Autora: CARLOTA ARAMENDI
Testu: DIONISIO de la HUERTA 1935
La portada de güei súmase a la fiesta de Les Piragües, esi día d’agostu en qu’Asturies s’echa al ríu y failo con un chisgo a esi personaxe tan asturianu que nun se pierde nenguna fiesta y muncho menos la celebración más emblemática del branu Ástur.
Dende Les Arriondes hasta Ribesella, el Sella enllénase de piragües, de banderes, de cantares y de xente que llega de llueñe para celebrar daqué qu’empezó fai casi un sieglu y que yá forma parte de la nuesa memoria.
A los dolce, dempués del pregón, del Asturies, Patria Quería y del cañonazu qu’espierta al ríu, empieza’l descensu.
Venti kilómetros d’agua y de branu.
Primero van los palistes, buscando’l tiempu, la victoria, esi intre en que’l ríu dexa de ser ríu y conviértese en camín.
Dempués lleguen los otros: los que vienen remar ensin priesa, a cantar, a moyase, a dexase llevar.
Y en les veres, la fiesta. Gaites, charangues, camisetes de colores, sidra, el Tren Fluvial siguiendo’l cursu del Sella.
Una romería qu’avanza cola agua y que convierte mientres un día l’oriente d’Asturies nel centru del mundu desque en 1929 Dionisio de la Huerta púsolo en marcha.
Y de camín aprovechamos para felicitar a Walter Bouzán y Bertín Llera, vencedores per segundu añu consecutivu en K2 masculín.Para Bouzán, amás, supon la treceava victoria nel Descensu del Sella ,diez en K2 y trés en K1, que lo converten nel palista más galardonáu de la hestoria de la competición.
A los sos 48 años, sigui baxando’l Sella como quien naciera ente les sos agües, les mesmes que piden la Princesa d’Asturies para Walter Bouzán
Carlota Aramendi @k.amendi esquiza la ilustración como una forma d’afayar y amosar aquello que de cutiu pasa desapercibíu: detalles, hestories y pequenes coses qu’apurren una perspectiva distinta a cada proyectu esperimentando con distintes técniques y soportes. Venceya los sos proyectos al ámbitu de la cultura y la comunicación visual
@theasturianer
#coverilustration
#lespiragües
#culturaasturiana
