Aula_d'ISA ツ

LLINGUA ASTURIANA y LLITERATURA

Notes sobre los Ástures

Ilustración: Mapa de los conventum bracarensis, lucensis y asturum (ésti postreru resaltáu) de la provincia romana de Gallaecia. Autor: R. Chao (2006).

El pueblu qu’habitó Asturia dende la Navia pel oeste (partiendo con los Galaicos) hasta’l Sella pel este (partiendo con los Cántabros) y que s’estendía pel sur hasta’l ríu Douru.

La transición ecolóxica nel campu

Son mui significatives les declaraciones del ganaderu José Manuel Villabrille a «El Campo de Asturias». Ta al frente de la so ganadería familiar de Bartuelu de Santuyanu, nel conceyu d’Ayande. Nesti momentu, metanes l’iviernu, tríen con 85 vaques, 3 toros y 13 xatos, concretamentre de raza carreñana, conocía comercialmente como «asturiana de les valles».

Seguir leyendo

Castros romanos n’Asturies

Castros romanos n’Asturies

RADIO CANGAS RECONQUISTA : Charla con Angel Villa. Avances Investigación Castros Asturias

A lo llargo de la hestoria del ser humanu, el so enclín a la socializarse llevólu de pasar d’aquelles tribus nómades qu’escuerren el so alimentu d’estación n’estación, de norte a sur o viceversa, asitiase en pequeños y vetustos poblaos onde l’empiezu de l’agricultura y la ganadería, terminó con ese humanu errante y nació lo qu’a lo postrero se convertiría nes ciudaes y pueblos que conocemos anguaño. Anque nestos tiempos estos postreros, los pueblos, son murnia noticia

Estes construcciones evolucionaron de tal manera que fueron adquiriendo una serie d’atribuciones que les estremen unes d’otres. Una d’elles yeren los castros. Veníu del llatín castrum, yeren fortificaciones, qu’a partir del sieglu VI antes de cristu empezaron a espandise llegando al so apoxéu ente los sieglos IV Ya II.

Les sos característiques construcciones y la naturaleza de los sos pobladores fáen-yos resurdir como un elementu únicu y con una aureola de misteriu que-yos fixeron, inclusive, ser politizaos. Como toa hestoria inacabada, revisiones posteriores alterien el so pasáu celta y ponen sobre la mesa nueves conclusiones. Les recién investigaciones llevaron a los arqueólogos a refugar idees *estandarizadas tocantes a la so estructura, sobremanera a partir del sieglu IV a. La so estructura interna inda güei ta abierta a alderique y unu de los aspeutos más revesosos anicia’l la pirámide social que rexía estes instalaciones.

Pa falanos d’ellos, tenemos a unu de los espertos más cualificaos que lleva munchos años estudiandolos. PODCAST

 

Capítulu 8 Los asturianos aporten a poblar una parte d’Inglaterra.

  • Capítulu 8 Los asturianos aporten a poblar una parte d’Inglaterra.

Anque los antiguos habitantes d’esta provincia yeren xente fiero, apavoriante, acostumada a les guerres y engarradielles que solíen tener ente ellos y les rexones vecines. (como alvierte Florian d’Ocampo) Podríen oponer muncha resistencia pero nun paez que lo fixeren colos Ástures, porque les rexones taben en gran parte poco poblaes y sacupaes.
Por eso recibieron d’acordies a los Ástures pa favorecelos nes guerres que teníen colos pueblos vecinos. Por estos tiempos, escontra l’añu 255 aC, los antiguos habitantes d’Asturies, siendo homes preparaos pa la mar, como siempres lo fueron nestes mariñes, dirixíense bien comúnmente a la isla de Britania, qu’agora llamen Inglaterra. Saleando polos anchores del Mar hasta les partes occidentales d’Inglaterra, que poblaron y habitaron, faciendo les sos cases de maera y vigues clavaes nel suelu. Los murios texíos con palos, y llamaronlos Los Siluros: dalgunos dicen que llamaron con esti nome a tolos españoles qu’habitaben na mariña norte pero nun s’atopa tala descripción. Nin na descripción d’España, nin en nengún cosmógrafu, y asina esti nome de Siluros, o como diz Ptolomeo, Silires, -creo que ye xuna palabra d’aquella isla-, que los habitantes d’ellí daben a los asturianos qu’ellí aportaben. Hai dellos llugares n’Inglaterra colos mesmos nomes qu’otros n’Asturies como Llugo, Pravia, Tinéu, que Ptolomeo pon nesa provincia y na nuesa hai llugares col mesmu nome.
Fonte: De Carvallo, Luís Alfonso (1695); Antigüedades y cosas mejorables del Principado de Asturias.

El Principáu d’Asturies cunta con un total de nueve Víes Verdes (V.V.)

El Principáu d’Asturies cunta con un total de nueve Víes Verdes (V.V.). Estos espacios son antiguos trazaos de ferrocarril qu’a día de güei atópense en desusu, pero fueron reutilizaos como rutes non motorizaes a cuerpu o bicicleta, accesibles para tou tipu de públicos. Estes infraestructures constitúin un mediu curiosu y sostenible por que la ciudadanía esfrute de la redolada natural y de un ricu patrimoniu ferroviariu. Faciliten la práctica d’un ociu activo y saludable y promueven na sociedá un cambéu de mentalidá a favor de la movilidá activo y sostenible.

El so diseñu aprovecha les ventayes de los trazaos ferroviarios sobro los qu’escurren, ufiertando xuna máxima comodidá nel so percorríu y garantizando l’accesibilidá a persones con movilidá amenorgada. Amás, la restricción del tráficu motorizado apúrre-yos un eleváu nivel de seguridá.

Seguir leyendo

« Entradas anteriores

© 2024 Aula_d'ISA ツ. Alojado en Educastur Blog.