Publicado en Día de..., Música, Reciella

L’asturianu sal con nós que conpunxo Xaime Martínez pa esti VIII Día de la Reciella.

Y si tas mayáu
y nun quies salir,
y se fixo tarde
y tienes gana durmir,
remembra que siempre pues falar
l’asturianu na intimidá.
Presentámosvos el vídeo del tema L’asturianu sal con nós que conpunxo Xaime Martínez pa esti VIII Día de la Reciella.
“Ye un xuegu de pallabres que pretende esponer que l’asturianu nun ye una cosa de casa; que cola pandemia y el volver salir otra vez de casa, l’asturianu sal con nós y podemos usalu en cualquier ámbitu»
Preséntase’l sábadu nel Muséu del Pueblu d’Asturies. El vídeo ta fechu por Pablo Quiroga y Juan Tizón cola ayuda de muncha más xente, a lo que-y agradecemos un añu más tol sofitu que nos dan.

‘L’asturianu sal con nós’, el cantar qu’interpreta Xaime Martínez cola so banda La Familia Tradicional cuenta con un prestosu videoclip con protagonismu infantil grabáu en Cimavilla. Pablo A. Quiroga y Juan Tizón encargáronse de la realización del videoclip de ‘L’asturianu sal con nós’, nel que collaboró tamién Pablo Casanueva. Nél apaez Martínez, autor d’igual forma de la lletra xunto a Estela Álvarez Blanco, y imáxenes de neñes y neños baillandu y xugando en dellos allugamientos del barriu altu de Xixón.

La pieza inclúi tamién el testu del cantar, cola fin de que se pueda siguir n’actividaes escolares en formatu karaoke. Los temes fechos por ‘Reciella. Families pol Asturianu’ pa promocionar la xornada añal nel Muséu del Pueblu d’Asturies qu’entama pa ufrir a la ciudadanía un día en llingua asturiana dafechu queden llueu pal disfrute de los más mozos, que les convierten n’auténticos himnos, col exemplu de ‘¡Préstame pola vida!’, ‘Entaína’, ‘N’asturianu sumes’ y ‘¡Espoxiga!’.

Dende’l vienres 17 de setiembre vas poder sentir en toles plataformes dixitales el cantar promocional del VIII Día de la Reciella qu’esti añu fai Xaime Martínez y la familia tradicional, con lletra del propiu Xaime y Estela Álvarez Blanco, y que yá pues sentir en musicasturiana.com qu’esti añu súmase a les collaboraciones na organización. ¡Esperamos que vos preste tanto como nos presta a nós!

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *