{"id":2151,"date":"2021-01-30T00:02:24","date_gmt":"2021-01-29T22:02:24","guid":{"rendered":"https:\/\/edublog.educastur.es\/ixuxullingua\/?p=2151"},"modified":"2021-01-30T00:03:56","modified_gmt":"2021-01-29T22:03:56","slug":"larca-santa-amuesa-les-sos-ayalgues","status":"publish","type":"post","link":"https:\/\/edublog.educastur.es\/ixuxullingua\/2021\/01\/30\/larca-santa-amuesa-les-sos-ayalgues\/","title":{"rendered":"L&#8217;Arca Santa amuesa les sos ayalgues"},"content":{"rendered":"<ul>\n<li class=\"h1 headline-article__head\"><a href=\"https:\/\/www.lne.es\/asturias\/n-asturianu\/2021\/01\/23\/l-arca-santa-amuesa-les-29567083.html\"><span style=\"font-size: 14pt\"><em>Noticia LNE : Eduardo Lagar (23\/01\/2021)<\/em><\/span><\/a><\/li>\n<\/ul>\n<h2 class=\"article-subtitle headline-article__subtitle\"><em><span style=\"color: #008080;font-size: 18pt\">L&#8217;arque\u00f3logu C\u00e9sar Garc\u00eda de Castru publica l&#8217;estudiu m\u00e1s completu del relicariu uvie\u00edn, nel que concl\u00fai que probablemente se fabric\u00f3 por tres maestros distintos, que nunca se pens\u00f3 pa usase como altar y que contien dalguna de les representaciones de la vida de Cristu m\u00e1s complexes de tou&#8217;l Rom\u00e1nicu europ\u00e9u<\/span><\/em><\/h2>\n<p>&nbsp;<\/p>\n<p><!--more--><\/p>\n<div class=\"bbnx-grid wrapper\">\n<div class=\"row\">\n<div class=\"bbnx-grid-cell col-8 col-md-8 col-xs-12\">\n<div class=\"bbnx-module\">\n<article class=\"article-photo article-photo--full\">\n<div id=\"standard_1\" class=\"st-placement standard_1 inImage\">\n<div class=\"st-adunit st-show st-reset\">\n<div class=\"st-container st-reset\">\n<div class=\"st-adunit-ad st-reset\"><\/div>\n<\/div>\n<\/div>\n<\/div>\n<p><a href=\"https:\/\/estaticos-cdn.prensaiberica.es\/clip\/7cc228ad-6795-4c77-8057-cc9b9a053549_16-9-discover-aspect-ratio_default_0.jpg\"><img loading=\"lazy\" decoding=\"async\" class=\"aligncenter\" title=\"L'Arca Santa, y\u00e1 iguada, nel so llugar d'exposici\u00f3n.\" src=\"https:\/\/estaticos-cdn.prensaiberica.es\/clip\/7cc228ad-6795-4c77-8057-cc9b9a053549_16-9-discover-aspect-ratio_default_0.jpg\" alt=\"L'Arca Santa, y\u00e1 iguada, nel so llugar d'exposici\u00f3n.\" width=\"1200\" height=\"675\" \/><\/a><\/p>\n<p class=\"article-photo__footer\" style=\"text-align: center\"><em>L&#8217;Arca Santa, y\u00e1 iguada, nel so llugar d&#8217;exposici\u00f3n.<\/em><\/p>\n<\/article>\n<div class=\"article-body \">\n<p class=\"article-body__text article-body__text--entry article-body__text-middle\"><span style=\"font-size: 14pt\">Mientres la Ed\u00e1 Media, yera l&#8217;ayalga m\u00e1s estelante qu&#8217;un devotu cristianu pudiera imaxinar: un arca con tou tipu de reliquies de Xes\u00fas y Mar\u00eda. Dende la lleche de la Virxe, restos de los sos vist\u00edos, del pan de la \u00daltima Cena, de la Santa Cruz o de la piedra del Santu Sepulcru\u2026 Tami\u00e9n, como pieza sobresaliente, l&#8217;escepcional Santu Sudariu, el \u201cpa\u00f1ol\u00f3n\u201d que cubri\u00f3 la cara de Xesucristo muertu. <strong>Aquella \u00abArca Santa\u201d d&#8217;Uvi\u00e9u, coles sos fabuloses reliquies \u2013fueren verdaderes o falses\u2013, yera un im\u00e1n irresistible d&#8217;algame europ\u00e9u qu&#8217;atray\u00eda hasta la Catedral uvieina a los pelegrinos xacobeos que diben escontra Santiago de Compostela<\/strong>. Yera tal el so calter sagr\u00e1u que, seg\u00fan les cr\u00f3niques, d&#8217;aquel relicariu emanaba un rellumu cegador y, cuando en 1035 l&#8217;obispu Ponce s&#8217;aventur\u00f3 a abrila, aquello cost\u00f3-y la vista. A \u00e9l y a los sos cl\u00e9rigos acompa\u00f1antes.