{"id":93032,"date":"2026-11-03T16:01:03","date_gmt":"2026-11-03T14:01:03","guid":{"rendered":"https:\/\/edublog.educastur.es\/ixuxu\/?p=93032"},"modified":"2026-11-03T16:02:48","modified_gmt":"2026-11-03T14:02:48","slug":"arandanos-el-cierron-de-villaviciosa-premiu-a-meyor-productu-sostenibles","status":"publish","type":"post","link":"https:\/\/edublog.educastur.es\/ixuxu\/2026\/11\/arandanos-el-cierron-de-villaviciosa-premiu-a-meyor-productu-sostenibles\/","title":{"rendered":"Ar\u00e1ndanos El Cierr\u00f3n, Premiu a Meyor Productu Sostenible"},"content":{"rendered":"<p>Rosa, dulce y sostenible: l&#8217;ar\u00e1ndanu de premiu que se cultiva n&#8217;Asturies. <strong>Ar\u00e1ndanos El Cierr\u00f3n, de Villaviciosa, recibe \u00fan de los Premios BBVA a los Meyores Productores Sostenibles<\/strong> por una fruta que sorpriende pol so color, el so sabor y la forma en que se cultiva. <a href=\"https:\/\/www.lne.es\/asturias\/2026\/10\/17\/rosa-dulce-sostenible-arandano-premio-bc-135361469.html?fbclid=IwY2xjawVWx15leHRuA2FlbQIxMABwZG9mBXNydGMGYXBwX2lkEDIyMjAzOTE3ODgyMDA4OTIAAR9mKqO-Lf5b7Lxn-klHnTY4q5HuapvrOBogQlBuQrdHsAVLXynHM7AthNVGLg_aem_SPHRZ3VE51Ncm1kBfNhxPQ&amp;utm_campaign=mrf-facebook-nuevaespana&amp;utm_source=facebook&amp;utm_medium=social&amp;mrfcid=202610176ad3172b8016142dfa40ed9b\">LNE<\/a><\/p>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/7f421378-6a11-47e8-8dd8-9fda5ba9e0f1_source-aspect-ratio_default_0_x609y270.webp\"><img loading=\"lazy\" decoding=\"async\" class=\"aligncenter size-large\" src=\"https:\/\/estaticos-cdn.prensaiberica.es\/clip\/7f421378-6a11-47e8-8dd8-9fda5ba9e0f1_source-aspect-ratio_default_0_x609y270.webp\" width=\"2000\" height=\"1333\" \/><\/a><\/p>\n<p><!--more--><\/p>\n<p>Cuando daqui\u00e9n prueba per primer vegada l&#8217;ar\u00e1ndanu rosa d&#8217;El Cierr\u00f3n, la reacci\u00f3n suel repitise. Primero llega la sorpresa pol color, un rosa intensu que nun s&#8217;espera nun ar\u00e1ndanu. Dempu\u00e9s llega&#8217;l sabor, dulce, crujiente y con un puntu c\u00edtricu qu&#8217;esplica&#8217;l so nome comercial, Pink Lemonade. Cuando la xente lo prueba per primer vegada, enc\u00e1ntalos, cuenta la segunda xeneraci\u00f3n d&#8217;esta empresa familiar asturiana.<\/p>\n<p>Esa fruta singular ye la que llev\u00f3 a Ar\u00e1ndanos El Cierr\u00f3n, con sede en Villaviciosa, a ser una de les diez empreses distingu\u00edes na s\u00e9ptima edici\u00f3n de los Premios BBVA a los Meyores Productores Sostenibles, impulsaos xuntu al Celler de Can Roca.<\/p>\n<p><strong>El xur\u00e1u reconoci\u00f3 la so varied\u00e1 pocu com\u00fan, la so producci\u00f3n ecol\u00f3xica y l&#8217;agricultura de precisi\u00f3n.<\/strong> Pa n\u00f3s sup\u00f3n una reconocencia bien especial, non solo pol prest\u00edu de BBVA y del Celler de Can Roca, sin\u00f3n porque p\u00f3n en valor una forma de trabayar na que llevamos munchos a\u00f1os creyendo. La sostenibilid\u00e1 nun ye daqu\u00e9 qu&#8217;incorpor\u00e1ramos agora pa llograr una reconocencia, sin\u00f3n que forma parte de la nuestra manera d&#8217;entender l&#8217;agricultura dende f\u00e1i enforma tiempu, esplica <strong>Adri\u00e1n Garc\u00eda, cabeza visible del proyectu.<\/strong><\/p>\n<p><strong>Un color con \u00e1rbol xeneal\u00f3xicu. <\/strong>El rosa nun ye un artificiu. Vien de un encruz complexu ente un ar\u00e1ndanu azul mont\u00e9s y \u00fan alb\u00edn, y d\u00e9bese a les antocianinas, los mesmos pigmentos que dan color a otros frutos coloraos y que s&#8217;asocien a numberoses propiedaes beneficioses pa la sal\u00fa. Los pasteleros apr\u00e9cienlu am\u00e1s por una raz\u00f3n pr\u00e1ctica: conserva&#8217;l so tonu y nun enllordia los postres.<\/p>\n<p>Producilo, sicas\u00ed, esixe paciencia. Agron\u00f3micamente sigue siendo un ar\u00e1ndanu, pero ye un material menos habitual y cada varied\u00e1 respuende a la so manera en crecedera, floriamientu, maduraci\u00f3n y calid\u00e1. Hai qu&#8217;estudiar c\u00f3mo s&#8217;adapta al terrenu y al clima, y eso rique a\u00f1os d&#8217;observaci\u00f3n, esplica Garc\u00eda.<\/p>\n<p><strong>La sostenibilid\u00e1, midida al mil\u00edmetru. <\/strong>Equ\u00ed ta&#8217;l segundu pegollu del premiu. Los plant\u00edos trabayen n&#8217;ecol\u00f3xicu y t\u00e1n totalmente sensorizadas. Los sensores miden en tiempu real distintos par\u00e1metros pa dar a cada planta l&#8217;agua y los abonos org\u00e1nicos que precisa, nin m\u00e1s nin menos. El result\u00e1u ye un aforru sustancial d&#8217;agua y fertilizantes, y una fruta producida de forma m\u00e1s eficiente.