¿Te gustaría impulsar la escritura creativo col to alumnáu de Primaria o Secundaria? Les guíes del @educaciongob puen ser un bon puntu de partida. Los destinatarios, docentes que deseyen convertir la so aula nun taller d’escritura. La so misión va ser acompañar al alumnáu, afayándo-y técniques d’escritura, distintes maneres de lleer y un métodu de trabayu que dexe a cada neñu, neña y adolescente atopar la so propia voz y estilu, qu’esquice nel so mundu personal y sía capaz d’espresar les sos idees a partir de la so singularidá y la so manera de reparar el mundu.
Les guíes tán estructuraes en trés partes:
- La introducción, onde se presenta qué ye un taller d’escritura, los oxetivos que s’escuerren y la conexón col currículu, la metodoloxía y l’evaluación.
- Les propuestes d’escritura: constitúin la exa central de la publicación y tópense de la mesma estremaes en trés puntos de partida para la práctica de la escritura. Nun primer pasu trata de «Cuntar el yo», escribir a partir d’una introspeición personal inicial y cuntase a los demás; un segundu pasu sería «Cuntar a los otros», dirixir la mirada escontra los demás, reparar a los personaxes reales o inventaos y les relaciones ente ellos; a lo último, encetaríase «Cuntar el mundu», averase al mundu de les coses, de la naturaleza, les ciudaes, los seres vivos o les lleis matemátiques y físiques. El fechu de que se trate de propuestes manifiesta’l calter abiertu y non escluyente del métodu del taller d’escritura.
- Les referencies bibliográfiques nes que pueden atopase tantu los fundamentos teóricos como otros acercamientos prácticos al aprendizaxe de de la escritura creativo.
