{"id":9458,"date":"2021-09-05T12:28:38","date_gmt":"2021-09-05T10:28:38","guid":{"rendered":"https:\/\/edublog.educastur.es\/ixuxu\/?p=9458"},"modified":"2021-09-05T12:40:01","modified_gmt":"2021-09-05T10:40:01","slug":"una-granxa-de-pites-de-lo-mas-remangosa","status":"publish","type":"post","link":"https:\/\/edublog.educastur.es\/ixuxu\/2021\/09\/una-granxa-de-pites-de-lo-mas-remangosa\/","title":{"rendered":"Una granxa de pites de lo m\u00e1s remangosa"},"content":{"rendered":"<p style=\"text-align: center\"><a href=\"https:\/\/www.nortes.me\/wp-content\/uploads\/2021\/09\/pitasana2-1-1536x1024.jpg\"><img loading=\"lazy\" decoding=\"async\" class=\"alignnone\" src=\"https:\/\/www.nortes.me\/wp-content\/uploads\/2021\/09\/pitasana2-1-1536x1024.jpg\" alt=\"\" width=\"581\" height=\"387\" \/><\/a><\/p>\n<p style=\"text-align: center\"><em>Noelia Garc\u00eda ente les sos pites, criaes al campu y con m\u00fasica. <\/em><br \/>\n<span style=\"text-decoration: underline\"><em>Testu y semeya: Elena Plaza<\/em><\/span><\/p>\n<p><strong><span style=\"color: #008080\">&#8216;Pitasana&#8217;<\/span><\/strong>: el proyectu alternativu de granxa de g\u00fcevu ecol\u00f3xicu qu&#8217;impulsaron Noelia Garc\u00eda y Pablo V\u00e9lez<\/p>\n<ul>\n<li><a href=\"https:\/\/www.nortes.me\/2021\/09\/04\/una-granja-de-pitas-de-lo-mas-remangosa\/?fbclid=IwAR1dgGlWmXHcxM51Og0LeY0pZauJc9RW3rnmm9N5MezFuBgurU2Pk2Z1Yuw\">Fonte noticia: Nortes.me, Elena Plaza<\/a><\/li>\n<li><a href=\"https:\/\/www.pitasana.com\/\">Granxa <strong>PitaSana<\/strong>: web<\/a> \/<a href=\"https:\/\/www.pitasana.com\/blog\"> blogue<\/a> \/ <a href=\"https:\/\/www.facebook.com\/PitaSana\/\">Facebook<\/a> \/ <a href=\"https:\/\/www.instagram.com\/granja_pitasana\/\">Instagram<\/a> \/<\/li>\n<li><span class=\"LrzXr\">Carretera Las Lleiras, Casa Miguil 555,\u00a0\u00a0 Armal, Bual\u00a0\u00a0 33725 Asturies\u00a0\u00a0<\/span><\/li>\n<li><span class=\"LrzXr\">\u00a0<\/span><span class=\"LrzXr zdqRlf kno-fv\"><span data-dtype=\"d3ifr\" data-local-attribute=\"d3ph\">+34 647 23 26 54\u00a0 <\/span><\/span>informacion@pitasana.com<\/li>\n<\/ul>\n<p style=\"text-align: center\"><img loading=\"lazy\" decoding=\"async\" class=\"alignnone \" src=\"https:\/\/i0.wp.com\/www.pitasana.com\/wp-content\/uploads\/2019\/06\/cropped-logo_simple_conmarco-01-1.jpg?fit=512%2C512&amp;ssl=1\" width=\"148\" height=\"148\" \/><\/p>\n<p><!--more--><\/p>\n<p>Dex\u00f3&#8217;l mundu del teatru, en concretu como t\u00e9cnica de llume, y volvi\u00f3 pal pueblu con tol remangu del que fa\u00eda gala. Noelia Garc\u00eda Fern\u00e1ndez, xuntu con Pablo V\u00e9lez Fern\u00e1ndez, mont\u00f3 <span style=\"color: #008080\"><strong>Pitasana<\/strong><\/span>, <span style=\"color: #008080\">una granxa de g\u00fcevu ecol\u00f3xicu que cunta siete a\u00f1os de vida a los sos llombos allugada n&#8217;Armal (Bual).<\/span> Dambos formen un t\u00e1ndem nel que se complementen a base de veces y necesidaes marcaes poles estaciones del a\u00f1u. G\u00fasta-yos pensar qu&#8217;hai otra manera de faer, de vivir, d&#8217;alimentase, y para ello trabayen dende esti allo\u00f1\u00e1u cachu de tierra, y ll\u00e9ase allo\u00f1\u00e1u en tonu reivindicativu, porque nel so proyectu hai enforma de reivindicaci\u00f3n.