Nes xornaes de la Sociedá Española de Medicina d’Urxencies diéronse claves pa salvar vides.
La principal novedá nel soporte vital básicu ye qu’hai que llamar al 112 cuanto enantes, desque una persona pierde la conciencia señala Arancha Martín, médica d’Urxencies del Hospital de Cabueñes.
El 112 va unviar ayuda y, en casu de nun tar entrenaos, va danos instrucciones. Cada segundu cunta, recuerda Arancha Martín qu’añadió más novedaes como la introducción del conceutu Gasping.
Fundamental, tamién, cardioprotexer los espacios. Cuntar con desfibrilador. Y mientres s’asitia siguir coles compresiones toráciques. El soporte vital básicu, afita, ye la llinia ente l’adiós o la vida. Otra charra abordó los Primeros Auxilios Psicolóxicos. Son intervenciones curties p’amenorgar l’estrés, el caos internu. Una de les claves ye la validación emocional asegura Angélica Rodríguez, psicóloga d’Emerxencies.
Y nes intervenciones en crisis suicides.
Tamién destacó la importancia de que los profesionales s’esmolezan pola so salú mental. Que se curien ente ellos.
