L’Asociación Mercáu Artesanu y Ecolóxicu de Xixón entama un concursu bien prestosu y con un enclín educativu mui marcáu.  Ye’l 1er Certame de Microrrellatos en Llingua Asturiana sobre Muyeres. Esti certame ta encartáu nes actividaes que la Biblioteca Nacional va celebra alredor del Día de la Escritora.

El concursu que tien dos modalidaes: una de creación artística pensáu pa segundu ciclu d’infantil y otra de microrrellatos pa Primaria sobre’l papel de la muyer como autores y protagonistes de les histories. Axuntámosvos  les bases pa que lu valoréis y si ye’l casu, lu incluyáis nes vuestres programaciones pa que’l vuestru alumnáu participe.

Podéis esparder tamién la convocatoria al vuestru criteriu.

D’acordies coles bases, el plazu de presentación de los trabayos va ser dende’l día siguiente a la publicación de les bases hasta les 14.00 hores del xueves 28 d’ochobre de 2021. Los sobres van unviase a estes señes: Asociación Mercado Artesanu y Ecológico (1er Certame de Microrrellatos en Llingua Asturiana sobre Muyeres) Hotel d’Asociaciones de Xixón Avda Manuel Llaneza, 68-Baxu. 33208. Xixón (Asturies).

Bases de la convocatoria

1. Temática: Nesta edición queremos que los microrrellatos y los dibuxos traten, dende un
puntu vista positivu, sobre la presencia de les muyeres na lliteratura como creadores y como protagonistes de les histories. Poro, los trabayos habrán tener como protagonistes a
muyeres escritores de cualesquier época de la historia o a personaxes femeninos ficticios

2. Participantes: Va poder participar de forma individual l’alumnáu del cursu 2021-2022 del
segundu ciclu d’Educación Infantil y de los distintos niveles d’Educación Primaria de los
centros educativos del Principáu d’Asturies. L’alumnáu de segundu ciclu d’Educación Infantil
va facelo con un dibuxu, y el d’Educación Primaria con un microrrellatu.

3. Categoríes: Establécense les siguientes categoríes de participación:
Categoría 1: segundu ciclu d’Educación Infantil.
Categoría 2: 1u y 2u d’Educación Primaria.

Categoría 3: 3u y 4u d’Educación Primaria.

Categoría 4: 5u y 6u d’Educación Primaria.

4. Presentación de los trabayos: Cada centru educativu va poder presentar un máximu de
cinco trabayos por cada aula perteneciente a caúna de les categoríes del puntu 3. Cada
estudiante va poder presentar una única obra, qu’habrá ser orixinal y nun se pudo haber
presentao a nengún otru concursu o certame.

Los dibuxos habrán ser en formatu «DIN-A4». La téunica y materiales son llibres, pero nun
tendrán calter tridimensional. Nun puede figurar el nome nin la firma de l’autora o autor. Na parte trasera hai qu’escribirel títulu del trabayu y el nome del centru.

Los microrrellatos habrán tar escritos a mano, n’asturianu, con lletra llexible y nun foliu
«DIN-A4». Nun puede figurar el nome nin la firma del autor o autora. La estensión máxima
de los trabayos será de 20 llinies. Na parte superior de la páxina, va escribise’l títulu del
microrrellatu, la categoría y el nome del centru.

Av. Manuel Llaneza no68 bajo. CP 33208 Gijón. Asturias. Teléfono 628 200 520
info@mercadoartesanoyecologico.com www.mercadoartesanoyecologico.com
Cada centro educativo va presentar:
– Un sobre zarráu por cada categoría a la qu’opten, que va contener otros dos sobres:
* un sobre zarráu colos trabayos.
* otru sobre zarráu cola rellación de los títulos de los trabayos que se presenten y los/es sos autores correspondientes, el nome del centru educativu, l’aula y la categoría na que
participen.

L’incumplimientu de les condiciones espuestes va suponer la esclusión del certame.
El plazu de presentación de los trabayos va ser dende’l día siguiente a la publicación de les
bases hasta les 14.00 hores del xueves 28 d’ochobre de 2021. Los sobres van unviase a
estes señes:

Asociación Mercado Artesanu y Ecológico (1er Certame de Microrrellatos en Llingua Asturiana sobre Muyeres)
Hotel d’Asociaciones de Xixón. Avda Manuel Llaneza, 68-Baxu. 33208. Xixón (Asturies).
Premios. Van premiase tres trabayos por caúna de les categoríes del certame. Los premios
van consistir en lotes de productos del Mercáu Artesanu y Ecolóxicu, llibros y entraes a
eventos culturales.

6. Xuráu: El xuráu va tar formáu por persones con esperiencia rellacionaes cola materia
oxetu del certame. El fallu del xuráu va ser inapelable. La resolución de los premios va
comunicase a los centros educativos ganadores.

7. Entrega de premios: La entrega de los premios va facese durante la edición del Mercáu
Ecolóxicu y Artesanu en Xixón el 13 y 14 de payares de 2021.

8. Cesión de derechos: El Mercáu Artesanu y Ecolóxicu, como organizador del certame, va
reservase’l derechu de reproducir, imprimir, publicar o esponer los trabayos ganadores
citando’l nome del autor o autora.

9. Vuelta de los trabayos: Los trabayos non premiaos van devolvese a los centros educativos n’acabando’l certame.