Mes: agosto 2020

Educación retrasa l’entamu del cursu hasta’l 22 de setiembre pa garantizar la presencialidá

Fonte: Asturies.com 27 Agostu, 2020 por Pablo R. Guardado

Van adoptase midíes de prevención, hixene y promoción de la salú que garanticen una vuelta segura a les clases, como ye una distancia interpersonal de 1,5 metros, l’usu de mázcara obligatoria pa mayores de 6 años o’l llaváu de manes un mínimu de 5 vegaes diaries, ente otros.

• Ver midíes

El Gobiernu estatal y les autonomíes alcordaron esti xueves 23 midíes y 5 recomendaciones pa garantizar la vuelta a la escuela nesta situación de crisis sanitaria pola pandemia de COVID-19. L’actividá llectiva será presencial, con preferencia pa los más pequeños hasta segundu d’ESO, y un contaxu nun llevará al zarru.

Ente los aspeutos más destacaos ta l’apuesta pola presencialidá pa tolos niveles y etapes del sistema educativu, con preferencia pal alumnáu de menor edad, polo menos hasta’l segundu cursu de Secundaria. Pa ello van adoptase midíes de prevención, hixene y promoción de la salú que garanticen una vuelta segura a les clases, como ye una distancia interpersonal de 1,5 metros –a esceición d’Infantil y primer ciclu de Primaria, onde va haber grupos estables de convivencia–, l’usu de mázcara obligatoria pa mayores de 6 años o’l llaváu de manes un mínimu de 5 vegaes diaries, ente otros.

Tamién se tomará la temperatura a tolos escolinos al entamu de la xornada. Nel casu de qu’haya un casu de COVID-19 nun va parar l’actividá nel centru, dalgo que namái se dará en casos esceicionales onde haya una tresmisión del coronavirus SARS-CoV-2 incontrolable.

Seguir leyendo