Publicado en Intelixencia Artificial

El CTIC enseñará intelixencia artificial de forma responsable

El CTIC enseñará a los menores a usar la intelixencia artificial de forma responsable.

El programa ‘Aliate’ llegará a cinco centros educativos asturianos pa formar al alumnáu sobre les posibilidaes y riesgos de la IA.

Seis de cada 10 menores n’España usen la intelixencia artificial pa xenerar imáxenes o testos y la cifra medra hasta los ocho de cada 10 n’alumnáu de la ESO. El CTIC quier facer frente a la problemática que la IA pue xenerar nel deprendizaxe de los menores con un programa que-yos enseñe cómo beneficiase del so usu.

El proyectu ‘Aliate’ llegará a cinco centros educativos públicos, concertaos y privaos d’Asturies. Ún d’ellos, amás, ta asitiáu nel mediu rural. La idea ye que l’estudiantáu del últimu ciclu de primaria y toa secundaria deprenda a usar la intelixencia artificial y a beneficiase d’ella.

En tol cursu viniente fadrán 25 actividaes tanto dixitales como analóxiques pa conocer esi potencial de la IA y tamién deprender los peligros venceyaos cola privacidá.

Al acabar enseñaránse-yos proyectos reales desendolcaos en distintos ámbitos onde s’usa la intelixencia artificial y conocerán tamién a los profesionales que se dediquen a ellos.

Como puntu de partida, fadrán un estudiu nes aules pa saber la situación d’anguaño enantes del cursu. D’esta manera podrán inclusive adaptar la formación.

 

Autor:

Maestra de Llingua Asturiana Colexu Carmen Ruiz-Tilve - Uviéu