\u00a0<\/span><\/p>\n<article class=\"article-photo article-photo-- \">\n<div class=\"multimedia-block__element\" data-lozad-loaded=\"true\"><a href=\"https:\/\/estaticos-cdn.prensaiberica.es\/clip\/95ba7706-4d77-4330-b437-95e4f4a4a560_16-9-discover-aspect-ratio_default_0.jpg\"><img loading=\"lazy\" decoding=\"async\" class=\"aligncenter\" title=\"C\u00e9sar Garc\u00eda de Castru col so llibru sobro l'Arca Santa d'Uvi\u00e9u.\" src=\"https:\/\/estaticos-cdn.prensaiberica.es\/clip\/95ba7706-4d77-4330-b437-95e4f4a4a560_16-9-discover-aspect-ratio_default_0.jpg\" alt=\"C\u00e9sar Garc\u00eda de Castru col so llibru sobro l'Arca Santa d'Uvi\u00e9u.\" width=\"900\" height=\"506\" \/><\/a><\/div>\n<p class=\"article-photo__footer\" style=\"text-align: center\"><em>C\u00e9sar Garc\u00eda de Castru col so llibru sobro l&#8217;Arca Santa d&#8217;Uvi\u00e9u.<\/em>\u00c1NGEL GONZ\u00c1LEZ<\/p>\n<\/article>\n<p class=\"article-body__text \"><span style=\"font-size: 14pt\">Por fortuna, al arque\u00f3logu <strong>C\u00e9sar Garc\u00eda de Castro Vald\u00e9s<\/strong> nun-y asocedi\u00f3 nin tanto lo mesmo cuando se somorgui\u00f3 nel estudiu d&#8217;esta arca rom\u00e1nica, una de les xoyes de la C\u00e1mara Santa de la Catedral d&#8217;Uvi\u00e9u, con motivu del completu procesu de restauraci\u00f3n fechu por cuenta del Cabildru, cola collaboraci\u00f3n del Institutu de Patrimoniu Cultural d&#8217;Espa\u00f1a (IPCE) y la Conseyer\u00eda de Cultura del Princip\u00e1u. Garc\u00eda de Castro, espertu del Mus\u00e9u Arqueol\u00f3xicu d&#8217;Asturies, el m\u00e1s relevante especialista nel Prerrom\u00e1nicu asturianu, foi l&#8217;encarg\u00e1u d&#8217;ellaborar l&#8217;estudiu hist\u00f3ricu-art\u00edsticu d&#8217;aquella restauraci\u00f3n y, por cuenta d&#8217;esos trabayos, esfrut\u00f3 d&#8217;unes condiciones de \u201cobservaci\u00f3n \u00f3ptima\u201d de l&#8217;arca rom\u00e1nica ente 2013 y 2014 y, otra vuelta, en 2017. Dende 1942, tres la restauraci\u00f3n de <strong>G\u00f3mez-Moreno<\/strong> de l&#8217;Arca (estropiada na Revoluci\u00f3n d&#8217;Ochobre de 1934), nun se pudiera estudiar en tan bones condiciones. Frutu d&#8217;esti acercamientu minuciosu, <strong>agora asol\u00e9yase l&#8217;estudiu monogr\u00e1ficu m\u00e1s fondu public\u00e1u sobro esti formosu relicariu. Edit\u00e1u por KRK y col sofitu del Cabildru catedraliciu, el volume, titul\u00e1u \u201cEl Arca Santa de Oviedo\u201d<\/strong>, sigue l&#8217;estilu minuciosu d&#8217;un autor que non solo afonda na materialid\u00e1 de cada elementu de la pieza analizada, sin\u00f3n que, al empar, desentra\u00f1a el so signific\u00e1u rellacion\u00e1ndolo col contestu hist\u00f3ricu, relixosu y art\u00edsticu nel que se creara. Los sos trabayos col arte prerrom\u00e1nicu, dende les pintures de Santuyanu a la Caxa de les \u00c1gates o la Cruz de la Victoria, de los que LA NUEVA ESPA\u00d1A dio cumplida cuenta, son y\u00e1 obres de referencia.