{"id":673,"date":"2021-09-13T21:07:49","date_gmt":"2021-09-13T19:07:49","guid":{"rendered":"https:\/\/edublog.educastur.es\/llingua\/?p=673"},"modified":"2021-09-13T21:07:49","modified_gmt":"2021-09-13T19:07:49","slug":"paquita-suarez-coalla-presenta-la-mio-vida-ye-una-novela","status":"publish","type":"post","link":"https:\/\/edublog.educastur.es\/llingua\/paquita-suarez-coalla-presenta-la-mio-vida-ye-una-novela\/","title":{"rendered":"Paquita Su\u00e1rez Coalla presenta &#8216;La mio vida ye una novela&#8230;&#8217;"},"content":{"rendered":"<div class=\"td_block_wrap tdb_title tdi_65 tdb-single-title td-pb-border-top td_block_template_1\" data-td-block-uid=\"tdi_65\">\n<div class=\"tdb-block-inner td-fix-index\">\n<h1 class=\"tdb-title-text\">\u201cLa llingua asturiana forma parte de la nuesa identid\u00e1 m\u00e1s de lo que la xente piensa\u201d<\/h1>\n<\/div>\n<\/div>\n<div class=\"td_block_wrap tdb_single_subtitle tdi_66 td-pb-border-top td_block_template_1\" data-td-block-uid=\"tdi_66\">\n<div class=\"tdb-block-inner td-fix-index\">\n<p>Paquita Su\u00e1rez Coalla, escritora y profesora universitaria en Nueva York, presenta la reedici\u00f3n de &#8216;La mio vida ye una novela. Testimonios de las mujeres del campo de Asturias&#8217;<\/p>\n<\/div>\n<\/div>\n<div class=\"td_block_wrap tdb_single_featured_image tdi_77 tdb-content-horiz-left td-pb-border-top td_block_template_1\" data-td-block-uid=\"tdi_77\">\n<div class=\"tdb-block-inner td-fix-index\" style=\"text-align: center\">\n<figure><a href=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-09-1068x712.jpg\"><img loading=\"lazy\" decoding=\"async\" class=\"entry-thumb ls-is-cached lazyloaded td-animation-stack-type0-2 alignnone\" title=\"Paquita Sua\u0301rez 09\" src=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-09-1068x712.jpg\" alt=\"\" width=\"780\" height=\"520\" data-src=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-09-1068x712.jpg\" data-sizes=\"(max-width: 1068px) 100vw, 1068px\" \/><\/a><figcaption class=\"tdb-caption-text\">Paquita Su\u00e1rez Coalla, nel Campu San Francisco d&#8217;Uvi\u00e9u. SEMEYA: Alisa Guerrero<\/figcaption><\/figure>\n<\/div>\n<\/div>\n<p>&nbsp;<\/p>\n<ul>\n<li><a href=\"https:\/\/www.nortes.me\/2021\/09\/09\/la-llingua-asturiana-forma-parte-de-la-nuesa-identida-mas-de-lo-que-la-xente-piensa\/?fbclid=IwAR0jXbR2OjbHwB6LABxNvjYbOH3g-nr-vb2tfqKx3zjvntcOwnAwQ2DJfa8\">Fonte noticia: Nortes.me, Paco \u00c1lvarez<\/a><\/li>\n<\/ul>\n<p><!--more--><\/p>\n<p>Lleva ventisiete a\u00f1os saboriando la Gran Mazana, pero echa de menos el frutu color\u00e1u del Festival de les Freses de Candamu, que nun visita dende qu\u2019emigr\u00f3 a Nueva York. Paquita Su\u00e1rez Coalla (Grullos, 1965), escritora n\u2019asturianu y en castellanu, traductora y profesora universitaria d\u2019espa\u00f1ol nel Borough of Manhattan Community College, ta a puntu d\u2019acabar les sos vacaciones de branu n\u2019Asturies, pero enantes de regresar a los Estaos Xun\u00edos g\u00fcei, xueves, a les siete de la tarde, va presentar nel Palaciu Vald\u00e9s Baz\u00e1n de San Rom\u00e1n de Candamu la segunda edici\u00f3n de <em>La mio vida ye una novela. Testimonios de las mujeres del campo de Asturias<\/em> (Trabe, 2021), un llibru public\u00e1u va venti\u00fan a\u00f1os nel que da voz a diecisiete muyeres nac\u00edes nes primeres d\u00e9cades del sieglu XX.<\/p>\n<p><strong>El llibru empieza con una dedicatoria a la so g\u00fcela Luc\u00eda, que \u201cfoi tan valiente de llegar a los cien a\u00f1os\u201d. \u00bfLa llonxevid\u00e1 tami\u00e9n depende del valor col qu\u2019afrontamos la vida?<\/strong><\/p>\n<p>S\u00ed, yo creo que\u2019l tiempu qu\u2019\u00fan pueda tar vivu depende tami\u00e9n del des\u00e9u de vivir. Nel casu concretu de mio g\u00fcela, aparte de cuestiones xen\u00e9tiques, supongo qu\u2019hab\u00eda un des\u00e9u, una volunt\u00e1 de vivir.