Mes: julio 2020

Abre’l plazu de matrícula pa la materia de Llingua Asturiana

23/07/2020 / Isa Lobo ツ / Sin comentarios

La campaña de matriculación n’asturianu y gallego-asturiano #Apúntate va llegar a la radio y la televisión

#Apúntate

Cartelu #Apúntate matriculación asturianu 1.32 MB

Cartelu #Apúntate matriculación gallego-asturiano 1.33 MB

Dende esti xueves ta abiertu’l plazu d’inscripción pa la materia de Llingua Asturiana y de Gallego-asturiano en toles etapes educatives. La campaña #Apúntate ta teniendo espaciu na televisión y na radio pública asturiana cola fin de promover la matriculación na asignatura y llegar a la sociedá. Na mesma tienen presencia les dos llingües propies d’Asturies con mensaxes como “va prestate” o “vaiche prestar”. Nel casu de fecha pa televisión, trátase d’un videu d’animación.

El plazu de matriculación va dende güei hasta’l día 31 pa Primaria. Nel casu de los escolinos de Secundaria y Bachilleratu, el plazu allárgase hasta’l 7 de setiembre. Apúntate!

Seguir leyendo

Nuevo blogue «IxuxuLlingua» Aula de Isa Lobo

01/07/2020 / Isa Lobo ツ / Sin comentarios

Blogue de l’Aula de Llingua d´Isa empecipiáu en marzu de 2020
y programáu para’l cursu 2019-2020 dende setiembre de 2019.

Como esta plataforma de blogues de Educastur http://blog.educastur.es/
darase de baxa a lo llargo del primer trimestre del cursu escolar 2020-21,
siendo sustituyida pola nueva plataforma que’l so accesu ye:
https://edublog.educastur.es

Entamamos col nuevo blogue d´Asturianu «Ixuxu Llingua».

De camín aprovechamos para entamar los conteníos en distintos blogues,
col oxetivo de facilitar la so crecedera y arriquecimientu col pasu del tiempu,
amás de facilitar la consulta pa los escolinos del C. P. «Carmen Ruiz-Tilve» d´Uviéu.

Espero qu’esti nuevu diseñu y organización de conteníos gústevos. Bienveníos! Afayáivos!

Tais na vuesa clase, la nuesa,
la del alumnáu de Llingua, families y maestra.
Esta ye una ferramienta de trabayu,
non una ventana al mundu para presumir
de lo que faemos o damos en clase.
Eso dexámoslo pa otru tipu de xente, con otros intereses… ツ

Dende equí’l mio más sinceru agradecimientu a la Conseyería d’Educación del Principáu d’Asturies por ofercernos de baldre (gratuitamente) esti espaciu y la ferramienta WordPress pa espublizar conteníos educativos. Vamos dar bon usu d’ella.ツ Milenta gracies!

“Trátarse d’abrir les ventanes del mundu del aprendizaxe,
ensin llendes, pero con respetu,
ensin dolor, pero con esfuerzu,
ensin traxedies, pero con MAXA”.

(”L’universu de les palabres” Mar Romera,Olga Martínez).