<\/p>\n<p>Ye la reivindicaci\u00f3n polo d&#8217;antes afechu a los nuevos tiempos; ye la reivindicaci\u00f3n por protexer \u00e1rees despoblaes, allo\u00f1aes de los centros, que s&#8217;escapen pelos marxes; ye la reivindicaci\u00f3n pola visibilizaci\u00f3n de lo rural, de les muyeres del rural, de la cultura no rural. Ye la reivindicaci\u00f3n de que lo allo\u00f1ao siempres depende de la perspectiva de quien mira. De cuenta que ye&#8217;l centru lo que tami\u00e9n ta allo\u00f1\u00e1u.<\/p>\n<p style=\"text-align: center\"><a href=\"https:\/\/www.nortes.me\/wp-content\/uploads\/2021\/09\/pitasana1-1-1536x1024.jpg\"><img loading=\"lazy\" decoding=\"async\" class=\"alignnone\" src=\"https:\/\/www.nortes.me\/wp-content\/uploads\/2021\/09\/pitasana1-1-1536x1024.jpg\" alt=\"\" width=\"761\" height=\"507\" \/><\/a><\/p>\n<p style=\"text-align: center\"><em>Pablo V\u00e9lez y Noelia Garc\u00eda, l&#8217;alma de Pitasana. Semeya: Elena Plaza<\/em><\/p>\n<p>\u201cUnu de los h\u00e1ndicaps d&#8217;entamar nel occidente d&#8217;Asturies ye que ye distancia: tienen que percorrer pa vender los g\u00fcevos nel centru, tami\u00e9n cuando tien que llegar mercanc\u00edes, cartones, envases\u2026 suelen tardar m\u00e1s en llegar. La tema d&#8217;entamar nel mundu rural, cuando ye rural de verd\u00e1 y ta aisll\u00e1u, allo\u00f1\u00e1u de la zona central, que ye onde ta tou n&#8217;Asturies a la fin, siempres tien un valor a\u00f1ed\u00edu pola valent\u00eda d&#8217;entamar nesta zona y un valor a\u00f1ed\u00edu econ\u00f3micu pol esfuerzu que trai sacar el productu d&#8217;esta zona y llevalo hasta&#8217;l centru, l&#8217;oriente o onde vaiga\u201d, reaf\u00edtase Noelia que, cansada del ritmu fren\u00e9ticu del so anterior oficiu, apost\u00f3 por volver al so orixe.<\/p>\n<p>Hasta Armal vien muncha xente del centru, diz, pero tami\u00e9n hai otra que nun llega hasta esti conceyu <em>\u201cpor tar nel occidente porque-yos paez una zona allo\u00f1ada. Y a la fin ye&#8217;l mesmu percorr\u00edu del centru a Llanes que del centru equ\u00ed, pero a nivel psicol\u00f3xicu dende&#8217;l centru ti\u00e9ndese a tirar escontra oriente o interior y l&#8217;occidente ta, por dalguna raz\u00f3n, m\u00e1s allo\u00f1\u00e1u mentalmente\u201d<\/em>. Les distancies psicol\u00f3xiques, al igual que&#8217;l tiempu psicol\u00f3xicu, tien muncho m\u00e1s peso que&#8217;l real.<\/p>\n<p>Vienden g\u00fcevos n&#8217;ecol\u00f3xicu y tami\u00e9n parte de la so propia producci\u00f3n<em>, \u201ccultivamos un pocu m\u00e1s de lo que consumimos al a\u00f1u. La g\u00fcerta da pal nuesu autoconsumu y los escedentes v\u00e9ndense en vienta directa na granxa a les visites que vienen\u201d<\/em>. Complementen cola activid\u00e1 de granxa escuela y talleres na naturaleza, anque cunten qu&#8217;esta d\u00f3mina covid tami\u00e9n los afect\u00f3.<\/p>\n<p>Tola producci\u00f3n ye a pequena escala y los g\u00fcevos v\u00e9ndense solo n&#8217;Asturies, bien en locales o a les visites que reciben. Destaca que se trata d&#8217;una granxa biodiversa, con diversid\u00e1 de cultivos y d&#8217;espacios, que produz de manera sostenible n&#8217;ecol\u00f3xicu pero que tien que convivir cola normativa pa granxes industriales, \u00e9ses que tienen 20.000 pites atarraquitaes en xaules. <em>\u201cTienen la mesma normativa qu&#8217;una granxa artesana ecol\u00f3xica que procede totalmente distinta col mediu ambiente y colos animales. N\u00f3s somos autosuficientes tocantes a eletricid\u00e1, con plaques solares y bater\u00edes. Nun tendr\u00eda de ser la mesma normativa pa les grandes industries pensaes p&#8217;abastecer ciudaes que pa les pequenes granxes diverses que pueda haber n&#8217;Asturies, granxes artesanes qu&#8217;abastecen a la zona local y que respeten y curien en tou momentu&#8217;l mediu ambiente y la redolada y arriquecen la zona rural\u201d.