\u00a0<\/span><\/p>\n<div id=\"sm-it-main-container-1611957489349\" class=\"sm-it-main-container\" data-it=\"1cda5197-778f-4d7f-827b-dfa4380cb81e\" data-device=\"desktop\">\n<div id=\"sm-reference-1611957489349\" class=\"sm-reference\"><\/div>\n<\/div>\n<article class=\"article-photo article-photo-- \">\n<div class=\"multimedia-block__element\" data-lozad-loaded=\"true\"><img decoding=\"async\" class=\"aligncenter\" title=\"Crucifix\u00f3n de Dimas.\" src=\"https:\/\/estaticos-cdn.prensaiberica.es\/clip\/08a39ec1-68d7-4520-b857-48d91b65755e_3-4-aspect-ratio_default_1015195.jpg\" alt=\"Crucifix\u00f3n de Dimas.\" \/><\/div>\n<p class=\"article-photo__footer\" style=\"text-align: center\"><em>Crucifix\u00f3n de Dimas.<\/em><\/p>\n<\/article>\n<p class=\"article-body__text \"><span style=\"font-size: 14pt\">L&#8217;Arca Santa que lleg\u00f3 a n\u00f3s nun ye la que s\u00a1abri\u00f3 soleme el 13 de marzu de 1075 en presencia del rei Alfonso VI, que taba de visita n&#8217;Uvi\u00e9u procedente de Santiago de Compostela, onde asistiera al empiezu de les obres de la catedral compostelana. Tres aquel primer actu pa inventariar aquelles reliquies, escontra l&#8217;a\u00f1u 1096 \u2013esplica Garc\u00eda de Castru nel so llibru\u2013 el rei Alfonso VI y la so hermana Urraca deciden apurrir los recursos econ\u00f3micos pa facer una arca nueva, cuidao que l&#8217;est\u00e1u de l&#8217;anterior nun ten\u00eda de considerar dignu d&#8217;allugar asemeyaos testimonios materiales de la vida de Xes\u00fas y Mar\u00eda, que y\u00e1 adquirieren \u201ctrescendencia europea como polu de devoci\u00f3n\u201d. La monarqu\u00eda punxo&#8217;l dineru, lo que dex\u00f3 la llegada a Uvi\u00e9u \u201cde xoyeros y operarios del m\u00e1ximu nivel\u201d. Pero, como sorraya Garc\u00eda de Castro, foi&#8217;l cabildru&#8217;l que dirixi\u00f3 y execut\u00f3 el trabayu, como asina s&#8217;indiquen nes inscripciones de l&#8217;arca. Asina se fabric\u00f3 \u201cuna de les pieces m\u00e1s importantes de la xoyer\u00eda europea de la so d\u00f3mina\u201d, precisa Garc\u00eda de Castro.\u00a0<\/span><\/p>\n<h2 class=\"article-body__ladillo\">1. Alma romana<\/h2>\n<p class=\"article-body__text \"><span style=\"font-size: 14pt\">Y foi, por dicir, la \u00faltima arca romana que se fixo n&#8217;Europa. Esto ye, que s&#8217;utiliz\u00f3 la mesma t\u00e9cnica qu&#8217;usaben los carpinteros romanos pa facer caxes y que darr\u00e9u foi reemplazada por otros xeitos de construcci\u00f3n. \u201cPa la fabricaci\u00f3n de l&#8217;arca cont\u00f3se con carpinteros instruy\u00edos na t\u00e9cnica de fabricaci\u00f3n de caxones de las m\u00e1s pura tradici\u00f3n romana, tresmitida a lo llargo de l&#8217;Alta Ed\u00e1 Media\u201d, indica Garc\u00eda de Castro. Para facer una caxa los romanos tomaben cuatro barrotes de secci\u00f3n cuadrada en ca\u00fana de les esquines. Depu\u00e9s los tableros diben encaxaos en resquiebres llonxitudinales que se faen nesos barrotes. <strong>L&#8217;arque\u00f3logu indica que l&#8217;Arca Santa \u201cpaez ser l&#8217;\u00faltimu testimoniu d&#8217;esti tipu de muebles, pos a partir de mediaos del sieglu XII y hasta avanz\u00e1u&#8217;l sieglu XIV el m\u00e9todu de construcci\u00f3n camuda\u201d<\/strong>. La caxa, am\u00e1s, tien un volume \u201caprosimao c\u00fabico\u201d por una raz\u00f3n: ye&#8217;l m\u00e1s fayadizu para \u201cacoyer un conxuntu de relicarios multiformes nes meyores condiciones d&#8217;econom\u00eda d&#8217;espaciu\u201d.