Rexistru Xeneral de Capacitación en Bable/Asturianu y en Gallego-Asturianu

20/04/2018  Ver en Educastur

Enseñanza Bable/Asturianu

El Rexistru Xeneral de Capacitación ye un catálogu nel que s’inscribe al profesoráu que, axuntando les condiciones y requisitos regulaos nel Decreto 39/2001 de 5 d’abril (BOPA de 18 d’abril) y la Resolución de 26 de abril de 2001, modificada por la Resolución de 7 de julio de 2010 y la Resolución de 12 de diciembre de 2011, pide voluntariamente y con calter gratuitu la so incorporación al mesmu.

El Rexistru organízase en dos secciones: Capacitación n’Educación Primaria y Capacitación n’Educación Secundaria.

La inscripción nesti Rexistru Xeneral de Capacitación sedrá requisitu indispensable pa impartir les enseñances de bable/asturianu y de gallego-asturianu nos centros educativos d’Enseñanza Primaria y Enseñanza Secundaria del Principáu d’Asturies.

Les capacitaciones algamaes al amparu del Decreto 89/1994, de 22 de diciembre, queden incorporaes automáticamente y d’oficiu al presente Rexistru Xeneral de Capacitación.

 

¿Cómo se pide la Capacitación?

Presentando en cualquier de los rexistros del Principáu d’Asturies la documentación que darréu s’indica:

  • Modelu oficial de solicitú
  • Fotocopia compulsada del DNI y de la titulación académica habilitante pal accesu a places d’educación primaria y/o educación secundaria.
  • Certificación en bable/asturianu. Acreitación de cursos específicos: Cursos d’especialización en Llingua Asturiana (Conveniu MEC-Principáu 1988); Cursos de Llingua Asturiana pa Enseñantes (ALLA); Cursos d’Espertu en Filoloxía Asturiana (Universidá d’Uviéu); Cursos d’Especialista en Filoloxía Asturiana (Universidá d’Uviéu); Master Oficial de Formación del Profesoráu n’Educación Secundaria Obligatoria, Bachilleratu y Formación Profesional pola especialidá d’Asturianu (Universidá d’Uviéu).
  • Nun van tener que presentar certificación nenguna quien tean en posesión del títulu de Grau de Maestru n’Educación Primaria con mención en Llingua Asturiana.
  • Certificación en gallego-asturianu. Acreitación de cursos específicos: Cursos de formación del profesoráu en gallego-asturianu (Conveniu MEC-Principáu 1988); Cursos de formación del profesoráu en gallego-asturianu (Resolución de 26 de xunetu de 1994); Cursos de Capacitación en gallego-asturianu pa la Educación Primaria y pa la Educación Secundaria, Plan Rexonal de Formación en collaboración cola ALLA.

La Dirección Xeneral d’Ordenación Académica y Innovación Educativa va iguar, nel plazu máximu de tres meses, la certificación acreitativa de la capacitación pidida, remitiendo per corréu certificáu la copia de la mesma y mandando la so inscripción nel Rexistru.

Información

Contactu pa cualquier dulda o suxerencia:

Serviciu d’Ordenación Académica y Desarrollu Curricular
Celestino Villamil, 5 (Edif. consultes esternas HUCA antiguu)
33006 Oviedo/Uviéu
Teléfonu: 985 10 86 94