Con motivu de la publicación de “Poemes pa neños y neñes”, Sol Inca Asturies y Cecilia Díaz participaron nel programa Asturias al día, de RPA, onde foron entrevistaes por Roberto Pato. Les autores falaron del procesu creativu del llibru, de la importancia de la llingua asturiana na infancia y del diálogu ente los poemes y les ilustraciones nesti poemariu pensáu pa la reciella, les families, les escueles y toles persones que quieren siguir compartiendo y fortaleciendo la nuesa llingua dende lo cotidianu.
«Poemes pa neños y neñes» ye un poemariu infantil pensáu pa los primeros años de la vida, que busca crear un acercamientu a la cultura propia dende los fechos cotidianos usando temes cenciellos como llugares, oxetos o’l clima. Ye una idea que ñació col enfotu d’algamar un amor y respetu pola llingua asturiana, la naturaleza y el nuestru entornu más cercanu, faciéndolo d’una manera que-yos resulte prestosa a la reciella.
| Testos: Solinca Turbón | ISBN: 979-13-990269-9-3CÓDIGO THEMA: YBC / YDP / 5AG |
| Ilustraciones: Cecilia Díaz | Númberu de páxines: 32 |
| Formatu: 20 x 24,8 cm | Idioma: asturiano |
| Encuadernación: rústica cosida | Añu d’edición: 2026 |
Más conteníos:
Pintar‑Pintar Editorial agradez al programa y a Roberto Pato l’espaciu dedicáu a esti llibru y el so compromisu cola difusión de la producción editorial d’Asturies.
La entrevista completa pue vese nesti enllaz: https://pintarpintareditorial.blog/…/solinca-turbon-y…/