<\/p>\n<p><strong>Na cubierta d\u2019esta reedici\u00f3n apaez la imaxe de la so t\u00eda-g\u00fcela Fernanda Coalla Fern\u00e1ndez, Nanda, que foi la \u00faltima sobreviviente de les diecisiete muyeres qu\u2019apaecen nel llibru.<\/strong><\/p>\n<p>S\u00ed, morri\u00f3\u2019l 26 de setiembre, va facer agora un a\u00f1u. Na cubierta d\u2019esta nueva edici\u00f3n, por mor de que cambia\u2019l formatu y la colecci\u00f3n ye nueva, nun apaecen toles muyeres, como na edici\u00f3n de 2009. Decidimos poner a Nanda, la t\u00eda de mio ma, porque de dalguna manera zarr\u00f3\u2019l ciclu de vida d\u2019eses muyeres, la hestoria coral de toes elles.<\/p>\n<p><strong>Diz nel llibru que con eses muyeres ust\u00e9 deprendi\u00f3 \u201ca descifrar el mundu\u201d.<\/strong><\/p>\n<p>Ye cierto, anque d\u2019eso dime cuenta col pasu de los a\u00f1os\u2026<\/p>\n<p><strong>\u00bfEl fechu d\u2019emigrar al otru llau del oc\u00e9anu ayud\u00f3la a facer esi descubrimientu?<\/strong><\/p>\n<p>Toi cuasi segura de que s\u00ed. Hay munches normalidaes, la m\u00eda ye una nam\u00e1s. Yo viviera equ\u00ed, escuchara les hestories que cuntaben mio g\u00fcela, mio g\u00fcelu y les muyeres coles que me criara, y pa mi yeren hestories normales, nun ten\u00eden nada d\u2019escepcional. Pero cuando sales de la to tierra daste cuenta de que lo que ye normal pa ti nun ye normal pa los dem\u00e1s, y de qu\u2019hai otres maneres de ser \u2018normal\u2019, y empec\u00e9 a dar importancia a les hestories d\u2019eses muyeres coles que me criara. La mio idea al principiu yera entrevistar nam\u00e1s a la mio g\u00fcela, que naciera en 1901 y ten\u00eda 98 a\u00f1os, como dalgo pa mi, personal. Pero dempu\u00e9s pens\u00e9 que la hestoria d\u2019ella nun yera una hestoria \u00fanica y plantegu\u00e9me entrevistar tami\u00e9n a otres muyeres. Pregunt\u00e9 a amigues m\u00edes, consult\u00e9lo un poco y a tol mundu paeci\u00f3-y una bona idea.<\/p>\n<figure class=\"wp-block-image size-large is-resized\"><img loading=\"lazy\" decoding=\"async\" class=\"wp-image-33614 td-animation-stack-type0-1 lazyloaded\" src=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-1024x683.jpg\" alt=\"\" width=\"1024\" height=\"683\" data-srcset=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-1024x683.jpg 1024w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-300x200.jpg 300w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-768x512.jpg 768w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-1536x1024.jpg 1536w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-150x100.jpg 150w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-696x464.jpg 696w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-1068x712.jpg 1068w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-scaled.jpg 1200w\" data-src=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-04-3-1024x683.jpg\" data-sizes=\"(max-width: 1024px) 100vw, 1024px\" \/><\/figure>\n<figure class=\"wp-block-image size-large is-resized\"><figcaption>SEMEYA: Alisa Guerrero<\/figcaption><\/figure>\n<p><strong>\u00bfC\u00f3mo foi la metodolox\u00eda de trabayu? \u00bfFizo toles entrevistes nun branu, aprovechando la so estancia n\u2019Asturies?<\/strong><\/p>\n<p>S\u00ed, nel branu de 1999. Dende Nueva York yo v\u00edalo too mui peque\u00f1\u00edn, quer\u00eda facelo con muyeres de distintes partes d\u2019Asturies, pero lo l\u00f3xico yera entrevistar a muyeres de Candamu o de Les Regueres, pola proximid\u00e1 y polos contactos personales. Ayud\u00e1ronme mio p\u00e1 y mio ma, llam\u00e9los y fueron d\u00e1ndome idees y preguntando sobre muyeres a les que pudiera entrevistar, porque ye una cuesti\u00f3n complicada llegar ell\u00ed y pid\u00ed-yos que cunten la so vida ensin m\u00e1s. Valor\u00e9 que\u2019l fechu de que me conocieran a mi o a la mio familia podr\u00eda ayudar, y s\u00ed qu\u2019ayud\u00f3. Foi un poco instintiva la manera d\u2019entrevistales. Yo nun soi periodista y facer entrevistes cu\u00e9stame, asina que prepar\u00e9 un gui\u00f3n mui xen\u00e9ricu y dex\u00e9 qu\u2019elles falaran de tolo lo que quixeran. Llueu organic\u00e9 les hestories pa que tuviera continuid\u00e1 la narraci\u00f3n, porque la memoria ye mui desorganizada, non solo la d\u2019elles porque fueran mayores, la de cualquier persona.