<\/span><\/p>\n<article class=\"article-photo article-photo-- \">\n<div class=\"multimedia-block__element\" data-lozad-loaded=\"true\"><a href=\"https:\/\/estaticos-cdn.prensaiberica.es\/clip\/c2f379b6-1bd7-4f06-a6fc-71257c0388c0_3-4-aspect-ratio_default_1015194.jpg\"><img loading=\"lazy\" decoding=\"async\" class=\"aligncenter\" title=\"Crucifix\u00f3n de Xestes.\" src=\"https:\/\/estaticos-cdn.prensaiberica.es\/clip\/c2f379b6-1bd7-4f06-a6fc-71257c0388c0_3-4-aspect-ratio_default_1015194.jpg\" alt=\"Crucifix\u00f3n de Xestes.\" width=\"697\" height=\"930\" \/><\/a><\/div>\n<p class=\"article-photo__footer\" style=\"text-align: center\"><em>Crucifix\u00f3n de Xestes.<\/em><\/p>\n<\/article>\n<h2 class=\"article-body__ladillo\">2. El bon llabor de G\u00f3mez-Moreno<\/h2>\n<p class=\"article-body__text \">Una de les revelaciones del procesu de restauraci\u00f3n de l&#8217;Arca Santa foi la constataci\u00f3n de que, mientres el procesu asemey\u00e1u qu&#8217;entam\u00f3 <strong>Manuel G\u00f3mez-Moreno<\/strong> pa iguar los da\u00f1os causaos na Arca mientres la voladura de la C\u00e1mara Santa en 1934, solo se reemplaz\u00f3 un tabl\u00f3n de la estructura de madera orixinal. \u201cTolo dem\u00e1s ye aut\u00e9ntico\u201d, sorraya Garc\u00eda de Castro. G\u00f3mez-Moreno solo asiti\u00f3 un tableru nuevu de casta\u00f1al. Los tres restantes, orixinales, son de carbayu. Aquella foi una restauraci\u00f3n rigorosa y as\u00e9ptica.<\/p>\n<h2 class=\"article-body__ladillo\">3. La vida de Cristu<\/h2>\n<p class=\"article-body__text \">Na so construcci\u00f3n nel sieglu XI, sobro&#8217;l cax\u00f3n de madera asiti\u00e1ronse planches de plata dorao y nielada (llabrada con incisiones a buril pa crear un buecu que se rellena con esmalte negru). \u00bfQu\u00e9 escenes fueron les que los sos creadores decidieron representar na Arca? Na cubierta hai <strong>\u201cuna complexa representaci\u00f3n de la Crucifix\u00f3n de Cristu ente los dos lladrones\u201d<\/strong>, como \u201cm\u00e1xima espresi\u00f3n de la gracia divina\u201d, esplica Garc\u00eda de Castro. Nel panel fronteru, una ascensi\u00f3n de Cristu sent\u00e1u nel so tronu (un pantocr\u00e1tor t\u00edpicamente rom\u00e1nicu) flanqueado polos ap\u00f3stoles. Nes cuatro esquines d&#8217;esi panel apaecen les figures que representen a los cuatro evanxelistes (l&#8217;home, el lle\u00f3n, el toru y l&#8217;\u00e1guila), lo qu&#8217;alude al espardimientu de la Palabra peles cuatro esquines del mundu.<\/p>\n<article class=\"article-photo article-photo-- \">\n<div class=\"multimedia-block__element\" data-lozad-loaded=\"true\"><img decoding=\"async\" class=\"aligncenter\" title=\"Representaci\u00f3n de la crucifix\u00f3n de Cristu na cubierta de l'Arca Santa.\" src=\"https:\/\/estaticos-cdn.prensaiberica.es\/clip\/4fccf1b7-7963-42d7-b150-26aa09255d8b_3-4-aspect-ratio_default_1015193.jpg\" alt=\"Representaci\u00f3n de la crucifix\u00f3n de Cristu na cubierta de l'Arca Santa.