{"id":811,"date":"2022-01-05T13:38:01","date_gmt":"2022-01-05T11:38:01","guid":{"rendered":"https:\/\/edublog.educastur.es\/llingua\/?p=811"},"modified":"2022-01-05T13:41:08","modified_gmt":"2022-01-05T11:41:08","slug":"lalla-pide-xenerosida-pacnegociar-la-oficialida","status":"publish","type":"post","link":"https:\/\/edublog.educastur.es\/llingua\/lalla-pide-xenerosida-pacnegociar-la-oficialida\/","title":{"rendered":"L’ALLA pide xenerosid\u00e1 pa negociar la oficialid\u00e1"},"content":{"rendered":"

\"\"<\/a><\/p>\n

\n

L\u2019Academia de la Llingua Asturiana pide a les fuerces pol\u00edtiques
\nxenerosid\u00e1 y convicci\u00f3n constitucional
\npa negociar la oficialid\u00e1 na reforma del Estatutu<\/span><\/a><\/h1>\n<\/header>\n
\n

L\u2019Academia, instituci\u00f3n lling\u00fc\u00edstica del Princip\u00e1u que, ente otres funciones, tien la tutela de los derechos lling\u00fc\u00edsticos de los asturianos, ta siguiendo con fondu inter\u00e9s, y dacuando con preocupaci\u00f3n, el procesu abiertu n\u2019Asturies pa reconocer la oficialid\u00e1 del asturianu y del eonaviegu nel Estatutu d\u2019Autonom\u00eda. Ye esta una reclamaci\u00f3n democr\u00e1tica con cuatro d\u00e9cades de percorr\u00edu que diba significar el cumplimientu de la previsi\u00f3n constitucional recoyida nel art\u00edculu 3.2 de la norma b\u00e1sica del Est\u00e1u. Nota 1<\/a> y Nota 2<\/a><\/p>\n

<\/p>\n

<\/span>La llingua asturiana ye quiciabes la llingua auton\u00f3mica que cuerre m\u00e1s seriu peligru de desapaici\u00f3n. Asina se reflexa nel Atles de la UNESCO (Atlas of the World\u2019s Languages in Danger, 2010) y nos informes peri\u00f3dicos que, sobre\u2019l cumplimientu de la Carta Europea de les Lling\u00fces Rexonales y Minoritaries, vien emitiendo\u2019l Conseyu d\u2019Europa.<\/p>\n

La decisi\u00f3n d\u2019oficializaci\u00f3n de les lling\u00fces d\u2019Asturies nun se sofita nam\u00e1s en cuestiones de calter xur\u00eddico-pol\u00edticu, sin\u00f3n que constit\u00fai la \u00fanica midida con capacid\u00e1 pa llograr que la llingua y la cultura de los asturianos tengan posibilidaes de sobrevivencia ente les xeneraciones futures. Nesi sen, hai que facer alcordanza de que\u2019l cumplimientu de la previsi\u00f3n constitucional pa reconocer la oficialid\u00e1 del asturianu foi solemnemente apoy\u00e1u, nuna decisi\u00f3n ensin precendentes, pol plenu del Congresu de los Diputaos d\u2019Espa\u00f1a\u2019l en marzu de 2021.<\/p>\n

Les nueses lling\u00fces son construcciones hist\u00f3riques del pueblu asturianu y, darr\u00e9u d\u2019ello, nun constit\u00fain espresiones ideol\u00f3xiques que pertenezan a opciones pol\u00edtiques esclusivamente d\u2019esquierdes o de dereches, sin\u00f3n que tienen un calter tresversal, amos\u00e1u, inequ\u00edvocamente dende posiciones tanto conservadores como progresistes, de lo que la obra al respeuto de Gaspar Melchor de Xovellanos (ss. XVIII-XIX) ye la m\u00e1xima espresi\u00f3n.<\/p>\n

Acordies colo anterior, nesti momentu t\u00e1n negociando la reforma del Estatutu d\u2019Autonom\u00eda la FSA-PSOE, Podemos, Izquierda Xunida y Foro. El pidimientu de nueso dir\u00edxese direutamente a estos part\u00edos pol\u00edticos. Dende l\u2019Academia pid\u00edmos-yos que planteguen la negociaci\u00f3n y el consensu priorizando\u2019l futuru cultural d\u2019Asturies sobre otres llex\u00edtimes aspiraciones partidaries en rellaci\u00f3n col desarrollu social, econ\u00f3micu y pol\u00edticu de la nuesa comunid\u00e1. Protexer y da-y futuru a les lling\u00fces d\u2019Asturies ye, en tou casu, un elementu de cohesi\u00f3n, dinamizaci\u00f3n y autoestima coleutiva qu\u2019incide en toles dimensiones de desarrollu futuru p\u2019Asturies.<\/p>\n