<\/p>\n<p>Pa El Cierr\u00f3n, sicas\u00ed, la sostenibilid\u00e1 nun s&#8217;escosa nuna certificaci\u00f3n. Tien que ver con tener datos pa entender lo qu&#8217;ocurre na finca y poder amenorgar el consumu de recursos. La empresa trabay\u00f3 la so buelga de carbonu y la so buelga h\u00eddrica, y cunta con controles como Global G.A.P. y los del COPAE. Producir m\u00e1s con menos suena bien f\u00e1cil, pero nun #lu ye, almiten.<\/p>\n<p><strong>De los primeros ar\u00e1ndanos del norte a un viveru propiu. <\/strong>Detr\u00e1s de la tecnolox\u00eda hai una historia de familia. En 1989, los sos padres llantaron n&#8217;Asturies una de los primeros plant\u00edos d&#8217;ar\u00e1ndanos del norte d&#8217;Espa\u00f1a, cuando&#8217;l cultivu yera casi esperimental na rex\u00f3n. En 1992 abrieron el so propiu viveru d&#8217;ar\u00e1ndanos, artimores y zarzamoras. Tr\u00e9s d\u00e9cades dempu\u00e9s, aquella peque\u00f1a collecha de branu convirti\u00f3se nun modelu que combina fruta, planta y innovaci\u00f3n varietal.<\/p>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/672380df-a9dc-415e-8646-0559b6938b5f_source-aspect-ratio_default_0_x609y270.webp\"><img loading=\"lazy\" decoding=\"async\" class=\"aligncenter size-large\" src=\"https:\/\/estaticos-cdn.prensaiberica.es\/clip\/672380df-a9dc-415e-8646-0559b6938b5f_source-aspect-ratio_default_0_x609y270.webp\" width=\"2000\" height=\"1333\" \/><\/a><\/p>\n<p>El viveru ye, de fechu, una de les sos grandes ventayes, porque-yos dexa conocer les nueves variedaes dende&#8217;l principiu. Tami\u00e9n abri\u00f3 la puerta a otru apueste, la de llevar el del campu a la mesa ce por be: fruta ecol\u00f3xico que llega a casa del veceru en menos de 24 hores.<\/p>\n<p><strong>Averar el campu. <\/strong>Quien produz y quien consume tuvieron demasi\u00e1u llo\u00f1e l&#8217;unu del otru, y por eso la web de la empresa, activa dende 2015, y los sos perfiles en redes sociales busquen encurtiar esa distancia. Nestos espacios dende El Cierr\u00f3n ense\u00f1en c\u00f3mo cultiven, c\u00f3mo recueyen y qu\u00e9 hai detr\u00e1s d&#8217;una empresa familiar.<\/p>\n<p><strong>Mirar al futuru ensin perder l&#8217;orixe. <\/strong>El premiu, dicen, dio-yos muncha visibilid\u00e1, pero v\u00edvenlu como un empiezu. Quieren ser un referente de los ar\u00e1ndanos y los frutos coloraos n&#8217;Espa\u00f1a, crecer en planta y en fruta ecol\u00f3xico, y sumar productos nuevos, como los deshidratados, que van llegar en curtiu. Tou ello ensin arrenunciar al calter familiar.<\/p>\n<p>Queremos siguir estudiando&#8217;l so comportamientu, ameyorar la so producci\u00f3n y consiguir que llegue al consumidor como una fruta estremada y de calid\u00e1. A la fin, el nuestru oxetivu ye que dientro de munchos a\u00f1os podamos siguir diciendo que somos una empresa familiar asturiana que sigue anovando alredor del ar\u00e1ndanu, como fixeron los mios padres cuando empezaron esti cam\u00edn, aprofia Adri\u00e1n Garc\u00eda.<\/p>\n","protected":false},"excerpt":{"rendered":"<p>Rosa, dulce y sostenible: l&#8217;ar\u00e1ndanu de premiu que se cultiva n&#8217;Asturies. Ar\u00e1ndanos El Cierr\u00f3n, de Villaviciosa, recibe \u00fan de los Premios BBVA a los Meyores Productores Sostenibles por una fruta que sorpriende pol so color, el so sabor y la forma en que se cultiva. LNE<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[138,58],"tags":[],"class_list":["post-93032","post","type-post","status-publish","format-standard","hentry","category-alimentos","category-premios"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/93032","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=93032"}],"version-history":[{"count":2,"href":"https:\/\/edublog.educastur.es\/ixuxu\/wp-json\/wp\/v2\/posts\/93032\/revisions"}],"predecessor-version":[{"id":93034,"href":"https:\/\/edublog.educastur.es\/ixuxu\/wp-json\/wp\/v2\/posts\/93032\/revisions\/93034"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=93032"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=93032"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=93032"}],"curies":[{"name":"wp","href":"https:\/\/api.w.org\/{rel}","templated":true}]}}