\" \/><\/div>\n<p class=\"article-photo__footer\" style=\"text-align: center\"><em>Representaci\u00f3n de la crucifix\u00f3n de Cristu na cubierta de l&#8217;Arca Santa.<\/em><\/p>\n<\/article>\n<p class=\"article-body__text \">Nel panel esquierdu hai <strong>escenes de la infancia de Cristu y nel panel derechu repres\u00e9ntase l&#8217;Ascensi\u00f3n, la llucha de Miguel y el Drag\u00f3n (el demoniu) y ocho ap\u00f3stoles<\/strong>. La trasera de l&#8217;arca ta decorada con ll\u00e1mina con celdilles cuadrangulares repuxaes. Al respeutu de toa esta simbolox\u00eda, Garc\u00eda de Castru sorraya que nun hai nada \u201cnin na epigraf\u00eda nin na iconograf\u00eda que la venceye con un usu o intenci\u00f3n eucar\u00edstica\u201d. Esto ye, nun se pens\u00f3 para sirvir d&#8217;altar, como dellos espertos apunten.<\/p>\n<p class=\"article-body__text \">En resume, nos cuatro paneles, se\u00f1ala Garc\u00eda de Castro, \u201cdesenvu\u00e9lvese una s\u00edntesis de la presencia de Cristu na tierra, xunto cola visi\u00f3n del so regresu al Padre\u201d. Na iconograf\u00eda de l&#8217;Arca nun apaez relaci\u00f3n dalguna col so conten\u00edu, que figura number\u00e1u na inscripci\u00f3n de la cubierta. \u201cL&#8217;Arca d&#8217;Uvi\u00e9u enx\u00e9rtase asina na llarga serie de relicarios con una iconograf\u00eda que ye puramente cristol\u00f3xica, atendiendo cabalmente al principiu teol\u00f3xicu seg\u00fan el cual el sacrificiu de los m\u00e1rtires nun ye m\u00e1s que l&#8217;actualizaci\u00f3n del cumpl\u00edu pol M\u00e1rtir por excelencia, Xesucristo\u201d, esplica l&#8217;autor d&#8217;esti estudiu.<\/p>\n<article class=\"article-photo article-photo-- \">\n<div class=\"multimedia-block__element\" data-lozad-loaded=\"true\"><img decoding=\"async\" class=\"aligncenter\" title=\"Asistentes a la presentaci\u00f3n del arca y\u00e1 restaurada.\" src=\"https:\/\/estaticos-cdn.prensaiberica.es\/clip\/ba75ac08-4cd8-4bfa-99b9-c2bee2f176f6_16-9-aspect-ratio_default_0.jpg\" alt=\"Asistentes a la presentaci\u00f3n del arca y\u00e1 restaurada.\" \/><\/div>\n<p class=\"article-photo__footer\" style=\"text-align: center\"><em>Asistentes a la presentaci\u00f3n del arca y\u00e1 restaurada.<\/em><\/p>\n<\/article>\n<h2 class=\"article-body__ladillo\">4. Escenes \u00fanices<\/h2>\n<p class=\"article-body__text \">Sobro les escenes de la vida de Cristu qu&#8217;apaecen representaes, Garc\u00eda de Castru incide en delles singularidaes de la xoya uvieina que-y confieren muncha relevancia art\u00edstica. El proyectu iconogr\u00e1fico que los autores quixeron afigurar na Arca ta m\u00e1s vencey\u00e1u a la lliturxa hispana del momentu que a la lliturxa romana que darr\u00e9u s&#8217;afit\u00f3. Sicas\u00ed, apunta esti especialista, repres\u00e9ntase una Crucifix\u00f3n, \u201cverdadera cita llit\u00farxica romana\u201d. Garc\u00eda de Castru esplica l&#8217;apaici\u00f3n d&#8217;esti momentu de la Pasi\u00f3n de Cristu, que nun apruc\u00eda na tradici\u00f3n hisp\u00e1nica hasta la fecha, por un intentu de crear \u201cuna escena de la m\u00e1xima complexid\u00e1 a escala europea\u201d, daqu\u00e9 in\u00e9dito hasta la fecha. <strong>\u201cLa resultancia foi la escena m\u00e1s complexa del rom\u00e1nicu hisp\u00e1nicu y una de les m\u00e1s completes de tola Alta y Plena Ed\u00e1 Media europees\u201d<\/strong>, sentencia na so obra sobro&#8217;l gran relicariu uvie\u00edn.