La escanda ye una planta cereal de los xéneros Spelta y Triticum, asemeyada al trigu, que da granu comestible. N’Asturies tuvo una importante implantación y ye un productu mui valoráu, anque per munchos años foi fuertemente desplazáu pola llegada del maíz y la introducción de trigos que daben una mayor producción hasta’l puntu de cuasi desapaecer.
Ye un cereal que s’adaptó mui bien al territoriu asturianu y al so clima al ser de los nomaos ‘vistíos’, esto ye, cuenta con una cáscara difícil de separtar, polo que reclamen unos molinos especiales. Sémase n’iviernu, del mes de payares a xineru o febreru.
Escanda(Ḷḷena)
¿Sabíes qué…? Pravia, Ḷḷena, Quirós, Ayer, Miranda, Candamu o Grau son dalgunes zones onde esti cultivu tien presencia.
Espertos asitien el so orixe nel Neolíticu mediu ente l’Eufrates y el Tigris, zona qu’anguaño pertenez a Irán. La so llegada a Asturies nun ta constatada, anque apez documentada n’escavaciones arquelóxicas de trés castros de Xixón y Villaviciosa.
Nun sería hasta’l sieglu X cuando se convertiría nel cereal predominante, figura que caltendría hasta’l sieglu XIX, produciéndose un descensu progresivu nes décades últimes d’esta centuria y nel sieglu XX hasta causi desapaecer. Ye nel actual cuando entama a recuperase’l so cultivu, anque de manera entovía mui reducida.
Erga d’escanda
Los productos fechos con escanda son mui valoraos. La ellaboración de pan ye’l principal destín d’esti cereal y práuticamete tola producción que s’ellabora véndese pola escasa superficie cultivada y la importante demanda.
L’Asociación Asturiana de Productores de Escanda (ASAPES) vien trabayando dende’l 2002 pola recuperación de les variedaes autóctones d’escanda y l’ameyoramientu y modernización del so cultivu, que tien unos costos altos de producción, asina como la so promoción. Un llabor, el de tolos productores, que permite ser optimista sobre’l futuru d’un cereal con muncha historia y raigañu n’Asturies.
ESCANDA (Del lat. scandula ).
1. f. Especie de trigu, mesma de países fríos y terrenes probes, de paya duro y curtia, que’l so granu dixebrarse difícilmente del cascabillo. Real Academia Española
Los trigos vistíos conócense comúnmente como escandes. Son ceberes del xéneru Triticum que la so estrema más importante respectu al trigu común ye que nelles el granu atópase envueltu n’una vaina (glumas) que nun s’esprende dempués de triar ensin l’ayuda de molinos especiales.
Tipos d’escanda: esquierda escaña menor,
centru «povia» , a la derecha «acisna» o espelta.
Créese que tuvo’l so orixe nel Neolíticu mediu, 6000 – 7000 años AC, na zona d’Asia entendida ente’l Eufrates y el Tigris, no que sería l’actual Irán, onde apaeció la escanda (o escaña) menor ( Triticum monococcum ssp. Monococcum ) como’l primer trigu adomáu.
Ye un trigu diploide, pequeñu y d’escasu rendimientu, pero que sobrevive en suelos onde les otres especies nun producen nada. Hasta apocayá pensábase qu’esti trigu taba virtualmente escastáu, pero se siguió cultivando en delles zones de Francia, onde s’utiliza pa preparar una especie de farrapes. N’Asturies namá se cultiva xuna pequena parcela d’esta escanda, per parte de la empresa Speltastur escanda asturiana S.L., coles mires de multiplicar la grana y con fines d’estudiu y esperimentación.
La evolución del Triticum monococcum, dio llugar, por cruzamientu con otres especies monteses, al Triticum turgidum, que la so subespecie dicoccum ye’l primer trigu fariñeru adomáu. El Triticum turgidum, ssp. dicoccum ye un trigu duru, tetraploide, que se conoz n’Asturies como » Povia » o «Povida» . Cultívase anguaño en dellos conceyos montascosos del centro-sur d’Asturies, n’esplotaciones tradicionales de pequena superficie.
La «povia» evolucionó tamién por cruzamientu con especies monteses pa dar como resultáu’l Triticum aestivum ssp. Spelta , el primer trigu panificable adomáu. Ye un trigu blandu, hexaploide, y ye la escanda típica cultivada n’Asturies onde se conoz col nome de «Acisna» . N’Asturies cultívense diverses variedaes d’esta escanda que s’estremen fundamentalmente pol color que presenta la espiga cuando s’ensuga y, qu’atendiendo a esta cualidá, conócense como Blanca, «Roxa» y Azul (o negra). Ye la escanda más apreciada poles sos cualidaes harino-panaderes.
Nun ta claro’l momentu de la introducción de la escanda n’Asturies. El cultivu de la especie Triticum turgidum (Povia) apaez documentado per primer vegada n’escavaciones arqueolóxiques de trés castros prerromanos correspondientes a los sieglos VIII-VI AC., nos conceyos de Xixón y Villaviciosa. Asina, según dellos autores, esta escanda (Povia) vendría de los pueblos celtes o xermanos y seríen los romanos los introductores d’Acisnar (Spelta).
La primer referencia escrita qu’acredita’l cultivu de la escanda n’Asturies apaez nel Cronicon Albeldense, nel añu 833, que cita ente los productos célebres d’España, «la escanda d’Asturies» . A partir d’esa fecha son yá frecuentes les referencies a la escanda nos documentos de los monesterios. Asina, dende’l sieglu XIII fai referencia en numberoses ocasiones al usu de la escanda pal pagu de los foros y rentes, práctica que siguió, en dalgún casu concretu, hasta mediaos del pasáu sieglu XX.
La escanda non yá foi la cebera predominante sinón unu de los cultivos principales d’Asturies dende’l sieglu X hasta bien avanzao’l sieglu XIX: nel sieglu XVII’l 10% del territoriu asturianu dedicase al cultivu de la escanda.
Dende principios del sieglu XX, por cuenta de causes de diversa naturaleza, como’l pagu de les rentes con dineru, la especialización nes producciones ganaderes de carne o lleche (cola consiguiente necesidá d’emplegar los terrenes pa la producción de camperes o forraxes), o la meyora del nivel de vida y de les comunicaciones, producióse un rápidu descensu de la superficie cultivada d’escanda hasta llegar casi a la so desapaición a finales del sieglu XX. En 1941 Dantin Cereceda envaloró la estensión del cultivu en 1.050 hai, en 1985 rexístrense yá namá 60 hai, y en 1992 la superficie d’escanda amenorga a 8 hai.
Ye a partir del añu 2000, cola organización de delles esposiciones temporales sobro la tema y fundamentalmente la celebración del 1er Certame de la Escanda entamáu pol Conceyu de Grau, cuando s’empecipia xuna nueva etapa que se concretó básicamente nes siguientes iniciatives: Mayor atención al cultivu per parte de les alministraciones públiques, cola concesión dende l’añu 2001 d’ayudes al cultivu de variedaes autóctones d’escanda, per parte de la Conseyería de Media Rural y Pesca.
La constitución de l’Asociación Asturiana de Productores d’Escanda (ASAPES) en xunu de 2002; asociación que promueve la formalización d’un conveniu de collaboración (robláu en 2003) ente la mesma ASAPES, el SERIDA y los Conceyos de Grau y Ayer, pa la meyora y modernización del cultivu de la escanda.
Como frutu d’estes iniciatives produzse xuna recuperación del cultivu de la escanda, que na actualidá ocupa xuna superficie cimera a les 30 hai.
Chatea / fala con ISA equí…
Comentarios recientes