monte, onde los homes siguen siendo mayor\u00eda nos llares unipersonales a cualquier ed\u00e1, llegando a superar el 70% del total en casos como Ponga y Pez\u00f3s.<\/p>\n<p>Lo cierto ye que<strong> la puxanza de llares habitaos por una sola persona dase al par qu&#8217;una perda de los venceyos comunitarios cotidianos.<\/strong> Los datos del Indicador Multidimensional de calid\u00e1 de Vida (IMCV), ellabor\u00e1u pol Institutu Nacional d&#8217;Estad\u00edstica (INE), reflexen un progresivu debilitamientu del tex\u00edu interpersonal nel Princip\u00e1u. Magar los asturianos declaren un prestu apreciable col tiempu llibre disponible, puntuada con un 6,7 sobre 10, la frecuencia cola que caltienen alcuentros presenciales con amigos, familiares o compa\u00f1eros de trabayu bax\u00f3 de forma siguida en comparanza cola d\u00e9cada pasada. Esta reducci\u00f3n del contactu cola redolada relacional asitia al \u00e1mbitu d&#8217;ociu y relaciones sociales como la dimensi\u00f3n con peor valoraci\u00f3n de tol perfil asturianu nel \u00edndiz del INE.<\/p>\n<p><strong>C\u00f3mo son los llares n&#8217;Asturies. <\/strong>En t\u00e9rminos xenerales, el volume global de llares n&#8217;Asturies xub\u00eda a 448.492 a 1 de xineru del 2025, con un tama\u00f1u mediu rexonal de 2,23 persones per llar.\u00a0La distribuci\u00f3n espacial respuende a la repartida poblacional, <strong>concentr\u00e1ndose&#8217;l 56% de toles viviendes en tr\u00e9s conceyos urbanos: Xix\u00f3n (120.992 llares), Uvi\u00e9u (96.485) y Avil\u00e9s (33.872).<\/strong><\/p>\n<p>Atendiendo a la media de convivientes por vivienda, esisten notables diferencies xeogr\u00e1fiques ente conceyos. Los valores promediu m\u00e1s elevaos alcu\u00e9ntrense na nala occidental y l&#8217;\u00e1rea central: <strong>Coa\u00f1a<\/strong> rexistra la cifra m\u00e1s alta con 2,58 persones, siguida d&#8217;<strong>El Franco<\/strong> con 2,53, y de <strong>Llanera y Navia<\/strong>, dambos con un promediu de 2,44 miembros. Otra manera, un total de 14 conceyos as\u00edtiase con valores medios per debaxo de los dos habitantes por llar.<\/p>\n<p>Les medies m\u00e1s baxes de la comunid\u00e1 correspuenden a <strong>Pez\u00f3s<\/strong>, con 1,73 persones per vivienda, <strong>Quir\u00f3s<\/strong>, con 1,77, y <strong>Eilao<\/strong>, con 1,82. Nel c\u00f3mputu global asturianu, tres del 34% de llares unipersonales, all\u00faguense los de dos persones (31%), tr\u00e9s (19%), cuatro (11%), cinco (3%) y seis o m\u00e1s integrantes (2%). Pese al predominiu de les viviendes unipersonales en n\u00famberu d&#8217;unidaes, la mayor parte de los ciudadanos mora en llares de dos persones (28% de la poblaci\u00f3n), sigu\u00edos de los de tr\u00e9s (26%) y cuatro miembros (19%).<\/p>\n<p>Respectu al orixe y la nacionalid\u00e1 de los miembros qu&#8217;integren cada unid\u00e1 familiar, <strong>el 92% de los llares asturianos ta compuestu na so totalid\u00e1 por persones con nacionalid\u00e1 espa\u00f1ola.<\/strong> Nel porcentaxe restante onde convive poblaci\u00f3n forana, estr\u00e9mense dos realidaes: los llares mistos, integraos por persones espa\u00f1oles y estranxeres, que representen el 4,69%, y los formaos puramente por ciudadanos estranxeros, que suponen el 2,79%. Esta prevalencia de los llares mistos sobre los puramente estranxeros reproduzse na casi totalid\u00e1 del territoriu rexonal, salvu en 11 conceyos d&#8217;escasa poblaci\u00f3n.