Bonos díes.
Nesta ocasión traigovos unos conteníos dixitales que me parecen mui adecuaos y motivadores pa trabayar el Samahín nel aula. Son actividaes pensaes pal 3º cursu d´Educación Primaria. Y seríen pa llevar a cabo nel mes d´ochobre, enantes de la nueche d´animes.
El primer d´ellos ye ún vídeu de Youtube, en castellán, sobre l´orixen de la cellebración del Samhaín. Escueyo esti vídeu, y amás como primer actividá, porque sedría la actividad d´inicio, ya que n´él esplícase´l tema que vamos trabayar.
- Títulu del material: El origen celta de Halloween: La festividad de Samhaín y sus leyendas
- Autoría: Alanna
- Enllaz web: Youtube
- Llicencia d´usu: CC BY-NC-ND 4.0
El segundu ye un kahoot. Siempre intento trabayar con esta app porque-yos resulta mui motivadora a los neños y neñes. Lo bono d´estes actividaes y´l motivu principal pel que les escueyo ye que gracies a elles trabayamos de forma lúdica los saberes daos na clas con anterioridá.
- Títulu del material: El Samhaín
- Autoría: davidgdi
- Enllaz web: kahoot
- Llicencia d´usu: This work is licensed under CC BY-NC 4.0
El tercer y últimu de los recursos escoyíos nesta ocasión ye un genial.ly sobre´l tema en cuestión. Préstame facer esti xuegu colos neños porque, amás de repasar el tema, ye otra manera de trabayar n´equipu y fomentar la cooperación nel aula.
- Títulu del material: Escape Samhaín
- Autoría: Estefanía Gómez Piñera (Creación propia)
- Enllaz web: genial.ly
- Llicencia d´usu: This work is licensed under CC BY-NC 4.0
Espero que-vos prestaran estos recursos. Ya me cuntáis. Saludín!
