Van salir esti sábadu a pidir l’aguilandu. Los personaxes que componen Os Reises de Tormaleo, más d’una docena, van percorrer un añu más les aldees habitaes de la parroquia, una tradición vieya recuperada hai poco más de diez años y que nun apara de garrar puxu. Hasta Ibias desplácense numberoses persones de conceyos vecinos y del restu del país pa disfrutar d’esta mazcarada d’iviernu qu’entama l’Asociación Cultural Tío Vitán.

El Folecón – Ilustración de Mortimer (2014)

/ 

Hai 11 años que l’Asociación Cultural Tío Vitán recuperó esta tradición. Fieles a la so cita col primer fin de selmana del añu, la mazcarada d’Os Reises percuerre tou esti día los pueblos de la parroquia de Tormaleo, n’Ibias. La docena de personaxes que componen esta mazcarada pidieron l’aguilandu, dende primer hora de la mañana, faciendo milenta trastaes a los vecinos de Tormaleo.