<\/em><\/p>\n<p>Si&#8217;l proyectu nun ye m\u00e1s rentable en parte ye pola visi\u00f3n consumista esistente na socied\u00e1, con productos, que non alimentos, baratos pol costu industrial p&#8217;alimentar a muncha xente. En parte tami\u00e9n pola llimitaci\u00f3n que supon la normativa, <em>\u201cpensada pa la industria, pa un tipu d&#8217;alimentaci\u00f3n pensao p&#8217;abastecer ciudaes y que tou s\u00eda grande y baratu. Ende nun entramos les granxes locales y diversu\u201d.<\/em><\/p>\n<p style=\"text-align: center\"><a href=\"https:\/\/www.nortes.me\/wp-content\/uploads\/2021\/09\/pitasana3-1536x1152.jpg\"><img loading=\"lazy\" decoding=\"async\" class=\"alignnone\" src=\"https:\/\/www.nortes.me\/wp-content\/uploads\/2021\/09\/pitasana3-1536x1152.jpg\" alt=\"\" width=\"1536\" height=\"1152\" \/><\/a><\/p>\n<p style=\"text-align: center\"><em>Packaging de media docena de g\u00fcevos. Semeya: Elena Plaza<\/em><\/p>\n<p>Noelia ye una polvorilla coles coses clares, asina que dende COPAE, el sellu de garant\u00eda de producci\u00f3n ecol\u00f3xica nel que tami\u00e9n participa, llanzaron una propuesta a la Conseyer\u00eda de Mediu Rural pa dise\u00f1ar una figura de producci\u00f3n de granxa artesana que suponga, per otra parte, el caltenimientu de los caser\u00edos asturianos <em>\u201cque siempres esistieron y que, \u00faltimamente por culpa de les normatives, cada vez-yos cu\u00e9sta-yos m\u00e1s tener un proyectu d&#8217;esti tipu\u201d.<\/em><\/p>\n<p><em>\u201cN&#8217;otres comunidaes y\u00e1 se ta empezando a trabayar nesto. Por casu en Galicia y\u00e1 tienen la figura de granxa av\u00edcola artesana na que pueden tener pites pa criar, pollos\u2026 N&#8217;Asturies ser\u00eda bien interesante tami\u00e9n pa protexer al pitu caleya. Los gallegos tami\u00e9n tienen activada la cooperativa formada por dos persones, daqu\u00e9 que pa llugares desfavorecios o de poca poblaci\u00f3n ta xenial pa fomentar el cooperativismu\u201d,<\/em> rellata metanes un torbol\u00edn d&#8217;idees y proyectos. Pero toos ellos asitiaos y estudiaos.<\/p>\n<p>Fala tami\u00e9n d&#8217;otra figura, la <a href=\"https:\/\/www.ecoagricultor.com\/sistemas-participativos-de-garantia-spg\/\"><span style=\"color: #008080\">SPG (Sistema Participativu de Garant\u00eda)<\/span><\/a>, en funcionamientu y\u00e1 en munches comunidaes del est\u00e1u. <em>\u201cYe un sistema d&#8217;autocontrol nel que la mesma organizaci\u00f3n xestiona la producci\u00f3n n&#8217;ecol\u00f3xicu, faciendo visites y controles a les granxes, y faciendo vienta directa. B\u00e1sase nel enfotu ente productores y veceru final y la collaboraci\u00f3n mutua ente toos los productores. Cada SPG tien distintes sinergies: por casu la de Galicia ta en Llugo y tienen un merc\u00e1u onde van vender tolos sos productores. Depu\u00e9s hai distintes organizaciones colaboratives dientro d&#8217;esti sistema que resulten bien interesantes pa les zones rurales y esti tipu d&#8217;agricultura\u201d,<\/em> esplica.