Esperamos cielos bien nublos en tol Principáu d’Asturies. La probabilidá de precipitaciones nun va ser alta pero nun se refuga que s’escape dalgún orbayu mientres el día. Los vientos van ser fluexos de norte y les temperatures van baxar de forma xeneralizada hasta 5 ºC respectu al martes.
El xueves tamién va tar el día nublu y prevense precipitaciones débiles. A más llargu plazu, con vistes al eclís del 12 d’agostu, enagora prevese estabilidá y cielos pocu nublos.
