El domingu 26 de setiembre, na Plaza los Dolores de Grau, a les once hores, va entamar Indumentaria 2021, el Quintu Concursu de Traxes Tradicionales Asturianos. Van poder participar, inscribiéndose nesta web del 1 al 20 de setiembre, homes y muyeres pa llucir el traxe’l país de gala o de diario.

Ganadores de la edición 2021. VER MÁS FOTOS EN ESTE ENLACE

Tou alióse ayeri por que’l Día’l traxe’ fuera una fiesta, y una celebración de la cultura y l’identidá asturianes. Munchos d’ellos animáronse a llucir «traxe», ente los que se cuntó al diseñador moscón Marcos Luengo, un referente de la moda española qu’allegó al singular desfile acompañáu pola so fía.

«Vini tolos años a esti eventu, pero ye la primer vegada que visto, toi encantáu, ye una iniciativa bien interesante pa Grao, una iniciativa culta, fecha con bon gustu, y creo que si se -y sacara provechu, de forma que xenerara talleres, o un pequenu muséu onde pudieren esponese los traxes premiaos, sería un gran aliciente pal pueblu qu’enllazaría perfectamente col Camín de Santiago. Creo que tenemos que sofitar esta iniciativa y faer qu’esto apuerte a bien grande».

N’Indumentaria 2021 enseñáronse dos pieces auténtiques del sieglu XIX. Un camisón de llinu que se guarda nel pueblu d’Anzu, y que dieron con él Ambás y Ramsés, y que la familia propietaria cedió pa que lu enseñáremos y un xustillu de Sama Grau de la colección de Cos Mendendez.

La V Edición de’l Día’l traxe’l país volvió al conceyu moscón depués de tar un añu parada pola pandemia. Equí puedes ver una galería coles meyores imáxenes del desfile.

 

ANEXO: libro escaneado donde se puede ver algo del Traxe del país