- Alborecemos con escasa nubosidá ya con unes temperatures que tan alrodiu de los 10ºC, rexistrándose nel puirtu Payares 2,5ºC.
- Güei vamos tener el cielu poco nuboso en xeneral con unes temperatures que camudarán poco, calteniéndose un ambiente fresco, sobre too nel llitoral onde l’aire nordés pue soplar cafiante nes hores centrales del día.
- Mañana martes vamos tener escasa nubosidá pela mañana pa dir aumentando a lu llargu’l día y dexar el cielu tapecíu pela tarde. Les temperatures camudarán poco o subirán llixeramente, sicasí l’aire nordés tiende amenorgar pa quedar sele ya variable faciendo que la sensación térmica nun seya desagradable.
- Durante’l riscar del miércoles un frente fríu poco activu asociáu a una vaguada atlántica va cruzanos d’oestes a este, dexando al so pasu precipitaciones febles en xeneral, amás podrá nevar de nuevu nes cumes más altes de la cordelera perriba de los 2000m. con raches fuertes de vientu gallegu en puntos del llitoral y zones de montaña. Durante’l día van dir abriéndose dellos claros o abancios con unes temperatures que van seguir siendo fresques.