- Alborecemos col cielu cubiertu por estratos nel llitoral y fastera central, tando poco nuboso o escampláu nel restu con unes temperatures que tan alrodiu de los 17ºC, rexistrándose nel puirtu Payares 15,5ºC.
- Güei vamos tener nubosidá estratificada nel llitoral y fastera central que malpenes va dixebrase nes hores centrales del día, sicasí pela tarde nel llitoral ocidental pue escamplar. Nel restu d’Asturies, como ye vezu nestes situaciones, va tar poco nuboso pero van dir surdiendo nubes de desendolque que van dexanos xarabatos de calter tormentosu pero esta vegada solo nel extremu oriental d’Asturies, con unes temperatures que van descender llixeramente.
- Mañana sábadu vamos seguir con nubosidá estratificada na metá norte d’Asturies pero nes hores centrales del día tenderá a dixebrase. Yá pela tarde tornarán a surdir nubes de desendolque y dexanos dalgún xarabatu de calter tormentosu dispersu ya ocasional con unes temperatures que tiende a subir.
- El domingu anque alboreceremos con nubosidá baxa nes zones habituales, predominará’l cielu poco nuboso durante’l día con un ascensu bultable de les temperatures con másimes qu’algamarán los 30ºC en munches zones d’Asturies.
- La selmana viniente paez que pue ser mui calurosa y batir varios récord de temperatures másimes pa un mes de xunu pero nun hai unanimidá ente modelos, too depende del movimientu d’una dana que según onde finalmente se sitúe pue empobinanos una masa d’aire mui calida y seca o dexanos xarabatos tormentosos.
