La fiesta de La Balesquida, Martes de Campu o Martes del Bollu ye una fiesta que se celebra na capital del Principáu d’Asturies, Uviéu, a finales de mayu o principios de xunu coincidiendo col primer martes posterior a pentecostés, siendo día non llaborable na ciudá. La fiesta remonta´l sieglu XIII para celebrar la donación efectuada por Balesquita Giraldez al gremiu de xastres d’Uviéu.
La fiesta empieza cola llectura del pregón, la procesión de la Virxe de la Esperanza dende la Capiya de La Balesquida hasta la ilesia de Santiso. Mientres el día parte’l bollu preñau (bollu relleno de chorizu) y la botella de vinu ente los cofrades. Los uvieinos pasen la xornada con comida y bebida nes zones verdes de la ciudá. La confrería pervivió hasta güei, evolucionada naturalmente tocantes a naturaleza y funciones, inclusive hasta nel nome de la so fundadora: La Balesquida.
web
Chatea / fala con ISA equí…
Comentarios recientes