- Alborecemos col cielu poco nuboso o escampláu, sicasí hai delles nublines no fonderu los valles con unes temperatures que tan alrodiu de los 12ºC, rexistrándose nel puirtu Payares 9,1ºC.
- Güei vamos tener el cielu poco nuboso con unes temperatures másimes n’ascensu moderáu, sobre too nel interior quedando más contenies por mor del vientu nordés na costa onde pue soplar dalgo cafiante nes hores centrales del día.
- Mañana sábadu van tocar techu les temperatures con másimes que puen averase a los 35ºC en zones del interior. Nel cielu tendremos nubes de desendolque pela tarde que puen dexar dalgún xarabatu de calater tormentosu na cordelera, nel restu va tar poco nuboso en xeneral, amás l’aire nordés tiende amenorgar nel llitoral.
- El domingu vamos seguir baxo esta situación con escasa nubosidá y temperatures másimes perriba de los 30ºC pero sin llegar a los 35ºC.
- Y paez que’l llunes tendremos un día más sanu col cielu poco nuboso y temperatures másimes yá perdebaxo de los 30ºC.