<\/p>\n<p><strong>Dalgunes de les entrevistaes f\u00e1laron-y ensin tapuxos de la guerra y de la represi\u00f3n de la posguerra, a pesar de que se suel dicir qu\u2019esa xeneraci\u00f3n a la que pertenec\u00eden ten\u00eda interioriz\u00e1u\u2019l silenciu y el mieu a recordar.<\/strong><\/p>\n<p>Foron mui valientes, nel llibru hai munches que cunten muncho, dan nomes de xente concreto de Grao, y cuando fici\u2019l llibru una d\u2019eses persones tov\u00eda taba viva\u2026 Dalgunes d\u2019eses muyeres dic\u00edenme que yeren d\u2019izquierdes, cuando agora yo noto que n\u2019Espa\u00f1a paez que ta mal visto dicir que yes d\u2019izquierdes. Prest\u00f3me muncho volver a averame a esos testimonios dempu\u00e9s de venti a\u00f1os y comprobar lo valientes que foron y la conciencia que ten\u00eden. Venti a\u00f1os dempu\u00e9s entiendo meyor el valor que tienen esti tipu de llibros.<\/p>\n<p><strong>\u00bfPlant\u00e9gase la posibilid\u00e1 de facer un segundu volume centr\u00e1u na xeneraci\u00f3n siguiente, la de so ma?<\/strong><\/p>\n<p>Pens\u00e9lo dalguna vez, pero nun tengo l\u2019impulsu que tuvi daquella pa facelo. Nun m\u2019apetez agora mesmo facer tou esi trabayu de campu, pero cuido que ser\u00eda interesante.<\/p>\n<p><strong>Nel testu introductoriu d\u2019esta nueva edici\u00f3n da\u2019l datu de que solo tres d\u2019eses diecisiete muyeres morrieron en residencies de persones mayores. El restu morrieron en casa, pero siempre con otres muyeres asumiendo\u2019l sacrificiu de los cuidaos.<\/strong><\/p>\n<p>La xeneraci\u00f3n siguiente, la de mio ma, ye la \u00faltima que ta nesa coyuntura tradicional de muyeres qu\u2019atienden en casa a les muyeres mayores, y a elles y\u00e1 naide les va cuidar, porque criaron a los f\u00edos pa que marcharan fuera.<\/p>\n<p><strong>Y cola emigraci\u00f3n de munches de les f\u00edes y f\u00edos quedaron ensin \u201cel poder analx\u00e9sicu que l\u2019afectu presencial tien\u201d, comenta ust\u00e9 nel llibru<\/strong>.<\/p>\n<p>Eso ye. Nesti casu\u2019l conceptu de progresu ye muy cuestionable.<\/p>\n<figure class=\"wp-block-image size-large is-resized\"><img loading=\"lazy\" decoding=\"async\" class=\"wp-image-33613 lazyloaded td-animation-stack-type0-2\" src=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-1024x683.jpg\" alt=\"\" width=\"515\" height=\"343\" data-srcset=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-1024x683.jpg 1024w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-300x200.jpg 300w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-768x512.jpg 768w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-1536x1024.jpg 1536w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-150x100.jpg 150w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-696x464.jpg 696w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-1068x712.jpg 1068w, https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-scaled.jpg 1200w\" data-src=\"https:\/\/www.nortes.me\/wp-content\/uploads\/2021\/09\/Paquita-Sua\u0301rez-19-1-1024x683.jpg\" data-sizes=\"(max-width: 515px) 100vw, 515px\" \/><figcaption>SEMEYA: Alisa Guerrero<\/figcaption><\/figure>\n<p><strong>Llev\u00e1 y\u00e1 media vida nos Estaos Xun\u00edos, anque vuelve tolos branos a Asturies, a Candamu. \u00bfC\u00f3mo lleva esa doble identid\u00e1 territorial?