/
Calca p´ampliar imáxenes…

31 d´ochobre: Samaín

Anexu: Canciu «Una de mieu» (Xentiquina)


La casería o quintana asturiana

  • La esfoyaza

 


ANEXU: Vamos falar en clas de llingua asturiana de la casería y la so importancia n’Asturies.
¿Qué ye la casería?  Una unidá económica y d’esplotación familiar formada por elementos: 
  • casa
  • antoxana
  • edificios anexos y construcciones complementaries: horros o paneres, güertos, tierres, praos, montes, árboles, animales, maquinaria y preseos de llabranza.
¿Qué función tien la casería? Los dueños tienen tolos derechos d’esplotación empobinaos  al so destín o aprovechamientu: cultivu, recoyida, pacional, capaz de dar sustentu a una familia llabradora, ensin perxuiciu de qu’ésta pueda tener otres fontes complementaries d’ingresos. Ye dicir l’autosuficiencia.
 Orixe:
  • Surde na Edá Media cola colonización del suelu.  

Los dueños de les tierres (nobleza, cleru y depués la burguesía) dexaben a los llabradores cachinos de tierres a cambiu de que parte de la collecha yera pa los amos, onde los que la trabayaben malpenes llograben lo suficiente pa vivir.

  • Nel sieglu XVI les caseríes constituyíen l’únicu mediu de vida del campesín y una fonte de riqueza pa losnobles, el clero y la burguesía.
  • Poco a poco los llabradores fueron algamando los sos drechos sobre les tierres al traviés de lluches  y revueltes, consolidóse como estructura económica y social en sieglos posteriores, permaneciendo la so estructura hasta finales del sieglu XIX.
  • Los sos calteres esenciales permanecieron hasta mediaos del sieglu XX, modernizándose cola revolución industrial.
Durante munchos sieglos, la casería foi una unidá d’esplotación, que fixo de la tierra la manera de vida de la familia llabradora asturiana. Na casería aprovéchase too o casi too.  Vamos facer el palabreru de La Casería pa depués colorear la ficha.
image
Casa con correor y antoxana
Cuadra (tamién corte o establo) pa les vaques, xatos, gües, cabllos, yegües, potros y oveyes. Les cabres andaben pela penasca y pel monte.
El cucheru col cuchu pa cuchar
Horru o panera colos usos que yá falemos n’otres xeres.
Cubil o curripu pa los gochos
Piteru pa los pitos y pites, gallones y coneyos.
Llagar (munches veces desarmable y allugáu na cuadra o n’otra construcción auxiliar)
Payar o tenada y vara yerba pa guardar la yerba curao recoyía nel branu
Güertu pa les olleches menores: llechuges, tomates, arbeyos, cenahories, ayos, cebolles, calabaces, berces, baines, fabes de mayu, fabes prietes, perexil, pimientos, repollu, nabos,…dalgún árbol frutal: pescales, zrezal, perales, figares… y dalguna florina y floritos.
Güerta, amás de les colleches menores, tamién patates y fabes.
La tierra pa les colleches grandes: patates, pan, panoyes, fabes… arrodiaos por fabes pintes o arbeyos…
Praos pal usu de la pación y pomares o pumaraes con mazanales pa la sidra
Mata o viesca pa usu de la madera o’l frutu de los árboles: ablanales, castañales, rebollos,... y de la fueya tamién pa los truébanos pal miel.
La ferramienta o preseos de la casería: pales de dientes, fesories, garabatos, güadanes, gaxapos,… carros, forcaos, carreñes,…
El paisanu y la paisana colos fíos y fíes