Conteníos Curriculares y Teoría de Llingua Asturiana y Lliteratura
Paquita Suárez Coalla, escritora y profesora universitaria en Nueva York, presenta la reedición de ‘La mio vida ye una novela. Testimonios de las mujeres del campo de Asturias’
Ana María Cano recibió un merecíu homenaxe nel Aula Magna del Edificiu Históricu de la Universidá d’Uviéu que vieno acompañáu de la espublización del volume ‘Llingua, tierra, nomes… Estudios d’Onomástica Románica (1987-2017)’. La ex presidenta de l’ALLA y caderalga emérita, “una figura histórica de la filoloxía asturiana y de la reivindicación llingüística”, sintió’l ciñu de compañeros y alumnos.
Ediciones Trabe publicó’l ‘Diccionariu de consultes llingüístiques del asturianu’, obra del profesor Ramón d’Andrés que vien a responder de manera cómoda y rápida duldes concretes sobre esti idioma.
Portugal xunióse la selmana pasada a la llista de países firmantes de la Carta Europea de les Llingües Minoritaries, una ocasión p’ampliar la reconocencia al únicu llugar na qu’una variante de la llingua asturiana yá ye idioma oficial: l’área de Miranda de l Douro.
La obra ganadora ye una reflexón “sobro la ciencia que consumimos al falar de lengua”. El filólogu Ramón d’Andrés, cola obra titulada “La ciencia ensin enfotu”, ganó la ventiavu séptima edición del Premiu Máximu Fuertes Acevedo d’ensayu en llingua asturiana que concede la Conseyería de Cultura, Política Llingüística y Turismu.
/ 
La obra La cafiante muerte de Nicolai Bostov, del escritor José Ángel Gayol foi la ganadora de la 42 edición del Premiu «Xosefa Xovellanos» de Novela. El gallardón, convocáu y concedíu pola Conseyería de Cultura, Política Llingüística y Turismu, tien una dotación de 6.000 euros.
Cada primer xueves del mes, la Conceyalía de Cultura d’Uviéu va entamar conferencies con autores uvieinos, veteranos y noveles, dientro de ‘Oviedo escribe’, programa que principia’l 9 de setiembre nel salón d’actos de la Escuela Municipal de Música con Nacho del Valle, qu’acaba de ganar el Premiu Atenéu de Sevilla.
La lletra «ñ» inventóse nel castellanu medieval. El soníu que representa identificámoslu los llingüistes como «consonante nasal palatal». El llatín, llingua ma, nun tenía esi soníu. Foi surdiendo nes diverses llingües romániques por evolución fonética, pero resulta que nun había lletra pa representalu.
Los cursos de la edición de 2021 de la Universidá Asturiana de Branu (UABRA) abren matrícula dende güei na páxina web de la Universidá d’Uviéu.
Esti añu la ufierta formativa va desendolcase en llinia y ta compuesta polos cursos que vienen darréu:
La Conseyería de Cultura, Política Llingüística y Turismu entama la campaña de distribución de llibros n’asturianu y gallego-asturiano entitulada ‘Lleer presta’. Los primeros destinatarios son 301 centros educativos del país, que van recibir 4.000 exemplares esti mes.
El xuráu del Premiu «Pepe Campo» de monólogu n’asturianu, suspendíu en 2020 pol andanciu de coronavirus, aconceyó esta selmana pa determinador el resultáu de la convocatoria de 2021.
El xuráu tuvo conformáu esti añu por Pablo Xuan Manzano, Ánxel Álvarez Llano y Octavio Trapiella, y decidió da-y el premiu al testu «Somes unes repunantes», que resultó ser d’Aymara González Montoto.
La Conseyería de Cultura, Política Llingüísitca y Turismu punxo en marcha na so páxina web https://politicallinguistica.asturias.es/ buscadores que dexen acceder a la toponimia oficial aprobada hasta agora y recupera’l catálogu bibliográficu de les obres espublizaes n’asturianu y eonaviegu de más recién, que yá esistiere na anterior web de Política Llingüística.
Nel buscador del Catálogu bibliográficu, puen atopase toles obres publicaes n’asturianu y en gallego-asturianu nes últimes cuatro décades. Les busques puen facese por delles categoríes: autor, añu de publicación, editorial, llingua o xéneru lliterariu.
Cultura va poner en marcha «La casina de la traducción» na casa natal de Fernán-Corones
La Conseyería de Cultura, Política Llingüística y Turismu, al traviés de la Dirección Xeneral de Política Llingüística, y en collaboración col Conceyu de Valdés, va poner en marcha nos meses vinientes La Casina de la traducción, un proyectu de traducción al asturianu que va tener como centru d’irradiación cultural la que fore casa natal del escritor Fernán-Coronas, en Cadavéu.
Un espaciu d’información y análisis alredor de la música d’espresión asturiana. Asina va ser el mediu de comunicación que vamos crear dientro de musicasturiana.com 
Un diariu dixital con noticies, reportaxes, entrevistes, cróniques, artículos d’opinión, reseñes… Tamién un contenedor de conteníos audiovisuales musicales Y una axenda pa recoyer los eventos rellacionaos cola música del país.
Tol material y los recursos que s’enllacen, escueyen o reproducen: imaxes, gráficos, videos… son d’USU PURAMENTE NEL ÁMBITU EDUCATIVU, dientro de l’aula.
La dirección URL d’esti Blogue nun se comparte coles families nin col alumnáu. YE D’USU PRIVÁU. Nun compartir!!!
© 2026 LLINGUA ASTURIANA ツ. Alojado en Educastur Blog.
LNE
