Cultura crea los Premios de Patrimoniu Cultural d’Asturies, con diez categoríes pa reconocer el mantenimientu, recuperación y tresmisión del nuestru patrimoniu material y inmaterial. Actualidá
«La cultura tradicional ye pilastra de la nuesa identidá, y el nuestru oxetivu ye que disponga d’preseos de protección, pero tamién de recursos pa tresmitise, estudiara, sopelexara, anovara y llegar a xeneraciones nueves», señaló la titular de Cultura.
La primer iniciativa pretende reconocer a persones y entidaes que desenvolvieren unu llabor destacáu na defensa, caltenimientu, estudiu, recuperación o espardimientu del patrimoniu cultural.
La primer convocatoria va cuntar con diez categoríes, destinaes a premiar la recuperación y tresmisión de patrimoniu cultural, patrimoniu etnográficu, memoria oral, dances y bailles d’Asturies, tradiciones asturianes, cultura asturiana de la gaita, cultura quesera, cultura sidrera, cultura minera y conocencies y saberes venceyaos a la cultura asturiana
Los galardones, dotaos con mil euros per categoría, van poder reconocer tantu trayectories como actuaciones concretes d’especial relevancia. Les candidatures van poder ser promovidas por entidaes, asociaciones ya instituciones académiques, científiques o culturales venceyaes a la defensa del patrimoniu y tamién por particulares, nesti últimu casu, col aval de diez robles.
Los premios van tener calter añal y van apurrise cada añu a principios d’avientu, en redol a una fecha especial: el 4 d’avientu, aniversariu de la declaración de la cultura sidrera como patrimoniu cultural inmaterial pola Unesco y festividá de Santa Bárbara, patrona de la minería.
2) “La convocatoria promueve l’espardimientu de la cultura tradicional nes llingües propies d’Asturies en que siempres s’espresó», precisó la conseyera.
La convocatoria va sofitar iniciatives venceyaes al folclore —incluyíos la música, el baille y la lliteratura oral—, los oficios y l’artesanía, los deportes y xuegos tradicionales, la gastronomía, l’arquitectura y la construcción tradicional, la indumentaria y les festividaes y mazcaraes.
En materia de protección, el Principáu avanzó nos procedimientos para declarar bienes d’interés cultural (BIC) la Cultura Asturiana de la Gaita, la Danza n’Asturies y -yos Mazcaraes d’Iviernu, que los sos espedientes recibieron en xunu l’informe favorable del Conseyu del Patrimoniu Cultural. Tamién s’empecipiaron los trabayos para la reconocencia de la Cultura Quesera Asturiana.
