El director xeneral d’Axenda 2030 reivindica’l Karité Fest como respuesta al racismu: “Ser racista y fascista tien de volver a dar vergoña”. Juan Ponte presentó güei esti festival, impulsáu xuntu col Conseyu de la Mocedá d’Uviéu, qu’asitia la cultura como ferramienta político, comuñal y de tresformamientu social dende la diversidá. Nortes.me / Actualidá
El Karité Fest va celebrar n’Uviéu del 21 al 23 de mayu para visibilizar la diversidá, combatir el racismu y reforzar la igualdá.
El director xeneral d’Axenda 2030, Juan Ponte, defendió güei la necesidá d’ufiertar una respuesta política, cultural y social frente al racismu y los discursos d’odiu mientres la presentación del Karité Fest, un festival antirracista que pretende convertir la cultura n’espaciu de conflictu democráticu, comunidá y tresformamientu colectivu dende la mocedá.
“El mio mensaxe ye meridianamente claru: en tiempos nos que’l coru de les dereches quier faer saltar pel aire la democracia, hai que consiguir que ser racista y ser fascista vuelva dar vergoña”, sorrayó.
El proyectu asitia nel centru les voces y esperiencies de comunidaes migrantes y racializadas y propón nueves formes de relación ente arte, cultura y tresformamientu social.
El proyectu propón nueves formes de relación ente arte, pensamientu y comunidá, asitiando nel centru les voces y práctiques de les comunidaes migrantes y racializaes, y ampliando el conceutu de festival cultural más allá de los formatos tradicionales. A xuiciu del director, esta iniciativa constitúi una ferramienta d’intervención social dende la cultura y l’educación, na que destaca’l papel de la mocedá pa la construcción d’espacios de convivencia, igualdá y acción colectiva frente a los discursos d’esclusión.
El Karité Fest va celebrar n’Uviéu del 21 al 23 de mayu para visibilizar la diversidá, combatir el racismu y reforzar la igualdá. Tal que esplicó Ponte, va dar protagonismu a mozos artistes afrodescendientes con propuestes culturales emerxentes al traviés d’un formatu de micro abiertu, col fin de fomentar la participación y crear comunidá. Amás, va incluyir iniciatives educatives empobinaes a mozos migrantes que combinen formación, inclusión y tecnoloxía.
“Nun basta con nun ser racista, hai que ser viviegamente antirracista, esto ye, entamase de manera colectiva pa combatir cualquier forma de violencia racista”, añedió. “Trátase de semar cultura del respetu, espublizar esperanza frente al mieu y promover la unidá. La inmigración implica más prosperidá, más riqueza, más llibertá y más interculturalidad; ye un valor positivu”, amestó.
El fesival ta impulsáu pola Conseyería d’Ordenación del Territoriu, Urbanismu, Vivienda y Derechos Ciudadanos en collaboración col Conseyu de la Mocedá d’Uviéu. Na presentación tamién participaron Inês Augusto y Alejandro López Trashorra, integrantes del Conseyu de la Mocedá.
- La programación va arrincar el 21 de mayu a les 18:30 hores nel edificiu Colonia Ceano (avenida Reyes Católicos, 20), cola intervención de Moussa Gueye, quien va encetar nueves formes d’aprendizaxe del castellán. La xornada va concluyir con una merienda senegalesa como espaciu d’alcuentru informal.
- El 22 de mayu, les actividaes van siguir nel Institutu Asturianu de la Mocedá. A les 19:00 hores va ufiertase una nueva merienda senegalesa, siguida a les 19:30 d’una mesa na que Blackwa, Elise Florentino y Oumoukala van cavilgar sobro la urxencia de los festivales antirracistes. A les 20:00 hores, Moha Gerehou va intervenir con una llectura crítica de los conteníos audiovisuales rellacionaos col racismu n’España.
- El festival va concluyir el 23 de mayu en Kuivi Almacenes con una xornada de celebración artística que va incluyir sesiones de DJ, conciertos en directu y amueses de danza, reivindicando la música y el cuerpu como ferramientes d’espresión, resistencia y tresformamientu cultural.
