La Biblioteca d’Asturies «Ramón Pérez de Ayala» crea la colección lliteraria «Dominiu Públicu», cola que quier divulgase la trayectoria d’autores asturianos que fallecieron va 80 años o más, rescatando obres que nos más de los casos son d’accesu difícil al tar descatalogaes.
/
El primer númberu d’esta colección nueva ta dedicada a José de Villalaín Fernández, y el llibru ta disponible pa la so descarga gratuita nesti enllaz: Antoloxía poética de José Villalaín Fernández.

Naz col oxetivu de divulgar autores asturianos que finaron va más de 80 años.

Yá se pue consultar na rede el primer númberu de la coleición ‘Dominiu públicu’ de la Biblioteca d’Asturies Ramón Pérez de Ayala, qu’asoleyó de manera física con motivu del XLII Selmana de les Lletres Asturianes pa repartir ente los sos usuarios. Ésta ye una antoloxía poética de José Villalaín Fernández, escritor nacíu en Navia nel 1878 y criáu en Castrillón.

Médicu de profesión y violinista, tamién prauticó la pintura y la escritura, con obres n’asturianu y castellanu, munches d’elles inédites. Encuádrase nel realismu asturianu de lo último del sieglu XIX y lo primero del XX, y dientro d’ésti, a los escritores costumistes, esplica nuna completa introducción María Esther García López, presidenta de l’Asociación d’Escritores d’Asturies.

Villalaín finó a los 61 años en Salinas, descansando los sos retos nel cementeriu de Samartín. Los llectores van poder conocer bona parte de la so obra nesta antoloxía qu’abre esta iniciativa de la biblioteca pública pa rescatar la trayeutoria d’autores asturianos que finaron va 80 años o más, poniendo a disposición de tol mundu escritos que nos más de los casos son d’accesu difícil al tar descatalogaos.