Actualidá / El percorríu amuesa les meyores rexistraes n’ámbitos como la sanidá, la educación, l’empléu, la igualdá, la movilidá, la cultura o la ciencia, al pie de aquellos elementos que formen parte de la identidá colectiva d’Asturies, como’l paisaxe, el patrimoniu natural, el modelu territorial o la cultura propia.
La esposición ‘Asturies yes tú’ va dexar al públicu vivir en primer persona les principales meyores qu’esperimentó la comunidá mientres la etapa autonómica. RTPA
Para Llamedo, “Asturies yes la to fala d’una autonomía construyida ente toes y toos. Una hestoria colectiva que dexó a Asturies avanzar n’ámbitos fundamentales como la sanidá, la educación, la igualdá o la innovación, y caltener coles mesmes la capacidá de caltener aquello que forma parte de la so identidá”.
“Esti pabellón mira al futuru dende l’arguyu pel camín percorríu, esa Asturies que decidimos caltener y protexer. Innovación y tradición formen parte de la mesma Asturies y esa convivencia ye precisamente la que queremos compartir con quien visiten la Feria Internacional d’Amueses”, concluyó la vicepresidenta.
Talleres y actividaes. La conmemoración de los primeres 45 años del Estatutu tamién va tener el so reflexu nel esterior del pabellón, onde’l Principáu va recrear una romería como espaciu d’alcuentru, convivencia y tradición.
Música, baille, xuegos tradicionales, cuentacuentos, talleres d’escanciáu, diseñu de banderes y chapes conmemoratives, demostraciones en vivu d’antiguos oficios y degustaciones van formar parte d’una programación qu’amuesa cómo la innovación convive col caltenimientu de les tradiciones que formen parte de la identidá d’Asturies.
Les instalaciones van acoyer, amás, xornaes y actos entamaos poles distintes conseyeríes y por entidaes públiques y privaes.
Los visitantes del pabellón del Principáu de la Feria de Muestres sedrán recibíos con una romería. Forma parte d’un pabellón nel que se celebren los 45 años del Estatutu d’Autonomía, al traviés d’un percorríu interactivu p’amosar la identidá d’Asturies.
Col lema ‘Asturies yes tu’, la esposición tará formada por 45 imáxenes que resumen la historia d’Asturies dende l’aprobación del estatutu. Habrá un homenaxe a les muyeres qu’abrieron camín y diferentes muestres de la evolución en sanidá y nueves tecnoloxíes. La TPA tendrá’l so espaciu nel pabellón. Un espaciu interactivu y dende’l que s’emitirán dellos programes.
Caxa Rural estrena edificiu col cristal como protagonista, la gran novedá de la edición d’esti añu
Ye’l primer edificiu de la Feria Internacional de Muestres abiertu a la ciudá y el primeru d’esti tamañu construyíu nes últimes dos décades apunta Verónica Durán, arquitecta.
Vistes privilexaes y cristaleres grandes que dexen poro, que la so actividá interior puea vese o intuise fuera del recintu ferial asegura Fernando Martínez, presidente de Caxa Rural d’Asturies.
1576 metros cuadraos distribuyíos en tres plantes, llevantaos en tiempu récord, nueve meses, y que nel restu del añu agospiará actividaes formatives, alcuentros empresariales, esposiciones o ponencies señala Pedro López, presidente Primeru de la Cámara de Comerciu.
Remátense los detalles pa dar a conocer la historia de la entidá financiera con una esposición monográfica dientro d’un xardín inglés. El puestu acoyerá caldía de Fería meses redondes pa esparder el llabor de los clúster, colexos profesionales, centros tecnolóxicos, fundaciones y inclusive a la voluntarios mozos qu’ayuden a desendolcar la so acción social.
