Nel occidente d’Asturies, nos pueblos del Valledor del conceyu d’Ayande (Villaín, Fonteta y San Salvador), vuelve celebrase la tradición d’ “Os Reises”, recuperada dende fai unos años, ensin la influencia de les modes urbanes.

En xineru, alredor de la festividá de los Reis, una comitiva d’once personaxes dividíos en dos grupos (“Los Guapos” y “Los Feos”) percuerren les cais encabezaos pol “Choqueiro”*, que-yos anuncia la llegada al son de gaites, tambores y acurdiones.

Paren peles cases pidiendo l’aguilandu de la que van faciendo trastaes p’animar la fiesta. De lo que se trata ye de buscar l’anonimatu conectando con seres ancestrales y fantásticos, usando la broma y la sátira.

 

Esta tradición tan antigua entronca con otres europees que tienen un significáu que, pa dalgunos estudiosos, tien que ver con pueblos precristianos, mientres qu’otros busquen el so orixe na Edá Media, onde les desixencies del calendariu cristianu dexaben una tregua ente la Navidá y la Cuaresma.

 

*Choqueiro: personaxe que blinca, usando una piértiga na que s’apoya, pa que les llueques que lleva a la cintura metan ruiu.

 

Si quies enterate un poco más, mira nesti enllaz:

https://www.youtube.com/watch?v=EY-AxG4Yuts&t=3s