Cada primer xueves del mes, la Conceyalía de Cultura d’Uviéu va entamar conferencies con autores uvieinos, veteranos y noveles, dientro de ‘Oviedo escribe’, programa que principia’l 9 de setiembre nel salón d’actos de la Escuela Municipal de Música con Nacho del Valle, qu’acaba de ganar el Premiu Atenéu de Sevilla.

Depués, n’ochobre, va ser el turnu de la escritora Leticia Sánchez. Tamién va haber espaciu pa la poesía, pal asturianu –colos escritores Xuan Bello y Pablo Texón–, pa xéneros como la novela negra y pa clásicos de les lletres uvieines. El presidente de la Fundación Municipal de Cultura, el conceyal José Luis Costillas presentó esti vienres esta actividá acompañáu pol so director, l’escritor y abogáu, Iván de Santiago.

«N’Uviéu detectemos una gran falta sobre la difusión de la creación lliteraria y de los escritores, y creemos qu’una ciudá tan llectora y culta como la nuestra merez dedicar una programación específica a el autores uvieinos», comentó Costillas.