<\/p>\n<div id=\"intext-teads-2\"><\/div>\n<p class=\"article-body__text \">L&#8217;allugamientu de la escena de l&#8217;Anunciaci\u00f3n (panel esquierdu) tami\u00e9n ye \u201cuna esceici\u00f3n nel panorama occidental contemporaneu\u201d y la de la Nacencia (panel esquierdu) ye posiblemente una escena \u201c\u00fanica n&#8217;Oriente y Occidente\u201d pol allugamientu de la figura de Xos\u00e9, que nesta ocasi\u00f3n apaez entroniz\u00e1u y a la derecha (siempres apaec\u00eda represent\u00e1u a la izquierda). Tami\u00e9n son representaciones escepcionales dientro del arte rom\u00e1nicu, incide Garc\u00eda de Castro, l&#8217;apaici\u00f3n del anunciu de los pastores separt\u00e1u de la escena de la Nacencia, la presencia d&#8217;Ana la profetisa na escena de la fuxida a Exiptu y la combinaci\u00f3n del sua\u00f1u de Xos\u00e9 cola escena del viaxe.<\/p>\n<div class=\"bbnx-module\">\n<div class=\"article-body \">\n<p class=\"article-body__text \">xe.<\/p>\n<article class=\"article-photo article-photo-- \">\n<div class=\"multimedia-block__element\" data-lozad-loaded=\"true\"><img decoding=\"async\" class=\"aligncenter\" title=\"Paneles derechu y traseru de l'Arca Santa.\" src=\"https:\/\/estaticos-cdn.prensaiberica.es\/clip\/0364868e-8620-4aeb-b018-1c50332d4d62_source-aspect-ratio_default_0.jpg\" alt=\"Paneles derechu y traseru de l'Arca Santa.\" \/><\/div>\n<p class=\"article-photo__footer\" style=\"text-align: center\"><em>Paneles derechu y traseru de l&#8217;Arca Santa.<\/em><\/p>\n<\/article>\n<h2 class=\"article-body__ladillo\">5. Una arca billing\u00fce<\/h2>\n<p class=\"article-body__text \">L&#8217;Arca Santa tien inscripciones en llat\u00edn y \u00e1rabe. Esto ye acorde cola redolada billing\u00fce de la corte d&#8217;Alfonso VI\u201d. Los testos n&#8217;\u00e1rabe, apunta Garc\u00eda de Castro, son muncho m\u00e1s visibles que los llatinos a los g\u00fceyos del visitante. Yeren los testos que v\u00eden los creyentes. \u201cEsti fechu indica l&#8217;algame del componente moz\u00e1rabe \u2013nel m\u00e1s estrictu y etimol\u00f3xicu t\u00e9rminu de \u2018arabiz\u00e1u\u2019\u2013 nel contestu creador de la pieza\u201d, sorraya l&#8217;arque\u00f3logu. Pero magar esta dimensi\u00f3n \u00e1rabe, y frente a lo que vien escribi\u00e9ndose por cierta corriente historiogr\u00e1fica, nun vien a cuentu rellacionar l&#8217;Arca, incide Garc\u00eda de Castro, cola est\u00e9tica de al-Andalus o colos invasores que yeren los enemigos de la d\u00f3mina. \u201cOtra manera, el testu \u00e1rabe vien reforzar el cristianismu del programa, espres\u00e1u en dos lling\u00fces, les utilizaes polos s\u00fabditos d&#8217;Alfonso VI tres la conquista de Toledo en 1085\u201d, a\u00f1ede esti espertu.<\/p>\n<p class=\"article-body__text \">A xuiciu de Garc\u00eda de Castro, <strong>\u201cye probable\u201d que la confecci\u00f3n de l&#8217;Arca Santa \u201cse fixera n&#8217;Uvi\u00e9u, con maestros de variaes procedencies<\/strong>, incluyendo un quadratarius (el que s&#8217;encargaba de dibuxar y distribuyir los testos) arab\u00f3fonutoledanu\u201d. Sicas\u00ed, la execuci\u00f3n de los relieves \u00e1rabes pudo debese en parte a artistes locales desconocedores del \u00e1rabe\u201d, porque les lletres t\u00e1n asitiaes n&#8217;orde inversu al que tendr\u00eden de ser correchamente lle\u00edes.