Plaga de merucos en Tinéu/ La plaga yá se detectó va dos años na zona occidental d’Asturies.
Manuela Rodríguez pudo volver a la so casa; la que tuvo qu’abandonar por una plaga de merucos. Asegura que tuvo díes enllenando sacos, que’l golor yera insoportable y que se sintió sola porque naide-y daba una solución.
César López ye l’otru afectáu por esta plaga. De so ye esta finca de seis hectárees de la que yá quitó’l cultivu.
Dende’l Principáu, defenden qu’esta plaga ye avezada, anque suel dase pa finales del branu, y yá s’afitaron les midíes qu’hai que tomar apunta Rocío Huerta, directora xeneral de Ganadería y Sanidá Animal.
Sicasí, la mengua de les temperatures y la lluvia tamién favoreceríen la desapaición d’esta plaga.
