Va sieglos, una muyer llamada 𝑽𝒆𝒍𝒂𝒔𝒒𝒖𝒊𝒕𝒂 𝑮𝒊𝒓𝒂́𝒍𝒅𝒆𝒛 dexó n’Uviéu muncho más qu’una obra benéfica: semó l’orixe d’una de les tradiciones más queríes de la ciudá. Corría l’añu 1232 cuando’l so legáu dio llugar a la Confrería de La Balesquida, xerme d’una fiesta que güei sigue axuntando a xeneraciones enteres alredor del bollu, la música y l’amistá. 💚
Y cada añu, primero que llegue’l Martes de Campu, apaez él: 𝑬𝒍 𝑯𝒆𝒓𝒂𝒍𝒅𝒐. Vistíu de blancu y al llombu del so caballu, percuerre les cais del cascu antiguu anunciando qu’Uviéu/Uviéu yá ta de fiesta. Una tradición centenaria que sigue emocionando xeneración tres xeneración.
Güei, les semeyes vuelven cobrar vida: los corros nel Campu San Francisco, les gaites, el bollu compartíu, les meriendes so los árboles y esi arguyu tan uvieino de caltener viva una celebración que forma parte de la nuesa hestoria.
