Publicado en Aniversariu, Escritores

1849: Muerre Edgar Allan Poe, escritor

Edgar Allan Poe: muerre’l ceador d’una lliteratura nueva «Edgar Allan Poe morrió’l 7 d’ochobre de 1849». Escritor estadounidense consideráu una figura fundamental de la lliteratura de terror, el cuentu policial y la poesía. En 1845 publicó The Raven, poema qu’amplió considerablemente la so reconocencia pública.

«Cree namá la metá de lo que ves y nada de lo qu’oyes»

Consideráu’l maestru de la lliteratura policiaca y de terror.

“Porque la lluna nunca relluma ensin traeme suaños.”

 

Tenía apenes 40 años y finó en Baltimore dempués de ser atopáu en circunstancies que nunca quedaron dafechu esclariaes. Naciera en Boston en 1809 y desenvolvió una trayectoria marcada pola poesía, el cuentu, la crítica lliteraria y el trabayu editorial.

Mientres la so etapa en Filadelfia escribió dellos de los sos relatos más conocíos, ente ellos The Fall of the House of Usher, The Murders in the Rue Morgue y The Gold-Bug. Poe tuvo xuna influencia particular sobro’l desenvolvimientu del cuentu policial. The Murders in the Rue Morgue, publicáu en 1841, introdució al detective Auguste Dupin y estableció recursos narrativos que darréu seríen utilizaos por autores como Arthur Conan Doyle y otru escritores del xéneru.

La so obra combinó estructures narratives rigoroses con temes rellacionaes cola muerte, el duelu, el misteriu y l’alteración psicolóxica. Los sos últimos díes siguen arrodiaos d’incertidume. Dempués de viaxar por Virginia, Poe pasó por Richmond y darréu llegó a Baltimore, onde foi atopáu en condiciones precaries. Foi treslladáu a un hospital y morrió el 7 d’ochobre. La documentación disponible nun dexa establecer con certidume una causa médica definitiva de la so muerte.

Autor:

Maestra de Llingua Asturiana Colexu Carmen Ruiz-Tilve - Uviéu