El Principáu aprueba’l proyectu de la primer Llei de Biblioteques d’Asturies pa garantizar l’accesu universal a la llectura y al conocimientu. La norma reconoz les biblioteques como espacios d’inclusión, participación y construcción de ciudadanía, más allá del préstamu de llibros. El testu refuerza la rede pública en tol territoriu con servicios adaptaos al tamañu de cada conceyu ya incorpora un Plan de Fomentu de la Llectura que se va anovar cada cuatro años.
Sofitu al llibru y a les llingües propies
La norma refuerza tamién el fomentu de la llectura como política pública estratéxica, con especial atención a la infancia y la mocedá, a colectivos vulnerables y a la meyora de l’accesibilidá por aciu formatos afechos, como la llectura fácil, el braille o los soportes sonoru y dixital.
El testu dedica un parágrafu de gran relevancia a la promoción y proyección d’autores locales, para impulsar la so presencia tantu dientro del Principáu como nos circuitos internacionales. Coles mesmes, va otorgase una especial espardimientu a ceadores qu’empleguen les llingües propies, con midíes concretes para incentivar l’alfabetización y l’aprendizaxe tantu n’asturianu como n’eonaviego.
De la mesma, la llei introduz un apartáu específicu dedicáu a les llibreríes, y reconocer espresamente’l so valor estratéxicu como axentes culturales esenciales para la dinamización de los conceyos. L’Alministración autonómica va collaborar de manera activa na so promoción y sostenibilidá, favoreciendo aliances cola rede pública de llectura y sofitando feries y eventos comerciales del sector.
La conseyera estimó espresamente’l trabayu del grupu técnicu de casi una trentena de persones encargáu de la ellaboración de la norma, y que ta integráu por profesionales del ámbitu bibliotecariu, personal técnico de l’Alministración y especialistes del sector, que la so aportación resultó clave.
Con esta llei, el Principáu da un pasu decisivu para reforzar la so rede bibliotecaria y consolidar una política pública empobinada a garantizar l’accesu universal a la llectura, a la conocencia y a la cultura en tol territoriu.
