- Alborecemos con intervalos nubosos y dalguna precipitación dispersa con unes temperatures que tan alrodiu de los 13ºC, rexistrándose nel puirtu Payares 3,9ºC.
- Güei vamos tener nubosidá nel cielu que pue dexar cayer dalguna gotera a xarabatín feble nestes primeres hores con tendencia a desaparecer esa posibilidá a lu llargu la mañana onde van dir abriéndose claros o abancios con unes temperatures en descensu que mos dexará un ambiente frescu.
- Mañana vienres alboreceremos col cielu poco nuboso o escampláu, sicasí puen surdir borrinos y nublines no fonderu los valles , amás les temperatures al alborecer sedrán fríes con xelaes nes zones altes de montaña. Durante’l día la llume del sol calecerá l’ambiente pero malpenes algamaremos los 20ºC de másima nel meyor de los casos.
- El sábadu aumentará la nubosidá pa dexanos el cielu tapecíu pela tarde con unes temperatures n’ascensu y el domingu va tar nuboso cola posibilidá de que caiga dalguna gotera.