Un estudiu propón evaluar a profesores y estudiantes p’ameyorar nel informe PISA.
Les propuestes inclúin adelantrar un añu la elección de bachilleratu y nun refugar la memorización.
Un estudiu sobre cómo ameyorar los resultaos del informe PISA n’España propón evaluaciones en cada cursu a estudiantes y profesores. Tamién adelantrar un añu la elección de bachilleratu, anque con posibilidá de cambéu si l’alumnu nun s’adapta.
Les propuestes, 22 en total, estráxoles una empresa con sede n’Asturies, a partir de la IA y afitándose nos países con sistemes educativos de referencia. Otra suxerencia de meyora: non demonizar la memorización.
De les 22 encamientos de los siete países con meyores resultaos n’educación, en 12 hai consensu y n’otres seis la ideoloxía dixébranos.
Según l’estudiu de Deepmimic, ente les midíes sofitaes pola mayoría de la comunidá educativa tán pasar de cursu con asignatures pendientes solu si hai un plan de recuperación afitáu primeramente, consecuencies pa la dirección del centru si’l refuerzu comprometíu nun se lleva a cabu, consecuencies tamién pa los alumnos que falten al respetu a los docentes y nun rebaxar el nivel d’esixencia nuna clase con dificultaes sinón reforzar el sofitu nel aula.
Nel llau opuestu, la intervención de les families nel currículu: l’encamientu ye que non.
Pero pa tollo precísase, sostién esti espertu, estabilidá normativa y non que cada vez qu’haya un cambéu de gobiernu modifíquese la llei educativa.
