Relleemos…

La nueche del 24 d’avientu celébrase en tol mundu occidental la viéspera de Navidá o Nuechebona. Son munches les tradiciones venceyaes a esta fecha, dalgunes de nidiu calter asturianu, anque munches se repiten n’otros llugares con pequeños cambios cola mesma esencia, como ye’l casu del nataliegu.

¿Pero por qué festexamos esta fecha? En realidá, anque l’orixe pudiera paecer de primer mano cristianu, el raigañu ta nes tradiciones paganes previes: el solsticiu d’iviernu, que marca’l momentu del añu nel que tornen a crecer los díes.

Nataliegu
¿Sabíes qué…? La Navidá celebrase’l día 25, fecha que nun coincidie col solsticiu, que tien llugar, dependiendo l’añu, del 20 al 23 d’avientu.

Col pasu los años, los llugares onde’l cristianismu topó espaciu pasó a festexar el nacimientu de Xesús, anque nun hai certeza de que tuviera llugar nesa fecha, yá que la Biblia nun especifica nin el día nin la estación na María dio a lluz al so fíu en Belén. Sicasí, tomó’l 25 d’avientu, adaptando les creencies previes, al igual que fixo con San Xuan y la Nueche d’Ánimes, pa facilitar la conversión de los paganos.

El nataliegu ye una d’estes tradiciones paganes que se facíen nesta fecha que se caltuvo hasta anguaño y, anque perdió muncha fuercia nes décades últimes hasta llegar casi al escaezu, munches persones tán faciendo por recuperala. Trátase de la quema d’un tueru d’un árbol, les más de les veces de carbayu, qu’ambura tola nueche y que se recueye a la mañana siguiente, día 25.


Hasta hai unes décades, el 24 d’avientu tenía presencia en munches cases d’Asturies el nataliegu, un tueru d’un árbol -les más de les veces de carbayu- qu’ardía tola nueche. El día 25 pela mañana garrábase cuando ya morría’l fueu y guardábase hasta l’añu siguiente esperando que llevare la protección y la felicidá a la casa o dexábase como puntu d’apoyu pa sofitar la lleña que se quemaba pa facer el fueu nel añu qu’entamaba.

Malapenes queda yá la memoria del nataliegu nos nuestros pueblos y llugares, pero inda hai persones que recuerden esta costume; l’etnógrafu Berto Peña tien constancia del nataliegu en Grau, Casu o Llaviana y existen otres referencies que nos falen de qu’hasta nun hai munchos años calteníase esti vezu en llugares de L.lena o Tinéu.

Existen tamién referencies al nataliegu como obsequiu o tributu en testos más antiguos; nel sieglu XVIII en La Mata (Grau) cadún de los vecinos entregaba al marqués un anataliegu -nesti casu yera un tueru enteru d’un carbayu- nel víspere del 25 d’avientu y otru al xuez nel víspere del día de Reis, el 5 de xineru. En San Xuan, tamién en Grau, yera’l xuez del pueblu el qu’apurría un nataliegu’l día enantes de nadal.

Una tradición asemeyada ta documentada nel Cotu del Naranco, Uviéu, nel que los vecinos xuntábense p’apurrir el 24 d’avientu un ataliegu al alcalde mayor. Tamién, con otros nomes, hai constancia d’esta tradición en conceyos como Ayer o Miranda.

La tradición del tueru de nadal ta espardida con distintes formes y variantes per toa Europa. En munches zones de Francia, nes Islles Britániques, Escandinavia, Alemania o los Balcanes ye una costume viva que se rellaciona col más modernu árbol de Navidá. Dacuando tien la variante pa en casa como un tueru que se quemaba na chimenea, y otres veces garra una variante colectiva, y ye un gran tueru que se quema nun sitiu públicu’l 24 d’avientu.

Yule logn’inglés, Weihnachtsscheit n’alemán, Boncyff Nadoligen en galés, Madeiro de Natal en portugués, Ceppo natilizion’italianu o Nochebueno en castellanu son dellos de los nomes d’una tradición pagana rellacionada col fueu, que celebraba’l renacimientu del sol, cuando los díes entamaben a medrar y el sol garraba fuercia otra vuelta, y que’l cristianismu tresformó nun tradición venceyada al nacimientu del neñu Xesús.

 

/   

Amás, el tueru de navidá asóciase tamién en munches cultures a la entrega o disfrute de presentes propia d’estes feches. Por exemplu, na tradición anglosaxona representase dacuando a Santa Clauscarretando esti tueru y na tradición urbana en Cataluña y delles zones d’Aragón existe’l Tió de Nadal o Caga Tió, un tueru al que se-y solmena con un palu pa que «cague» regalos, llambiotaes y garulla.

Tamién en dellos llugares del País Vascu a esti maderu llámase-y Olentzero, un términu que col tiempu tresformaríase nel nome d’un personaxe con distintes formes y simbolismu na Navidá vasca y que dende la primer metá del sieglu XX popularizóse como una alternativa autóctona a Papá Noel.


Según David Guardado Díez, el 24 d’avientu tenía presencia en munches cases asturianes el Nataliegu, un tueru d’un árbol (les más de les vegaes de carbayu) qu’ardía tola nueche. El día 25 pela mañana garrábase cuando yá morría´l fueu y guardábase fasta l’añu siguiente esperando que llevare la proteición y la felicidá al llar o dexábase como puntu d’apoyu pa sofitar la lleña que se quemaba pa faer el fueu nel añu qu’entamaba.

L’etnógrafu asturianu Berto Peña (Álberto Álvarez Peña) recoye que nel sieglu VI (d.c.) Martín Dumiense obispu de Braga, nes sos «Correctiones Rusticorum» al falar de los cultos paganos de los Ástures diz que faen ufriendes a los tueros de los árboles. Per otru llau, Xuan Fernández Piloñeta, collaciu de Bertu Peña en Belenos, recoyó en Llavina qu’amás de too el ritual enantes comentáu, faíen unos bollinos de mantega, azucre, güevos y lleche que daben a los rapacinos.

A esti respeuto,Berto Peñarecuérdamos que n’Aragón sobro’l Tueru de Nadal asitiábase una torta ritual con un furacu central nel que vertíase vinu ranciu. La torta ufríase al tueru. Esta ufrienda faíala el más pequeñu´l llar.

Nataliegu con bollinos y moñines

Axuntámosvos dibuxos del Nataliegu pa coloriar n’asturianu, castellán ya inglés.

N’asturianu


En castellán


N’inglés


LA FUMAZA O FOGUERA’L NATALIEGU

Como yá facíen los nuesos antepasaos ástures, L’Anguleru y Los Llendadores del Ríu/a siguen festexando la tradicional Foguera’l Nataliegu, quemando un grandísimu tueru de carbayu. D’elli va nacer el llume sagrao del Nataliegu, colo que van prender el farolín máxicu de carburu que va enllenar de lluz ya ilusión la Navidá asturiana.



Anque de tradición asturiana, como dicíemos enantes, el nataliegu o aiciones asemeyaes repítense n’otros puntos d’Europa. Asina hai referencies en zones de Francia, Inglaterra, Cymru, Alemaña, Portugal, Escandinavia o los Balcanes.

  • ¿Pa qué se quema’l nataliegu?
  • ¿Por qué en Nuechebona?
  • Cita otres tradiciones asturianes de Navidá, vieyes o modernes.
  • ¿Qué dulces son típicos d’estes feches?

Llibru: «Un Nataliegu perbullindiegu»