1)Ver en Youtube

 

CLAS  1. Fecha: vienres 3 d´abril
L´asturianu entama nel minutu 30:30

XERES CLAS 1

¿Qué tal vais perhí? Nesta primer clas, la del vienres 3 d’abril, viemos delles cuestiones:

  • Les llingües romániques de la Península Ibérica.Al final d’esta entrada voi ponevos un cantar en  caúna de les llingües. ¡A ver si te presten!
  • El vocabulariu de la cocina. Propúnxivos colgar nes redes dalgún videu curtiu
  • Una esplicación pa remanar esti blogue. ¿Yá echasti un güeyu a los recursos y ferramientes?
  • Un cantar de Silvia Quesada. ¿Quies volver a sentilu? Equí.

Y equí tán los ocho cantares nes llingües de la península que vos prometí.


 

Sigui equí les actividaes de l’asignatura de Llingua Asturiana
y Lliteratura pa ESO y Bachilleratu nel espaciu EducasturTV.

Soi Inaciu Galán, profe d’asturianu dende va cuasi 15 años.
Entamé en en cursos p’adultos, presenciales y a distancia y
dende va cuatro cursos y tres facer el Máster de Profesoráu,
en secundaria y bachilleratu.

Amás, soi periodista y va munchos años entamé na
televisión faciendo precisamente una clas d’asturianu
na televisión llocal de Xixón.

Agora enfréntome al retu de facer estes clases dende casa
y con pocos medios, pero con toles ganes, aguarando que
preste y enganche al alumnáu. Si quies saber más de min
y del mio trabayu, puedes enterate equí.

Mientres dure’l confinamientu pol andanciu de
coronavirus voi tar poniendo clases d’asturianu
nel espaciu  EDUCASTURTV, na TPA, dende casa.

Nesta páxina voi dexavos xeres pa complementar lo visto nes clases,
asina como enllaces a distintos recursos pa deprender asturianu,
practicar les competencies llingüístiques na rede o simplemente
pasalo bien un ratín. 

Deprendiendo con vós, faciendo por deprendevos daqué.
Intentando facelo lo meyor posible. 

Horarios d’emisión: Dellos díes, de llunes a vienres
nel espaciu EducasturTV, na TPA (A7) 10:30 a 11:30,
(A8) 11:30 A 12:30.