Conteníos Curriculares y Teoría de Llingua Asturiana y Lliteratura

Mes: mayo 2021

Cultura recupera’l catálogu dixital de lliteratura asturiana

La Conseyería de Cultura, Política Llingüísitca y Turismu punxo en marcha na so páxina web https://politicallinguistica.asturias.es/ buscadores que dexen acceder a la toponimia oficial aprobada hasta agora y recupera’l catálogu bibliográficu de les obres espublizaes n’asturianu y eonaviegu de más recién, que yá esistiere na anterior web de Política Llingüística.

Nel buscador del Catálogu bibliográficu, puen atopase toles obres publicaes n’asturianu y en gallego-asturianu nes últimes cuatro décades. Les busques puen facese por delles categoríes: autor, añu de publicación, editorial, llingua o xéneru lliterariu.

Acceder al catálogu

«La casina de la traducción»

LNE

Cultura va poner en marcha «La casina de la traducción» na casa natal de Fernán-Corones

La Conseyería de Cultura, Política Llingüística y Turismu, al traviés de la Dirección Xeneral de Política Llingüística, y en collaboración col Conceyu de Valdés, va poner en marcha nos meses vinientes La Casina de la traducción, un proyectu de traducción al asturianu que va tener como centru d’irradiación cultural la que fore casa natal del escritor Fernán-Coronas, en Cadavéu.

Seguir leyendo

Musicasturiana.com

Un espaciu d’información y análisis alredor de la música d’espresión asturiana. Asina va ser el mediu de comunicación que vamos crear dientro de musicasturiana.com 🗞 Un diariu dixital con noticies, reportaxes, entrevistes, cróniques, artículos d’opinión, reseñes… Tamién un contenedor de conteníos audiovisuales musicales  Y una axenda pa recoyer los eventos rellacionaos cola música del país.

Seguir leyendo

Sobro la calidá de la lliteratura n’asturianu

Inauguración de la 42 Selmana de les Lletres Asturianes en Mieres

La conseyera de Cultura, Política Llingüística y Turismu, Berta Piñán, afirmó esti llunes que la calidá de la lliteratura n’asturianu «deféndese sola» gracies al camín «de calidá y escelencia» que percorrió a lo llargo de les últimes décades.

Piñán, quien inauguró güei la 42 Selmana de les Lletres Asturianes, nun actu celebráu na Casa de Cultura Teodoro Cuesta de Mieres, tamién dio puxu a «la función perimportante» que tuvo la lliteratura n’asturianu nel procesu de normalizacion llingüística.

Seguir leyendo

Poemes de Paz García

Por si vos resulta d’interés, güei, Día de les Lletres Asturianes, toi invitada a participar nesti eventu internacional y multillingüe organizáu pol Departamentu de Llingües Modernes de Case Western Reserve University, Cleveland (Ohio).  Xunto con poetes d’otres llingües del mundu, recitaré parte de la la mio obra poética n’asturianu. Tará acompañándome como traductor al inglés, Daniel G. Granda, que los va declamar n’inglés.

La serie de poemes que voi recitar nacen de la Sambre, Sambre pola perda de los seres amaos. A traviés de la conexón cola naturaleza, nacen los haikus sanadores d’hibiernu y primavera, qu’ayuden a que, güei, equí y agora, Candela esnale y torne a la vida.

Día de les Lletres Asturies 2021

Avilés celebra’l Día de les Lletres Asturies 2021 con una gala virtual dende’l Teatru Palacio Valdés. Entama: Estaya de la Llingua del Conceyu d’Avilés.

Escucha´l  audio

Coincidiendo col Día de les Lletres Asturianes, güey particien en Asturies Al Día el músicu Xune Elipe, la escritora Esther García, el empresariu Inaciu Iglesias y el periodista y profesor Inaciu Galán.

XLII Día de les Lletres Asturianes

El Campoamor acueye’l Día de les Lletres Asturianes cola presentación d’un númberu nuevu de Lliteratura.

El Día de les Lletres Asturianes ye la xornada cola que los asturianos homenaxamos a la nuesa lliteratura. Vien celebrándose dende l’añu 1980 y enmárcase na Selmana de les Lletres Asturianes. L’Academia de la Llingua Asturiana entama nesti día, que coincide col primer vienres de mayu, un actu oficial públicu onde se fai homenaxe y vindicación de la llingua asturiana per aciu de la so manifestación lliteraria. Nél tien llugar una xunta estraordinaria de la institución cola acoyida de nuevos académicos y el discursu presidencial.

Seguir leyendo

© 2022 LLINGUA ASTURIANA ツ. Alojado en Educastur Blog.