<\/strong><\/p>\n<p>Nun ye f\u00e1cil\u2026 Vengo en branu y cuest\u00e1me muncho volver ell\u00ed, anque cuando toi en Nueva York si\u00e9ntome bien. Vengo siempre con billete de vuelta, nunca tuvi equ\u00ed\u2019l tiempu necesariu pa pensar qu\u2019echo de menos lo que tengo ell\u00ed. Nun puedo facer como que nunca viv\u00ed ell\u00ed, porque les mios f\u00edes nacieron en Nueva York y la mio vida llaboral siempre la tuve ell\u00ed, pero lo que tengo claro ye que yo soi d\u2019equ\u00ed. Y na mio escritura siempre sal Asturies, la escritura ye esi espaciu que me tranquiliza. La escritora cubana Sonia Rivera-Vald\u00e9s, amiga m\u00eda, diz que \u201cel coraz\u00f3n nun emigra\u201d.<\/p>\n<p><strong>Rellaci\u00f3nase col mundu en tres lling\u00fces: asturianu, espa\u00f1ol y ingl\u00e9s. \u00bfC\u00f3mo xestiona esa triple \u2018nacionalid\u00e1\u2019 lling\u00fc\u00edstica?<\/strong><\/p>\n<p>L\u2019ingl\u00e9s cuasi ye l\u2019idioma que menos uso, l\u2019asturianu \u00fasolu pa escribir, y l\u2019amest\u00e1u en casa. Yo ell\u00ed vivo una vida en castellanu mui fuerte, con tola comunid\u00e1 llatina, hispana, y pol mio trabayu na universid\u00e1. En Nueva York hai toa una vida n\u2019espa\u00f1ol, con muncha bayura del castellanu. A los mios estudiantes, que son de distintos pa\u00edses d\u2019Am\u00e9rica Llatina, fal\u00f3-yos de la suerte que tenemos de vivir ell\u00ed, porque deprendemos muncho d\u2019otres variantes del castellanu.<\/p>\n<p><strong>\u00bfEnte la moced\u00e1 anglosaxona hai inter\u00e9s pol castellanu?<\/strong><\/p>\n<p>Hai munchu inter\u00e9s, en Nueva York polo menos, cada vez m\u00e1s.<\/p>\n<p><strong>Adri\u00e1n Barb\u00f3n acaba d\u2019anunciar que va empezar el procesu de reforma estaturaria pa oficializar l\u2019asturianu \u00bfQu\u00e9 opina sobre la oficialid\u00e1?<\/strong><\/p>\n<p>Fai falta, ye necesaria. Lo mesmo que nos preocupamos de conservar un monumentu o una catedral, la llingua tami\u00e9n tenemos que conservala. Forma parte de la nuesa identid\u00e1 m\u00e1s de lo que la xente piensa. Paez que d\u2019esta va palantre\u2019l procesu d\u2019oficialid\u00e1, a ver\u2026<\/p>\n","protected":false},"excerpt":{"rendered":"<p>\u201cLa llingua asturiana forma parte de la nuesa identid\u00e1 m\u00e1s de lo que la xente piensa\u201d Paquita Su\u00e1rez Coalla, escritora y profesora universitaria en Nueva York, presenta la reedici\u00f3n de &#8216;La mio vida ye una novela. Testimonios de las mujeres del campo de Asturias&#8217; Paquita Su\u00e1rez Coalla, nel Campu San Francisco d&#8217;Uvi\u00e9u. SEMEYA: Alisa Guerrero [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[16],"tags":[],"class_list":["post-673","post","type-post","status-publish","format-standard","hentry","category-entrevistes","post-preview"],"_links":{"self":[{"href":"https:\/\/edublog.educastur.es\/llingua\/wp-json\/wp\/v2\/posts\/673","targetHints":{"allow":["GET"]}}],"collection":[{"href":"https:\/\/edublog.educastur.es\/llingua\/wp-json\/wp\/v2\/posts"}],"about":[{"href":"https:\/\/edublog.educastur.es\/llingua\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/llingua\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/llingua\/wp-json\/wp\/v2\/comments?post=673"}],"version-history":[{"count":2,"href":"https:\/\/edublog.educastur.es\/llingua\/wp-json\/wp\/v2\/posts\/673\/revisions"}],"predecessor-version":[{"id":675,"href":"https:\/\/edublog.educastur.es\/llingua\/wp-json\/wp\/v2\/posts\/673\/revisions\/675"}],"wp:attachment":[{"href":"https:\/\/edublog.educastur.es\/llingua\/wp-json\/wp\/v2\/media?parent=673"}],"wp:term":[{"taxonomy":"category","embeddable":true,"href":"https:\/\/edublog.educastur.es\/llingua\/wp-json\/wp\/v2\/categories?post=673"},{"taxonomy":"post_tag","embeddable":true,"href":"https:\/\/edublog.educastur.es\/llingua\/wp-json\/wp\/v2\/tags?post=673"}],"curies":[{"name":"wp","href":"https:\/\/api.w.org\/{rel}","templated":true}]}}