Ediciones Trabe publicó’l ‘Diccionariu de consultes llingüístiques del asturianu’, obra del profesor Ramón d’Andrés que vien a responder de manera cómoda y rápida duldes concretes sobre esti idioma.
Ramón d’Andrés
978-84-18286-55-1
-
- Edición: Primera
- Páginas: 720
- Fecha de publicación: 01/09/2021
- Tamaño: 16,5 x 24 cm
- Idioma: Asturianu
- PVP: 20,00 € impuestos inc.
Esti trabayu tien l’oxetu de facer del procesu de conocimientu y d’escritura n’asturianu una xera fácil y poco enguedeyosa. El Diccionariu pretende ser una ferramienta pa estudiantes, profesores, periodistes y, en xeneral, pa toa persona enfotada n’ameyorar el conocimientu y dominiu del asturianu a nivel prácticu tanto na fala como per escrito.
Ramón d’Andrés (Madrid, 1959) ye filólogu especializáu n’asturianu. Miembru de l’Academia de la Llingua Asturiana, profesor titular de la Universidá d’Uviéu y miembru del RIDEA, los sos estudios tán vinculaos sobre manera a aspectos gramaticales y sociollingüísticos del asturianu. Traductor del catalán y d’otres llingües, collabora en dellos periódicos y ye autor d’artículos divulgativos.
Deja una respuesta
Lo siento, debes estar conectado para publicar un comentario.