«Siendo un home de mar, paso munches, munches, hores na soledá del mio chalanu. Son los llibros los que m’acompañen siempres. Amiguinos y amiguines, pa conoceme meyor nun dexéis de lleer la mio vida al traviés de «La hestoria de l’Anguleru». Pa presentavos a los mios amiguinos, «Fina la Parrochina» , «Nadarín» y «Don caballito de mar».
Y al traviés del mio turullu de mar, tamién sentí d’otres tradiciones asturianes, qu’anque nun seyan de mar, son de fai cuantayá. Un cuentu de recién :»Un nataliegu perbullindiegu», que rescata una pervieya tradición asturiana, que ye quemar un Nataliegu, un tueru de carbayu na nueche de Nadal.
/
- Relatu: ¿Quién ye L’Anguleru?
- Relato: ¿Quién es El Angulero?
La figura del Anguleru naz d’un cuentu popular de navidá nel añu 2008 y ye una propuesta de l’asociación cultural Garabuxada para asina tener una perspectiva Asturiana nestes feches. Amás de la figura del Anguleru tamién surdió’l personaxe de Lolina la Rulera qu’ayuda al anguleru por que tou esti entamáu al so desembarco. Los dos percuerren Asturies el víspora de nuechebona empuestos pola llume que ye’l fueu máxico de quemar el tuero.
Lolina la llendadora
Na semeya, Lolina la Rulera y L’Anguleru nel llar asturianu del pescaderu xunto col so ramu de Nadal.
EL FAROLÍN DE L’ANGULERU. La lluz del farolín ye el llume sagráu que sal de la Foguera´l Nataliegu. El farolín estra de maxa tolo qu’alluma, enllenando d’angula’l serazu L’Anguleru, fayendo esnalar el so chalanu o tresformando les cañes de los y les Llendadores en ferramientes fantástiques que puen xubir l’agasayu a los edificios más altos qu’enxamás pudieres imaxinar.
Comentarios recientes