Les conseyeríes d’Educación y de Cultura, Política Llingüística y Turismu ellaboraron en xunto dos guíes dixitales interactives con información y conteníu educativo dirixíes a facilitar el llabor del profesoráu de llingua asturiana y gallego-asturianu o eonaviegu.
L’Estoyu d’estímulos y recursos dixitales pa la enseñanza del asturianu ordena y clasifica alredor de 300 recursos, mientres que’l Estoiro d’estímulos y recursos dixitales prá enseñanza del gallego-asturianu ou eonaviego axunta más de 150. Estes dos guíes dixitales preséntense en formatu pdf interactivu y van unviase a tolos docentes de Llingua Asturiana y de Gallego-asturianu o Eonaviegu.
Los conteníos educativos de les guíes tienen procedencies diverses: instituciones, organismos públicos, entidaes sociales y docentes de Llingua Asturiana y de Gallego-asturiano, ente otros.
Les guíes clasifiquen los conteníos de forma cenciella col propósitu de facelos fácilmente algamables. Con cuentes d’ello, utilicen categoríes qu’identifiquen cada recursu, lu asignen a una etapa concreta, y describen los sos posibles ámbitos d’aplicación.
Estoyu (Asturianu)
Estoiro (Gallego-asturiano ou Eonaviego)
