Publicado en Música, Premios Princesa d´A.

La llección de Patti Smith a estudiantes de toa Asturies

La llección de Patti Smith a estudiantes de toa Asturies: “Nun vos dexéis llevar poles redes sociales, alloñavos del móvil, siguir la vuesa intuición y tomavos un tiempu para contemplar la Lluna». 

“Nunca entamé tener una banda, foi la poesía la que m’arrastró al rock’n’roll”, almite la Princesa d’Asturies” de les Artes nel IES Bernaldo de Quirós de Mieres, onde caltuvo un alcuentru con alumnos y sosprendió cantando «Peaceable Kingdom». LNE/ Por más qu’ella mesma insistiera esti llunes pela mañana en Mieres en que’l camín que cada unu hai de siguir ta dientro, non nes influencies o referencies que puedan atopase a lo llargo de la vida, Patti Smith atopose nel Institutu Bernaldo de Quirós con estudiantes de toa Asturies y dexó-yos delles enseñances.

La postrera, que nel escenariu hai que sosprender al públicu y dexar el pabellón no más alto. Yá s’había despidíu, esmolecida, dixo, d’habe-yos aburríu, porque vía semblantes demasiáu serios na carpa instalada para la ocasión, aportunándo-yos en que teníen que salir d’ellí sintiéndose bien y en qu’el so únicu conseyu para les xeneraciones futures sería curiar la naturaleza, curiase unos a otros y escuchar a Jimi Hendrix, cuando remaneció nel escenariu col músicu Tony Shanahan al pianu y dexó una emotiva interpretación de «Peaceable Kingdom», el cantar que dambos compunxeron para’l discu “Trampin” (2004) dedicada a l’activista Rachel Corrie asesinada en Gaza pol exércitu israelín.

 

 

Autor:

Maestra de Llingua Asturiana Colexu Carmen Ruiz-Tilve - Uviéu