📡 Una patente adelantrada a la so dómina. Hedy Lamarr llogró’l 11 d’agostu de 1942, xuntu col compositor George Antheil, la patente estadounidense 2.292.387 para un sistema de comunicación secreta. Yera una persona desaxeradamente intelixente. Foi una pionera de la comunicación ensin cables. La mesma que s’emplega en teléfonos móviles, el WiFi o’l Bluetooth. Bio /
Les películes tienen el so llugar mientres un determináu periodu de tiempu. La tecnoloxía ye para siempres.
L’actriz austríaca concibiera un métodu para enzancar la interferencia de señales destinaes al control de torpedos. El diseñu emplegaba cambeos sincronizaos de frecuencia, antecedente de principios usaos darréu en sistemes d’espectru enancháu.
La Marina estadounidense nun adoptó’l sistema mientres la Segunda Guerra Mundial, en parte poles sos dificultaes técniques. Décades más tarde, el conceutu adquirió relevancia nes comunicaciones inalámbriques. La patente foi rexistrada sol nome llegal de Hedy Kiesler Markey.
Hedi Lamarr nun tuvo una educación formal en ciencia y aprendió ciencia pola so cuenta. Nel so tiempu llibre, dedicose a estudiar, a inventar coses y a hobbies rellacionaos cola ciencia.
Por cuenta de la 2ª Guerra Mundial emigró a los EEXX. Al dir a Hollywood, cambió el so nome por Hedy Lamarr. Protagonizó numberoses películes para grandes estudios. Mientres dos décades llegó a trabayar colos actores más importantes de la dómina.
Hedwig Eva Maria Kiesler, conocida como Hedy Lamarr (Viena, Austria, 9 de payares de 1914-Casselberry, Florida, 19 de xineru de 2000), foi una inxeniera, actriz de cine ya inventora austriaca. Inventó la primer versión del espectru enancháu que dexaría les comunicaciones inalámbriques de llargues distancies.