<\/p>\n<p>Los conceyos que presenten un mayor pesu relativu de viviendes con presencia de persones estranxeres son Cabranes, onde algamen el 14,07%, Cangues d&#8217;On\u00eds, con un 10,72%, y Uvi\u00e9u, con un 10,28%, asiti\u00e1ndose la capital de la mesma como&#8217;l conceyu col mayor volume absolutu d&#8217;estos llares. Nel estremu opuestu, les menores proporciones de residencies con poblaci\u00f3n estranxera rex\u00edstrense en Yernes y Tameza, con un 1,47%, Pe\u00f1amellera Alta, con un 2,44%, y Illas, con un 2,48%.<\/p>\n<p style=\"text-align: center\"><a href=\"https:\/\/img.lavdg.com\/sc\/_F2PwLK5KTIgaXyQ9_D75LOpfZo=\/768x\/2026\/03\/09\/00121773078325318835633\/Foto\/ra22.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/img.lavdg.com\/sc\/_F2PwLK5KTIgaXyQ9_D75LOpfZo=\/768x\/2026\/03\/09\/00121773078325318835633\/Foto\/ra22.jpg\" width=\"768\" height=\"432\" \/><\/a><\/p>\n<p>. N&#8217;Asturies, les postreres estad\u00edstiques oficiales dibuxen el mapa d&#8217;un parque residencial de casi 686.000 viviendes, colos precios de compraventa en m\u00e1ximos de los \u00faltimos a\u00f1os, una activid\u00e1 constructora que repica y diferencies importantes ente&#8217;l n\u00famberu de cases esistentes, les que se vienden y les que s&#8217;incorporen al merc\u00e1u.<\/p>\n<p>Asturies cuntaba con 685.892 viviendes nel 2025, seg\u00fan la \u00faltima estimaci\u00f3n del parque residencial del Ministeriu de Vivienda y Axenda Urbana. La cifra, que creci\u00f3 un 0,3% respectu al a\u00f1u anterior, ufierta la referencia m\u00e1s reci\u00e9n sobre&#8217;l tama\u00f1u del conxuntu de viviendes de la comunid\u00e1. Nun indica, sicas\u00ed, cu\u00e1ntes t\u00e1n ocupaes davezu, cu\u00e1ntes s&#8217;utilicen como segunda residencia o cu\u00e1ntes t\u00e1n disponibles pa mercar o arrendar. Pa conocer l&#8217;usu de los inmuebles hai que recular hasta&#8217;l Censu de Poblaci\u00f3n y Viviendes del 2021. L&#8217;Institutu Nacional d&#8217;Estad\u00edstica contabiliz\u00f3 ent\u00f3s 674.342 viviendes n&#8217;Asturies, de les que 100.646 fueron clasificaes como vac\u00edes y otres 77.587 como viviendes d&#8217;usu espor\u00e1dicu.<\/p>\n","protected":false},"excerpt":{"rendered":"<p>Vivir solo y\u00e1 ye la opci\u00f3n mayoritaria en 68 de los 78 conceyos d&#8217;Asturies. Nueve de cada diez llares de la comunid\u00e1 son de nacionalid\u00e1 espa\u00f1ola, concentr\u00e1ndose la mayor tasa de residentes estranxeros en Cabranes.<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[455],"tags":[],"class_list":["post-92680","post","type-post","status-publish","format-standard","hentry","category-vivienda"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/92680","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=92680"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/92680\/revisions"}],"predecessor-version":[{"id":92683,"href":"https:\/\/edublog.educastur.es\/ixuxu\/wp-json\/wp\/v2\/posts\/92680\/revisions\/92683"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=92680"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=92680"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=92680"}],"curies":[{"name":"wp","href":"https:\/\/api.w.org\/{rel}","templated":true}]}}