Aula_d'ISA ツ

• Cartelu del 2024 (2025 saldrá nunos díes…) /   Turismu Asturies /

La Feria de L’Ascensión d’Uviéu, ye yá una cita clásica no qu’a feries de ganáu refierse, siendo unu de los certames más importantes d’Asturies.

La capital asturiana esplega en plena primavera tolos sos curiosos, y por cuenta de esta feria, monta un gran mercáu ástur na plaza de la catedral, con tola ambientación tradicional asturiana, nun llugar estratéxicu y de gran valor históricu y de gran guapura como ye’l corazón del cascu históricu de la ciudá.

Paralelamente a la feria de ganáu y al mercáu ástur, la zona de la llosa acueye un ampliu espaciu interactivo d’esposiciones, actuaciones musicales y otres actividaes culturales, a les que se suman miles y miles de persones.

Tol conxuntu d’actividaes añede un plus al ambiente de la capital y la so redolada.

Esposición de races autóctones.

Celébrase dende’l sieglu XVI. Naquellos tiempos, Uviéu taba arrodiáu de montes nos que s’alimentaba’l ganáu.

Yá avanzáu’l sieglu XIX, les tierres de campera fueron ganando terrenal coles mesmes que s’amontaba la producción de lleche, lo cual supunxo un revulsivo para la economía de la zona.

Esposiciones de quesos.

Lo que nel so momentu nació como una feria ganadera convirtióse col pasu de los años n’una feria qu’axunta agricultura, ganadería, tradición, gastronomía, etnografía y folclore n’una amplia axenda d’actividaes para tolos públicos.

Qué meyor forma de reivindicar el valor del nuesu campu asturiano que con una celebración llena de tradición, gastronomía y bon ambiente. Más semeyes n’El Comercio.

Ilustración: Mapa de los conventum bracarensis, lucensis y asturum (ésti postreru resaltáu) de la provincia romana de Gallaecia. Autor: R. Chao (2006).

• Fonte: Principáu d’Asturies / Principado de Asturias 
•  https://www.turismoasturias.es/cultura/prerromanico

• Fonte: Asturies.com / Reis d’Asturies
• Scratch: Reis d’Asturies /

¿Sabrás ordenar los reis d’Asturies?

Son mui significatives les declaraciones del ganaderu José Manuel Villabrille a «El Campo de Asturias». Ta al frente de la so ganadería familiar de Bartuelu de Santuyanu, nel conceyu d’Ayande. Nesti momentu, metanes l’iviernu, tríen con 85 vaques, 3 toros y 13 xatos, concretamentre de raza carreñana, conocía comercialmente como «asturiana de les valles».

Seguir leyendo

Castros romanos n’Asturies

• Fonte: radio Cangas

RADIO CANGAS RECONQUISTA : Charla con Angel Villa. Avances Investigación Castros Asturias

A lo llargo de la hestoria del ser humanu, el so enclín a la socializarse llevólu de pasar d’aquelles tribus nómades qu’escuerren el so alimentu d’estación n’estación, de norte a sur o viceversa, asitiase en pequeños y vetustos poblaos onde l’empiezu de l’agricultura y la ganadería, terminó con ese humanu errante y nació lo qu’a lo postrero se convertiría nes ciudaes y pueblos que conocemos anguaño. Anque nestos tiempos estos postreros, los pueblos, son murnia noticia

Estes construcciones evolucionaron de tal manera que fueron adquiriendo una serie d’atribuciones que les estremen unes d’otres. Una d’elles yeren los castros. Veníu del llatín castrum, yeren fortificaciones, qu’a partir del sieglu VI antes de cristu empezaron a espandise llegando al so apoxéu ente los sieglos IV Ya II.

Les sos característiques construcciones y la naturaleza de los sos pobladores fáen-yos resurdir como un elementu únicu y con una aureola de misteriu que-yos fixeron, inclusive, ser politizaos. Como toa hestoria inacabada, revisiones posteriores alterien el so pasáu celta y ponen sobre la mesa nueves conclusiones. Les recién investigaciones llevaron a los arqueólogos a refugar idees *estandarizadas tocantes a la so estructura, sobremanera a partir del sieglu IV a. La so estructura interna inda güei ta abierta a alderique y unu de los aspeutos más revesosos anicia’l la pirámide social que rexía estes instalaciones.

Pa falanos d’ellos, tenemos a unu de los espertos más cualificaos que lleva munchos años estudiandolos. PODCAST

• Grupu: Xentiquina

La repercusión de la producción madreñera na economía rural d’Asturies foi enorme en dómines pasaes. La vienta de madreñes dexó a munches families cuntar con unos modestos ingresos, seique los únicos.

• Fonte: Artesanía de Asturias / Modelos / Facebook

Seguir leyendo