<\/p>\n<p style=\"text-align: center\"><a href=\"https:\/\/www.nortes.me\/wp-content\/uploads\/2021\/09\/pitasana4-1536x1024.jpg\"><img loading=\"lazy\" decoding=\"async\" class=\"alignnone\" src=\"https:\/\/www.nortes.me\/wp-content\/uploads\/2021\/09\/pitasana4-1536x1024.jpg\" alt=\"\" width=\"1536\" height=\"1024\" \/><\/a><\/p>\n<p style=\"text-align: center\"><em>Una de les naves col mural de Pitafesta. Al fondu Bual. Semeya: Elena Plaza<\/em><\/p>\n<p>Valientes entamadores<\/p>\n<p><em>\u201cL\u00b4emprendimientu nun ta fechu pa toles persones nin toles persones tendr\u00eden de llanzase al emprendimientu porque ye una carrera de resistencia y de trabayar tolos d\u00edes enforma, d&#8217;enfrentate con titanes pa los que nun tienes ferramientes nin conocencies pa poder superalos. Ye dif\u00edcil, bien dif\u00edcil\u201d<\/em>, se sincera<em>. \u201cL\u00b4emprendimientu ye una ferramienta que muncha xente cueye porque nun-y queda otra opci\u00f3n, de xuru, pero nun ye un cam\u00edn senciellu nin que se deba tomar a lo llixero\u201d.<\/em><\/p>\n<p>Ye consciente de qu&#8217;el covid modific\u00f3&#8217;l pensamientu mientres la pandemia de forma intensa,<em> \u201cpero dempu\u00e9s bax\u00f3 toa esa intensid\u00e1 y agora viennos xente a la granxa dende otres comunidaes cola idea de vivir nuna casa nel campu, m\u00e1s cercanos a la naturaleza. En realid\u00e1 sirvi\u00f3 pa reforzar a los que y\u00e1 pensaben asina\u201d.<\/em><\/p>\n<p>Nel so casu y el de Pablo tienlo claro porque quer\u00eden vivir nel mundu rural, faer un proyectu familiar onde poder criar al so f\u00edu Xurde, que comparte a\u00f1os y esperiencia vital cola granxa. Dende&#8217;l principiu tuvieron claro la diversificaci\u00f3n de la granxa, d&#8217;ende que tami\u00e9n entamen actividaes pa colexos, pero tami\u00e9n lleven a cabu un claru apueste pola cultura.<\/p>\n<p style=\"text-align: center\"><a href=\"https:\/\/i0.wp.com\/www.pitasana.com\/wp-content\/uploads\/2021\/05\/familu11.jpg?fit=1024%2C683&amp;ssl=1\"><img loading=\"lazy\" decoding=\"async\" class=\"alignnone\" src=\"https:\/\/i0.wp.com\/www.pitasana.com\/wp-content\/uploads\/2021\/05\/familu11.jpg?fit=1024%2C683&amp;ssl=1\" alt=\"\" width=\"1024\" height=\"683\" \/><\/a><\/p>\n","protected":false},"excerpt":{"rendered":"<p>Noelia Garc\u00eda ente les sos pites, criaes al campu y con m\u00fasica. Testu y semeya: Elena Plaza &#8216;Pitasana&#8217;: el proyectu alternativu de granxa de g\u00fcevu ecol\u00f3xicu qu&#8217;impulsaron Noelia Garc\u00eda y Pablo V\u00e9lez Fonte noticia: Nortes.me, Elena Plaza Granxa PitaSana: web \/ blogue \/ Facebook \/ Instagram \/ Carretera Las Lleiras, Casa Miguil 555,\u00a0\u00a0 Armal, Bual\u00a0\u00a0 [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[138,119],"tags":[],"class_list":["post-9458","post","type-post","status-publish","format-standard","hentry","category-alimentos","category-empreses"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/9458","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=9458"}],"version-history":[{"count":5,"href":"https:\/\/edublog.educastur.es\/ixuxu\/wp-json\/wp\/v2\/posts\/9458\/revisions"}],"predecessor-version":[{"id":9463,"href":"https:\/\/edublog.educastur.es\/ixuxu\/wp-json\/wp\/v2\/posts\/9458\/revisions\/9463"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=9458"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=9458"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=9458"}],"curies":[{"name":"wp","href":"https:\/\/api.w.org\/{rel}","templated":true}]}}