<\/p>\n<h2 class=\"article-body__ladillo\">6. Una arca, tres maestros<\/h2>\n<p class=\"article-body__text \">Garc\u00eda de Castru postula que \u201csiquier\u201d tres fueron les persones qu&#8217;intervinieron na fabricaci\u00f3n del revestimientu met\u00e1licu de l&#8217;Arca Santa. \u201cUn primer maestru responsable de la cubierta, porque los nielados difieren t\u00e9cnicamente de los del panel fronteru. Al segundu encarg\u00e1ron-y los paneles fronteru y esquierdu. Al terceru, a lo \u00faltimo, el llateral derechu\u201d, esplica. En dellos casos, como los paneles de l&#8217;Ascensi\u00f3n, esti especialista aprecia que los ellaboraron dos manes desemeyaes. Esto apunta a qu&#8217;hubo una planificaci\u00f3n conxunta de la iconograf\u00eda que llucir\u00eda cada placa, anque depu\u00e9s obraren nella dos artistes distintos.<\/p>\n<h2 class=\"article-body__ladillo\">7. Un \u201cximielgu\u201d en Jaca<\/h2>\n<p class=\"article-body__text \">En cuanto al estilu de l&#8217;Arca, Garc\u00eda de Castro considera que \u201cson evidentes los pr\u00e9stamos languedocianos\u201d nes figures repuxaes y, nes grabaes, los ecos de la miniatura anglosaxona tard\u00eda y anglonormanda. Tami\u00e9n detect\u00f3 paralelismos \u201cde detalle\u201d con \u201cla miniatura hisp\u00e1nica puramente contemporanea\u201d. Esti espertu atopa<strong> \u201csemeyances indiscutibles\u201d coles pintures murales de la ilesia aragonesa de San Juli\u00e1n y Santa Basilisa de Bag\u00fc\u00e9s, \u201cbien cercanu na so fecha de realizaci\u00f3n\u201d<\/strong>. Estes pintures, que pueden contemplase nel Mus\u00e9u Diocesanu de Jaca, conformen \u00fan de los conxuntos de pintura rom\u00e1nica mural m\u00e1s importantes d&#8217;Europa.<\/p>\n<article class=\"article-photo article-photo-- \">\n<div class=\"multimedia-block__element\" data-lozad-loaded=\"true\"><img decoding=\"async\" class=\"aligncenter\" title=\"Paneles fronteru y esquierdu.\" src=\"https:\/\/estaticos-cdn.prensaiberica.es\/clip\/938fc9cb-a2c5-4b5d-87f9-6baaed4904a2_source-aspect-ratio_default_0.jpg\" alt=\"Paneles fronteru y esquierdu.\" \/><\/div>\n<p class=\"article-photo__footer\" style=\"text-align: center\"><em>Paneles fronteru y esquierdu.<\/em><\/p>\n<\/article>\n<p class=\"article-body__text \">La tradici\u00f3n diz que l&#8217;Arca Santa, una ayalga de reliquies de Xes\u00fas y Mar\u00eda qu&#8217;incluy\u00eda, ente otros oxetos reverenciales, el Santu Sudariu, lleg\u00f3 a Asturies dende Xerusal\u00e9n. Los cristianos llev\u00e1ronla p&#8217;Alexandr\u00eda pa salvala de la invasi\u00f3n persa nel 614 y asina, a midida que l&#8217;Islam diba apoder\u00e1ndose del norte d&#8217;\u00c1frica, salt\u00f3 a Espa\u00f1a. <strong>Desembarcaron aquella ayalga en Cartaxena, pas\u00f3 per Sevilla, Toledo (onde se refizo la caxa contenedora) y acab\u00f3 escond\u00edu de los musulmanes 80 a\u00f1os nel Monsacru, d&#8217;onde&#8217;l rei Alfonso II la