Esperamos unes condiciones meteorolóxiques estables en tola rexón. Vamos reparar intervalos de nubes altes ensin importancia que nun van dexar bastios en nengún momentu de la xornada. Los vientos van ser fluexos con dalguna qu’otra racha moderada. La so orientación va ser variable polo xeneral, anque por momentos van afitase de nordés na mariña y de sur nel cordal. Tocantes a les temperatures, van xubir ente 5 y 6 ºC respectu al miércoles nel centru y nel oriente, y hasta 3 o 4 ºC nel occidente. D’esta forma, van superase los 20 ºC en munches poblaciones asturianes. Les mínimes van baxar llixeramente hasta 1 o 2 ºC como muncho.
El vienres prevese más nubosidá, con posibilidá de bastios tantu de madrugada como a partir de la tarde. Estos bastios podríen venir acompañaos de delles nubes, sobremanera nel cordal y zones del terciu sur asturianu. Los vientos van ser variables, pudiendo predominar d’oeste na mariña. Les temperatures van baxar nel casu de les máximes y van xubir nel de les mínimes.