La FSA-PSOE, Podemos, Izquierda Xunida y Foro tienen la responsabilid\u00e1 y la oportunid\u00e1 hist\u00f3rica d\u2019algamar, nesti a\u00f1u 2022, un alcuerdu estatutariu que darr\u00e9u tendr\u00eda que se poner en pr\u00e1utica al travi\u00e9s d\u2019una Llei d\u2019Usu, de calter auton\u00f3micu, qu\u2019habr\u00eda llograr inda m\u00e1s consensos pol\u00edticos, incluyendo, dende llueu, y esi ye\u2019l nuesu enfotu, a una fuerza tan importante como\u2019l Part\u00edu Popular.<\/p>\n

Pero si la responsabilid\u00e1 ye compartida polos cuatro part\u00edos pol\u00edticos mentaos, tien inda m\u00e1s signific\u00e1u polo que respeuta a la FSA-PSOE, fuerza mayoritaria na Xunta Xeneral y fuerza de gobiernu n\u2019Asturies. Nesti sen, ye dafechu necesaria la implicaci\u00f3n personal del Presidente Barb\u00f3n y el so lideralgu pa llograr que\u2019l procesu fine con \u00e9xitu.<\/p>\n

Ye trescendental tener en cuenta que tamos \u00e9nte una de les caberes oportunidaes pa solucionar democr\u00e1ticamente\u2019l que ye\u2019l gran tema pol\u00edticu pendiente dende la Transici\u00f3n n\u2019Asturies: la cuesti\u00f3n lling\u00fc\u00edstica. De nun llograse agora, xenerar\u00edase, ensin dulda, una gran frustraci\u00f3n n\u2019amplios sectores de la socied\u00e1 asturiana nos que s\u2019instalar\u00eda\u2019l des\u00e1nimu y una fonda sensaci\u00f3n d\u2019inxusticia en cuantes a la non reconocencia de los sos derechos culturales en comparanza colos que s\u00ed puen esfrutar les ciudadan\u00edes gallega, vasca, navarra, aranesa, catalana, valenciana y balear. Otramiente, dende\u2019l puntu de vista sociol\u00f3xicu, proyeutar\u00edase una imaxe escura onde la estratexa y les consignes del arcu pol\u00edticu se\u00f1aldosu de la dictadura trunfa sobre una mayor\u00eda social abierta, democr\u00e1tica, moderna ya inclusiva.<\/p>\n

L\u2019ALLA \u2015que, como ye la so obligaci\u00f3n, siguir\u00e1 analizando esti procesu de negociaci\u00f3n col procuru requer\u00edu\u2015 quier treslladar, a lo cabero, a les fuerces pol\u00edtiques, como siempres, la so disposici\u00f3n p\u2019ayudar, nel so casu, al llogru efeutivu de la oficialid\u00e1 y agradez el sofitu qu\u2019estremaos axentes sociales y personalidaes individuales vienen amosando nesti sen (sindicatos, coleutivos de defensa del asturianu, escritores, periodistes, estudiosos ya investigadores de la llingua, etc.). Ente toos sedremos a llogralo.<\/p>\n<\/div>\n

 <\/p>\n","protected":false},"excerpt":{"rendered":"

L\u2019Academia de la Llingua Asturiana pide a les fuerces pol\u00edtiques xenerosid\u00e1 y convicci\u00f3n constitucional pa negociar la oficialid\u00e1 na reforma del Estatutu L\u2019Academia, instituci\u00f3n lling\u00fc\u00edstica del Princip\u00e1u que, ente otres funciones, tien la tutela de los derechos lling\u00fc\u00edsticos de los asturianos, ta siguiendo con fondu inter\u00e9s, y dacuando con preocupaci\u00f3n, el procesu abiertu n\u2019Asturies pa […]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-811","post","type-post","status-publish","format-standard","hentry","category-sin-categoria","post-preview"],"_links":{"self":[{"href":"https:\/\/edublog.educastur.es\/llingua\/wp-json\/wp\/v2\/posts\/811","targetHints":{"allow":["GET"]}}],"collection":[{"href":"https:\/\/edublog.educastur.es\/llingua\/wp-json\/wp\/v2\/posts"}],"about":[{"href":"https:\/\/edublog.educastur.es\/llingua\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/llingua\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/llingua\/wp-json\/wp\/v2\/comments?post=811"}],"version-history":[{"count":5,"href":"https:\/\/edublog.educastur.es\/llingua\/wp-json\/wp\/v2\/posts\/811\/revisions"}],"predecessor-version":[{"id":816,"href":"https:\/\/edublog.educastur.es\/llingua\/wp-json\/wp\/v2\/posts\/811\/revisions\/816"}],"wp:attachment":[{"href":"https:\/\/edublog.educastur.es\/llingua\/wp-json\/wp\/v2\/media?parent=811"}],"wp:term":[{"taxonomy":"category","embeddable":true,"href":"https:\/\/edublog.educastur.es\/llingua\/wp-json\/wp\/v2\/categories?post=811"},{"taxonomy":"post_tag","embeddable":true,"href":"https:\/\/edublog.educastur.es\/llingua\/wp-json\/wp\/v2\/tags?post=811"}],"curies":[{"name":"wp","href":"https:\/\/api.w.org\/{rel}","templated":true}]}}