recuper\u00f3 ente los a\u00f1os 812 y 842 pa treslladala a Uvi\u00e9u, a la capiya palatina que taba construyendo p&#8217;acovecer el preci\u00e1u relicariu, la capiya de San Miguel o \u201cC\u00e1mara Santa\u201d, como m\u00e1s popularmente se la conoz g\u00fcei<\/strong>. Cuenta <strong>Agust\u00edn Hevia Ballina<\/strong>, archiveru de la Catedral, nel pr\u00f3logu del fondu estudiu de Garc\u00eda de Castro, que l&#8217;Arca Santa nun s&#8217;abri\u00f3 hasta 1075, por cuenta de la visita del rei Alfonso VI a Uvi\u00e9u. Y qu&#8217;esi d\u00eda, tres los preceptivos ayunos y celebraciones llit\u00farxiques, abri\u00f3se al primer toque y ensin riesgu pa los presentes, porque hasta ent\u00f3s, cuando s&#8217;intentaba restolar nel so conten\u00edu, emit\u00eda \u201cfen\u00f3menos talos de rescampl\u00edos que llegaben a producir efectos de ceguera nos circundantes\u201d.<\/p>\n<p class=\"article-body__text\" style=\"text-align: center\"><span style=\"color: #800080\"><strong>\u201cCola ayuda de la Conseyer\u00eda de Cultura, Pol\u00edtica Lling\u00fc\u00edstica y Turismu del Princip\u00e1u d\u00b4Asturies\u201d.<\/strong><\/span><\/p>\n<\/div>\n<\/div>\n<div class=\"bbnx-module\">\n<article class=\"article-related-topics related-topics\">\n<div class=\"related-topics__list\">\n<p>&nbsp;<\/p>\n<\/div>\n<\/article>\n<\/div>\n<article class=\"article-photo article-photo-- \">\n<div class=\"multimedia-block__element\" data-lozad-loaded=\"true\"><\/div>\n<\/article>\n<\/div>\n<\/div>\n<\/div>\n<\/div>\n<\/div>\n","protected":false},"excerpt":{"rendered":"<p>Noticia LNE : Eduardo Lagar (23\/01\/2021) L&#8217;arque\u00f3logu C\u00e9sar Garc\u00eda de Castru publica l&#8217;estudiu m\u00e1s completu del relicariu uvie\u00edn, nel que concl\u00fai que probablemente se fabric\u00f3 por tres maestros distintos, que nunca se pens\u00f3 pa usase como altar y que contien dalguna de les representaciones de la vida de Cristu m\u00e1s complexes de tou&#8217;l Rom\u00e1nicu europ\u00e9u [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-2151","post","type-post","status-publish","format-standard","hentry","category-sin-categoria","post-preview"],"_links":{"self":[{"href":"https:\/\/edublog.educastur.es\/ixuxullingua\/wp-json\/wp\/v2\/posts\/2151","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxullingua\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxullingua\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxullingua\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxullingua\/wp-json\/wp\/v2\/comments?post=2151"}],"version-history":[{"count":3,"href":"https:\/\/edublog.educastur.es\/ixuxullingua\/wp-json\/wp\/v2\/posts\/2151\/revisions"}],"predecessor-version":[{"id":2153,"href":"https:\/\/edublog.educastur.es\/ixuxullingua\/wp-json\/wp\/v2\/posts\/2151\/revisions\/2153"}],"wp:attachment":[{"href":"https:\/\/edublog.educastur.es\/ixuxullingua\/wp-json\/wp\/v2\/media?parent=2151"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxullingua\/wp-json\/wp\/v2\/categories?post=2151"},{"taxonomy":"post_tag","embeddable":true,"href":"https:\/\/edublog.educastur.es\/ixuxullingua\/wp-json\/wp\/v2\/tags?post=2151"}],"curies":[{"name":"wp","href":"https:\/\/api.w.org\/{rel}","templated":true}]}}